غرشوب رعبوب :

حبيبتي اول شي انتي في فترة اخيره من الحمل وهالفترة لها ضغوطها النفسيه وتعبها الجسدي اللي مايخليك تفكرين بعقل وبحياديه وموضوعيه اختي كون زوجك يزني وانتي تدرين بهالشي بس مرتاحه لانه برا البيت هذا غلط لانه ممكن يجيب لك امراض او مشاكل لا سمح الله وبعدين لما استسهل الموضوع صار يطلب هالشي في بيته طيب انا بسألك سؤال اللي فهمته من كلامك انه يقول للخدامه تقول لك انه يتحرش فيها !! انتي ماسألتي نفسك ليش يطلب منها هالشي !!! يمكن هو مب رغبه فيها ولا جمال ولا انه اصلا يبي يزني معاها يمكن هي محاوله منه للفت انتباهك ثلاث اطفال في اربع سنوات وشي مع دوامين صبح ومسا صعب جدا مب بس عليج بس بعد عليه هو وعيالك !!! اختي فكري برويه وفكري بحياديه مهما حاولتي تبذلين جهدك بين بيتك وبين عيالك وزوجك وشغلك راح تفشلين انتي مب مكينه تشتغلين اربع وعشرين ساعه يبي لك ترتاحين وخصوصا العلاقه الخاصه يبغي لها مزاج ونفس ووحده رايقه انتي تعتقدين كونك ماترفضين طلبه للعلاقه هذا كافي ؟؟ ابدا مب كافي هو يبي له وحده تتفاعل معاه تحس فيه يرضيها وترضيه يبين عليها انها مستانسه ومستمتعه مب بينه هو وبين كرشتها وتعبها وبين عيالها ومحاتاتها للدوام بكره !!! بعدين استغنائك عن الخدامه في هالفترة مب حل بالعكس حمل اضافي عليك الا اذا استبدلتيها بخدامه تجي بالساعات تساعدك عشان نكون واقعين لا تحطين اللوم كله عليه يطالع برا وقاسي هذا كرد فعل على عدم احساسه بوجودك طبعا انا مااعطيه العذر وابرر له بس انتي طلبتي النصيحه والراي وانا بقول لك رايي بكل امانه ما يصير تحطين اللوم عليه وبس!!! صبري شوي لين تربين بالسلامه وترتاحين شوي وشوفي لج احسن طريقه لتنظيم الحمل واامن طريقه والتفتي لبيتك وعيالك وزوجك في المرتبه الاولى لان الرجال مايبي لبس وزينه يبي روح تشاركه وتهتم فيه ويبي ارضاء اول شي في الفراش ثاني شي بالكلام والمعامله عطيه فرصه اخيره ونصيحه ردي بيتك ولا تتركينه وفي اقرب فرصه دوري شغل ثاني يكون دوامه اريح عن شغلك هذا وسددي ديونك باسرع وقت عشان اذا حسيتي انه الافضل لك الجلوس في بيتك تقدرين تتركين عملك بكل سهوله اما عدم اعتذاره وتكبره يختي انتي تشوفينه غلطان من ساسه لراسه بس هو بعد يشوفك غلطانه اكثر منه وماسك عليك وايد اشياء والرجال صعب عليه يعبر ويصرح باللي داخل قلبه كل تعبيراته افعال يعني زعلان متضايق منك ماراح يتكلم راح يتصرف بانه يبتعد عنك يرفض التعامل معاك او الصرف عليك كعقاب !!! هدي الامور ودخلي طرف عاقل بينك وبينه وقعدي معاه قعدت مصارحه وربي يهدي سركم

حبيبتي اول شي انتي في فترة اخيره من الحمل وهالفترة لها ضغوطها النفسيه وتعبها الجسدي اللي مايخليك...