123هيه

123هيه @123hyh

محررة برونزية

نداء عاااااجل............ ارجوالدخول

الأسرة والمجتمع

السلام عليكم ورحمة الله وبركاته
كيفكم بنات وكيف العام الدراسي الجديد معاكم
المهم بعد السلام
عندي كلام ابغى افضفض من كثر ما انا مقهوره

بصراحه يا اخواتي في الاونه الاخيره انتشرت الخيانه الزوجيه بشكل موطبيعي

صار الكل يشتكي اذا دخلتي المنتديات تعالي اقري البلاوي
اذا طلعتي برا البيت شوفي بعينك

كيف الزوج يغازل ويواعد عيني عينك
وزوجته الضعيفه معه ولاتدري عن شي!!!!!!!!!!!!

اذا سولفتي مع احد تعالي اسمعي القصص اللي تشيب الراس
فلانه طلعت من زوجها !!!!

ليه عس ما شر .؟؟؟؟؟؟

اكتشفت ان زوجها يخونها ,,,,,,,,,,

يمكن وحده منكم تتفلسف وتقول الخيانه لما تشوف ان زوجها نام مع وحده هذي الخيانه ا
اما المكالمات والماسنجر ماتعتبر خيانه !!!!!!!!!

وانا اقول كلها خيانه لان المكالمات والماسنجرطريق يوصل للخيانه

والزوج لما يقضي ساعات على الماسنجر بعيدعن زوجته وعياله هذي تعتبر خيانه

لان هالوقت اللي قضاه بعيدعنهم حرام حرام وبيساله ربي يوم القيامه عن هالوقت
ولما اللي قاعد ه تكلمه وترسل له مسجات وتتمييع في صوتها هذا حرام وخيانه!!!!!

وحرام عليها اللي قاعده تسويه !!!!

وش استفادت لما تسببت بالمشاكل بينه وبين زوجته ؟؟؟

وش استفادت لما هدمت بيتهم ؟

وش استفادت لما شتت عيالهم ؟ وتسببت عليهم بالطلاق ؟

وش استفادت لما فرقت بين زوجين ودمرت حياتهم ؟؟؟

ليه تبني سعادنها على تعاسة غيرها ليه؟؟؟؟؟؟؟؟؟؟


والله يابنات انا ما اقول هالكلام من فراغ !!!
انا اقوله من واقع تجربه عشتها

زوجي خانني وطلعت منه من اكثر من سنه
وش صار لي بسبب هالخيانه؟؟؟

بيتي انهدم وعيالي تشتتوا
وتفرقت عن زوجي

وللاسف امي الحبيبه توفت بسبب تعرضها لجلطه لان السكر ارتفع عليها بعد ماعرفت مشكلتي !!!

احس بحرقه في قلبي لاني تسببت على امي بهالشي
الله يرحمك يا امي الغاليه ويسكنك فسيح جناته
والله يابنات اكتب هالكلام وكلي دموع !!!

الله يحرق قلب اللي حرق قلبي !!!!! امين يارب
المهم ارجع لموضوعي شفتوا يابنات وش صار معي ؟؟
واكيد فيه الاف غيري عانوا مثلي واعظم !!!!

لكن السؤال اللي يطرح نفسه ؟؟؟؟؟؟؟؟؟
ليه الخيانه؟؟؟؟؟؟


سؤال اوجهه للزوج وللي معه تخون !!!!!!!!!
ليه تسوون كذا في خلق الله ?????

اولا للزوج اقول :

ماتخاف الله في زوجتك وعيالك
زوجتك اللي ماقصرت معك وقايمه بواحباتها تجاهك تخونها ليه ؟؟؟؟؟؟؟

حاشمتك ومكرمتك ومكرمه اهلك وتعاملك احسن معامله تخونها ليه ؟؟؟؟؟؟؟؟

عيالك هالابرياء وش ذنبهم يتشتتون وينحرمون من امهم ؟؟؟؟؟؟؟

ماتدري ن الله لك بالمرصاد ماتدري ان معك ملك يسجل كل شي تسويه

ماتدري ان كل عضو في جسدك راح يشهد عليك يوم القيامه بكل البلاوي اللي سويتها؟؟

لكن الله على كل ظالم
ثانيا للخاينه :

ماتخافين الله في اللي تسوينه؟؟؟؟؟؟؟؟

تخطفين زوج من زوجته !!!!!!!

تهدمين بيت وتشتتين اسره !!!!!!!
وتفرقين بين زوج وزوجهّّّّّّّّّّّّّّّّّ

وتسببين في وفاة ناس !!!!!!!!!!!

