نداء عاجل للدكتوره نجلاءمحمود والأخوات الفاضلات

طبعا انا ولادتي كانت في المستشفى العسكري ومن هنا بدايه القصه كانت كل الأمور تماما في حملي
وراح تكون ولادتي طبيعيه هذا كلام الدكتوره لي وهو أول ولاده لي ولكن ولدت أول ماكملت الثامن ودخلت التاسع يمكنت اربع ايام حسيت بالولاده وتعسرت الولاده عندي وقالوا راح نولدك قيصريه بسبب نبض البيبي ضعيف وانا كمان ضعيف:( روعوني قالوا يمكن يموت الطفل لازم يله بسرعه أنا على طول خفت تخيلوابعد ماوقعت على العمليه فكوا الأجهزه عني وخلوني تقريبا نصف ساعه وانا كنت اقولهم يله أخاف يصير لبيبي شي طبعا اخلاق الممرضه زفت:30: الله يصلحها وكنت أقول لأمي خليهم يجون ليش يسون كذا المهم سويت العمليه وبعد مادخلت الغرفه وطبعا قبل مأطلع جاء دكتور الأطفال يكشف على ولدي قبل مايطلع وكان فيه الصفار ومع ذلك طلعه ولا إهتم ولاشي وإحنا قلنا عادي كل المولودين يجيهم ويروح بعد ثلاث أسابيع بالجلكوز وانا وأخواني فيهم بس راح ماعدا اول اخواني طول لحد اربعه اشهر المهم ابني بعد رابع أوتقريبا خامس يوم من الولاده بدا عليه الصفار في عينيه وتدريجيا بدا في جسمه وبعد شهر من الولاده طول و ادخلته المستشفى العسكري وياليت سمعت نصيحه الحريم اللي في الأسعاف ولانومته> نادمه <وكانت نسبة الصفار 34 بمعدل 669 وتم تغيير له الدم فورا بعد دخوله العنايه كخطوه اولى وجعله تحت الأشعه لمده اسبوع ومراقبه التحاليل كل 12 ساعه ونزلت النسيه الكبيره إلى 335 هذا بعد تغيير الدم وثالث يوم من تغيير الدم بدأت النسبه بالأرتفاع ولمده ثمانيه أيام ورجعت تزيد وكل ماأسأل دكتور عن السبب الكل يقول لم نتوصل الى نتيجه وكل واحد يقول كلام ولما شفت الأخطاء الطبيه الموجوده في العنايه طابت نفسي منهم وطلعت ولدي يعد ماكمل ثمانيه أيام والكل قالي ماعليه إلا العافيه المهم تابعت الحاله عند الحبيب وسيت التحاليل الشامله للدم والكبد كلها سليمه وحتى الأنزيمات حتى أخر شي سويت له تحاليل شامله وارسلتها الى المانيا من عمرسبعه اشهرونص وطلعت سليمه قالو انه يمكن من ضعف في الأنزيم تصوروا قالوا لي مادام نموه سليم ولاجاه شي عاااااادي هذا عيب خلقي من الله عادي راح يستمر لمده حياته المهم وزن من الولاده 2 كيلو و900 جرام والآن عمره عشره أشهر ووزنه 8 كيلو و300 جرام فصيله الدم أنا وزوجي نفس الشي وحتى ولدي نموه طبيعي واكله سليم ولكن لايجلس إلا مستند ويميل ورقبته شوي مرتخيه ولا يمسك الأشياء خواف شوي ماشاء الله عليه ذكي يميز الأشياء وصحته العامه كويسه ولله الحمد واذا فيه علاج مجرب للصفار شعبي دلوني عليه جزاكم الله خير أنا جربت الزعفران والمر والجلكوزوملاحظه أناجربت:30: المستشفى العسكري ولا أنصح أخواتي الولاده فيه من اخت محبه لكن