نــــــــــــداء خاص .. للخبيره في طريقه " الطاقيه " و لكل وحده جربت هاذي الطريقه ..

السلام عليكم ورحمة الله
يعطيك العافية اختي على هذا الموضوع
انا استخدم هذي الطريقة ممتازه مره وتلف الشعر وبعض الاحيان يفكروني الاهل مستشوره شعري واللف بالطاقيه يخلي الشعر انعم واحلى ومايقصف الشعر مثل الاستشوار
شوفي طريقتي ياستي وان شاء الله تفهمين علي
انا استخدمها بعد الاستحمام وانا ماحب احط زيوت في شعري
اول حاجة اقسم شعري قسمين من النصف وتكون قسم يمين (1)
وقسم يسار (2)
امسك القسم اليسار (2) وامشطه باتجاه الخلف واثبته ببنس سوداء المقاس الكبير اضع انا بنستين وحده عكس الثانية ويكون نهاية الشعر وبداية الرقبة
ثم اتجه الى القسم اليمين (1) وارفعة لفوق وامشطه باتجاه الاعلى
ثم الفه على جهة (2) اليسار ونضع بنس قبل الوصول عند الاذن وكل اشوي اضع بنسة بين مسافات على حسب طول الشعر اذا كان الشعر قصير يحتاج تثبيت اكثر
ونصل الى التثبيت الاول للجهة (2) وافتحه واشيل البنس واضم اليها الشعر الباقي ومن ثم ارجع اثبته بنفس الطريقة الاولى واكمل التثبيت في الجهة (1) اليمنى
الى ان ينتهي بقية طول الشعر
ومن ثم اضع شال على الشعر واربطة وكل اشوي افتح اللفة والفه مره اخرى
لكن بدل مانبدى من اليسار نبدى من اليمين والي بعدها العكس وهكذا الى ان يجف الشعر وينعم ويتسدح وبس وان شاء الله فهمتي علي وافدتك :27:
وتحياتي

مشكوره حبيبتي انا من زمان ودي اعرف كيف اسويها لان شعري خشن وماابي اعدمه بالاسشوار

مشكووووووووورة خيتوووو على هالموضوع

أنا بعد مثلك ودي أتقن طريقة الطاقية لكن البنات اللي يستخدموها شلون يقدرون يمدون الشعر من الوراء
أنا حتى لو قدرت أمد الشعر الأمامي من ورا ما أقدر أفرد الطعجات :icon33:

انا اسويها نفس طريقه الاخت فروله 4 بس لما افك شعرييصير فيه كهرباء ومنكوش وشكله خشن وموقف من ان شعري ناااعم

انا اسويها بس اتعب من البكلات اللى فى راسي اذا نمت فيها


بس نتايجها روووووووووووووووووعه


بسم الله

1- امشط شعري واقسمه نصين

2-امسك الجهة اليسار واشدها للخلف واحط بنسه قبل الاذن بشوى

مع شد الشعر الى الخلف واستمر فى وضع البنسات وحده عند الاذن

وتحتها شوي الى ان اكمل متل نصف الدائرة وانتى تلفينها على راسك



3- الشعر اللى بالجهة اليمين راح امشطه واجيبه لقدام وراح يلتقى

طرف الشعر اللى بالجهة اليسار مع جذور الشعر اللى باليمين ( فهمتي) ؟؟

4- توصلين هاذى المنطقه ( الجذور والاطراف ) ب بنسه

5- تكملين باقى الجهة اليمين بالعكس عشان تكملين نصف الدائرة التانى

ويصير الشعر كانه دائرة


واغطيه بطرحه عشان لما انام ما يتخرب


وسلامتكم