ليه ليه ليه الانانيه
ماتفكرين الا في نفسك وبس
سعادتك وبس وغيرك لا ؟؟؟؟؟؟؟؟؟؟؟

ماتدرين ان الله لك بالمرصاد
ماتدرين عن كمية المعاصي اللي ارتكبتيها

ماتدرين ان كل عضو من جسمك راح يشهد عليك بكل اللي سويتيه

ماتخافين وانتي تكتبين على الكيب وورد يجيك ملك الموت يقبض روحك

يجي يقبض روحك وانتي تكلمين الخاين او وانتي مواعدته اوعالماسنجرقاعده معه بالساعات
ياناس خافوا ربكم في اللي تسوونه في خلق الله

والله يابنات اعرف ناس انسحروا بسبب الخيانه
تجي وحده ماتخاف الله تسحر الرجال وتاخذه من زوجته
وهي تنبسط معاها والزوجه تتعذب وتتحسر!!!!!!!!!!!!

حسبي الله ونعم الوكيل علي كل من تهدم حياة زوجين وتفرق بينهم !!!!!

ادري يابنات طولت عليكم

يمكن تقولون اني بالغت اوتقولون اكيد الوحده تقصر عشان كذا يروح زوجها يطالع غيرها
وانا اقول لا بالعكس

تكون الوحده قمه في كل شي لا من الجمال ولا من الاخلاق ومع ذلك يخونها زوجها

بس كذا (مسالة مزاج رجاجيل وعيون زايغه)

والله يابنات اغلب الرجاجيل الحين صايره موضه عندهم كل واحدعنده زوجه وعشيقه

(زوجه للبيت والعيال وعشيقه للوناسه وسعةالصدر والفله)

حسبي الله ونعم الوكيل عليهم وعلى اللي يساعدهم على الحرام

لكن هذا نداء مني للجميع سواء كانوا عضوات في منتدانا او من خارج المنتدى
اللي تسوي محادثات مع متزوجين تتقي الله في نفسها

لاتفرق بين زوج وزوجته وتقول وش اسوي احبه !!!!

لاتشتت اطفال ابرياء وتحرمهم من امهم
لاتتسبب في طلاق الزوجين !!!!
صدقوني اللي تسوي كذا ربي مايخليها سواء عاجل او اجل
الا بيجيها يوم من الايام عقوبه على اللي سوته باذن الله
لاتظن انها راح تسلم من دعاء الناس عليها
انا شخصيا كل يوم ادعي على اللي فرقت بيني وبين زوجي
والله لايحللها ولايبيحها على اللي سوته فيني والله يستجيب لكل دعاء ادعي عليها

واخيرا ارجوكم يابنات لاتزعلون من كلامي

ومره ثانيه اوجه ندائي لكل وحده تساعد زوج خائن على الخيانه اتقي الله في نفسك وفي غيرك!!!!!

والسلام عليكم ورحمة الله وبركاته
92
7K

يلزم عليك تسجيل الدخول أولًا لكتابة تعليق.

تسجيل دخول

حرم الظابط
حرم الظابط
الله يعوضك خير حبيبتي..........
وانتي صادقه الخيانه منتشره بشكل غريب الله يستر بس............
الغلط مو من الرجال ....الغلطه من بعض الحريم هداهم الله تعطي الرجال وجه لو مافيه حريم ماتربو ماكان فيه خيانات ولا غيره...........
كانت الدنيا بخير.............
وين ايام اول الرجال يتمنى يتزوج عشان يستر عمره.........مع بنت الحلال.........
الحين صارو الحريم الله يكافينا الشر ترمي نفسها رمي على الرجال...............
الله يحفظنا بس..........
دعوه شخصيه
دعوه شخصيه
وهو قله الامطار
وكثره الفقر والغلاء من لاشي
من البلاوي الي قاعده تصير بهالدنيا..
الله يعوض صبرك خير ياحبيبتي..
ولاتلومين نفسك بوفاه الوالده يومها وربي كاتبه
ادعي لها..وادعي لنفسك..وتحسبي الله..ربي مايضيع عنده حق سبحانه
اما الي تخون ويخون اعتقد ما راح حتى يمرون على هالمنتدى لانه غالبا
ماراح يعجبهم شي..
الشيطان مخليهم في سباااااااااااااااااااااااااااااااات
ملح الملامح
ملح الملامح
الله يعينك ويربط على قلبك

ويرحم امك وجميع المسلمين
123هيه
123هيه
حرم الظابط
دعوة شخصيه
دنيا الابداع
ملح الملامح
اسعدني مرورركم الكريم
الله يجزاكم خير
سمو الرووح
سمو الرووح
الله يعينك ويربط على قلبك

ويرحم امك وجميع المسلمين