نداء عاجل بنات الإمارات أرجوكم مساعدة ابي اشتري اشياء تراثية قديمة

ما شاء الله عليج و على الفكره الحلوه

مافي شي أحلى من التراث

يا ليت تخبريني تبين شو بالضبط ونا بدور مكان المحلات و بخبرج

ونا عندي لوحات تراثيه كلها شغل يد ووايد حلوه

اذا تبين منهم خبريني اصورهم واخليج تشوفينهم

و شكرا

عزيزتي أفراح أمه

ونا عندي لوحات تراثيه كلها شغل يد ووايد حلوه


اتمنى والله تساعدني بأفكارك وممكن ترسلين لي الصور على الخاص او تعرضين لي الصور هني

واذا الشغل حلو يمكن اتعامل معك في البيع بصراحة الاجانب يدورن ها الاشياء

مثل ما قلتي كل شي عن التراث المهم طريقة العرض في بروايز او لحالهم

ابي اختي كل شي قديم سيوف خناجر ، دلال رسلان القديمة ممكن اختي

اشياء مصغرة مثل الدرايش القديمة والابواب القديمة
اتمنى يكون المحل في دبي لأني بنزل دبي

والف الف الف شكر لك اختي

والله يوفقك في دنيا والاخرة ويرحم والديج وجعل والديج الجنة اختي الكريمة

واتمنى من الاخوات يعطوني افكار في عرض الاشياء القديمة مثل عرضها كتحف او براويز اتمنى طرح الافكار

بارك الله فيكم ورزقكم الدرجات العلى الجنة

هلا أختي

الصراحه نحن ما عندنا محل متخصص في التراث

لكني أعرف ناس عندهم اللوحات التراثيه و بعض الاشياء الاخرى وكل ها في براويز و شكلها وااااايد حلو


ان شاء الله بصورهم و بعرضهم خلال اسبوع بالكثير

و شكرا

ممكن تروحين محلات عشر وعشرين درهم عندهم هذي السوالف


سوق الشارقة المركزي فيه قسم كبير للأشياء التراثية بس شوي غالي

سيتي سنتر دبي

أختي أنا أنصحج بسوق الشارقه الجديم فيه كل سوالف التراث