مرحبا
شوفي حبيبتي كريم الاساس انا مااحب الا كريستيان ديور واستخدم بعد البودره المضغوطه حقته روعه يناسبني وحتى الماسكارا من نفس الماركه
الكحل القلم من ريفلون سواده مو طبيعي مره حلو صديقتي تستخدمه بس انا احب الذهبي القديم لانه اسود ومايسيح
بالنسبه للكحل السايل احب كحل بودي شوب لانه ريشته سهله وترسمي بترتيب وكثير يمدحونه
البلاشر استخدم واحد من بورجوا من زماااااااااان عندي حلو ماعليه
انشاء الله اكون افدتك

باي:26:

ماشاااااااء الله عليج يا أخت سلافة2120 وااااااااو ردج يبرد القلب بصرااحه ..ياما خذينا من الماركات وللأسف فلوس على الفاضي <<هذي نفسج جربت الماركات الغاااااااليه ام أسعار مجنونه والماركات الوسط ..:(
شوفي يا أختـ babylove عن تجربه جربت أرواج ستي لاودر صحيح أرواجهم حلوه لكنها غااااليه وقلت خليني أجرب نيفيا وبصراحه أعجبتني أسعارهم معقوله وألوانهم حلوه ..كريم أساس لين الحين أدور شي ممتااااز ويبين طبيعي ..لمعة الحاجب من مكياجي حلوه لكنها بهدلــــــــه تتناثر بكل مكان :11: ..البلاشر مادري شو آخذ يمكن أجرب برجوا من مدح البنات لها إن شاء الله تطلع حلوه .. على فكره يقولون المكياج من أي ماركه ينفع المهم تاخذين مثبت المكياج عشان الألوان تبقى ثابته لأطول وقت ممكن ..يارب اكون قدرت أساعدج بشي والسموووووحه :26:

سلام لاحلى بنوتات
ابي منكم طلب لا تردوني وهو روج الوانه اللي احبها (وردي فاتح على فضي وردي ، لحمي ، .......باختصرار الالوان الفاتحة )اعشقها بشرط يثبت
تخيلو اسوي الروج واروح اي مناسبة ما اكمل عشر دقايق والاشفايفي مافيها شي وتصدقون احس بالاحراج بصراحة
يعني ودي اي ماركة حتى وان كانت غالية اجيبها ، او من اي مكان من السعودية ، او من دبي
المهم حاجة تثبت ومتكون طبية
في بعض ماركات اسويها تسوي لي تقشل في الشفايف رغم انها غير منتهية
وتسلمولي يارب من كل شر
وبادعي لها من كل قلبي

اذا كنت تقصدين ماكياج الدوام فما عليج الا ماكس فاكتور الجديد مع البودرة مالته اما اذا كنت تبين للاعراس والحفلات فكريم level 601 رائع مع كفرديرم واخذي كفرديرم مال الجسم مومال الوجه عشان اهوه اخف وافتح درجه اخلطيهم بايدج مع كريم الاساس وبعدين وزعيه على الوجه.
حطي بودرة نيبو الدرجة الفاتحة رقم 01 على كامل الوجه بكثرة بعدين نيبو رقم 08 على عظمة الخد.
خطي الحواجب بقلم مبروك اللون البني اللي يكون فيه من الاسفل مشط للحواجب eyebrow brown.
البلاشر استعملي سمايلنج او بوبا يجي مجموعة كاملة سعرها مو غالي حطيه على الخدود العظمه بس وحوالي الانف منطقة المثلثفما فوق بس على الاطراف وبالوسط حطي لمعة ذهبية بشكل مستقيم عشان يطلع الخشم حلوووووووووو.
الماسكارا من ريميل اسمها اكساجيريت احلى ماسكارا رخيصه انا مجربتها.
الروج او الحمرة عندج ماركة اكسل حلوة و قولدن ليدي .
لما تخلصين من ماكياج الحفلة فيه لمعة رهيييييبة اسمها قولدن ليدي اتراكشن2004 انثريها بايدج على كامل الوجه بيطلع كانج رايحة للصالون وهذا سري في عمل الماكياج لا يقال الا للعزيز الغالي.
واي سؤال انا حاضرة؟؟؟؟؟؟
مريوووووووووووووووووووش.

ما شاء الله عليكم يابنات عيني عليكم بارده والله ما قصرتوا
ردودكم تثلج الصدر والحمدلله ظني ما خاب فيكم جزاكم الله خير

الغاليه سلافه 2120
الله يوفقك والله انك رهيبه وماشيه معاي على نفس الخط وانا شخصياً مجربه الغالي والرخيص وما توفقت في الغالي عشان كذا قلت اجرب الرخيص اللي تعرفونه من خبرتكم عشان اوفر على نفسي الخسائر الا اذا اضطريت له وردك يثبت انك فنانه وراعية مزاج وما تنقادين الا للي يناسبك .... تعجبيني
ولك مني الف شكر وما راح تغيبين عن بالي من احسن الدعاء

شوكولاته بالنعناع
كنك داريه ان اموت في الشوكولاته بالنعناع يممممممممممممم
مشكوره على المشاركه وحبيت اسالك اذا انتي حنطيه فاااااااتحه زيي وش رقم وسعر كريم الاساس و البودره اللي تستخدمينهم لاني سويت بحث وكثير مره يمدحون كريستيان ديور فياليت تفيديني عشان اروح اجربها

شوق العيون
تسلمين يا حلوه على المشاركه وفعلااااااااااا الاخت سلافه 2120 ردها يبرد القلب الله يعطيها العافيه
انا وانتي في الهوا سوا كريم الاساس هو فعلاً الاساس ولو تنحل مشكلته يروح نص الهم
وعلى فكره اخت في الرياض وما تستخدم الا البلاشر من برجوا و يجنن عليها بس ترى انتبهي اللي منتشر في كل مكان هو التقليد وانا والله ما قد جربته بس يوم سألت عن الالوان اللي تستخدمها اخت ما لقيتها فقالي راعي المحل تلقينها في الاصلي بس!!! واظن الاصلي تلاقينه في سيتي بلازا او الاماكن اللي تبيع الماركات المعروفه والاصليه
وبالتوفيق

بنت اليمن
ولو يا حبيبت احنا هنا عشان نساعد بعض
بالنسبه للالوان اللي طلبتيها انا لقيت عندي الوردي على فضي وهو من كريستيان ديور التقليد يعني يمكن بعشره لونه روعه وثابت رقمه 812 واللحمي مو فاتح مره مره و سايح زي الزبده وحلووما يطلع عن حدود الفم بس ماركه اصليه من كلينيك رقمه 12
وحاولي انك ما تاكلين الروج وانت عند الناس ههههههههه وجرب الارواج اللي يكون في مكوناتها فيتامينات

مريوووووووووووش وينك ؟ والا هونتي ؟ ترى ما نستغني عن خبرتك والكل قاعد يستفيد ما شاء الله

اشكر كل اللي شاركوا وتجاوبوا ولكم وعد مني اني اقلب شنطة مكياجي فوق تحت واخبركم بالاشياء اللي اشوف انها فادتني برغم خبرتي المتواضعه ولكني لاحظت ان فيه اشياء يمكن تكون مشتركه وراح افيدكم بها في القريب العاجل

واوعدكم اني اكتب لكم الاشياء اللي اشتريتها ونفعت معي من الماركات اللي قلتوا لي عليها بس اصبروا علي شوي

وياليت المشرفات يثبتون الموضوع ويكون متجدد وحافل بخبرات البنات اللي عمرهم ما بخلوا بها علينا والكل يفيد ويستفيد
ودمتم :cool: :27: