نداء عاجل من مرآة نفسي إلى أصحاب القلوب المحبة للخير

تعجبني طريقه تحليلك للمشاكل
تخصصي علم نفس و ممكن انقل الى علوم اجتماعيه
ممكن ما الاقي شغل جيد مع مرتب ممتاز و ممكن حتى شغل عادي ما الاقي
بس مايهمني...دخلت هذا التخصص لاني احبه رغم اني مازلت في بدايه دراستي و لكن شعرت فعلا بتغير شخصيتي و طريقه تفكيري و هذا يكفيني
مجرد اني اقدر اساعد شخص عادي حتى لو كانت صديقه على حل مشكلتها فابلنسبه لي حققت هدفي

شوفي كونكم مازلتم طالبات فمعناه انكم لم تقعدوا سنوات طويله و انتم في جميعيتكم...يعني نقدر نقول اكثر شئ اربع سنوات صح؟
طيب تعتقدي ان هذه مده كفايه لتحقيق هدف كبير مثل هدفكم؟ طبعا لا
انا ما اقدر اقولك اش الاعمال الي تقدر تسويها لاني لا اعيش ببلد عربي و ما اعرف اش المحيط عندكم و الحياه هناك
ولكن هدف الجميعه تقدري انك تحققيه لوحدك...الاعمال التي كنتم توزعوها على انفسكم ليش ماتقومين بها لوحدك و بنفس الوقت استمري بالبحث عن طالبات جدد ينضموالك
وممكن مايكونوا طالبات...يعني ممكن يكونوا موظفات اوطالبات بتخصص ثاني بس يحبوا انهم يساعدوا بهذه الاعمال
يمكن كان من الافضل انكم تبدا الجميعه بعدد قليل يعني مثلا ثلاث او اربع طالبات فقط و بعدين لما تزيد اعمالكم تزيدوا عدد العضوات
انتم دخلتوا متحمسات و متشجعين للعمل و بداتوا و لكن تفاجاتوا بالواقع و هذا سبب احباط لبعضكم
و استغرب كيف طالبات بتخصصكم يجيهم هذا الاحباط..وليش الاحباط؟ لاحظي ان واحده من اهدافكم ان العمل يكون لوجه الله سبحانه و تعالى
فهل هذا الهدف انتهى لان جمعيتكم لو تكبر؟ او لان بعضهن انسحب؟
هذا هو اهم و اكبر هدف لازم يكون في الجميعه و هذا يبقى مستمر الى الابد فما يصير انكم تحبطوا...
اشعر كما لو ان هذا الهدف كان موجود كمنظر فقط..او لانه لازم بما اننا مسلمون نقول ان كل شئ لوجه الله سبحانه و تعالى
ولكن وقت الجد و لما شفنا ان الجميعه لا تكبر فنسينا هذا الهدف

تقولين ان الاعمال محدوده مثلا مستشفى و مدرسه..ولكن كم مدرسه ومستشفى يوجد على ارض الواقع؟ مكان اقامتك :)
هل زرتم كل المستشفيات و المدارس و دار الايتام؟ ولنفترض انكم فعلا زرتوهم كلهم..طيب معقوله انكم تساعدون بكل مره نفس الاشخاص؟
لا طبعا...حتى لو قاعدين تسوون الانشطه بمدرسه واحده فاكيد انكم في كل مره سوف تتعاملون مع تلميذ جديد
اليس هذا واحد من اهدافكم؟ مساعده الغير
او لازم انكم تغيرون المكان كل شوي؟
وبالعكس لما تركزون على مدرستين و مستشفى و دار ايتام لفتره محدده بعدين تصيرون معروفين بهذه الامكان و بعدين تنتقولن لاماكن جديده و هكذا الى ان تصيروا معروفين بكل الاماكن
ولكن افترضي انكم زرتم هذه المدرسه مره واحده فقط لا غير...اكيد بينسوكم..

.انتم محتاجين ايضا ان الناس تعرفكم و هذا مايصير الااذا داومتم بنفس المكان اكثر من مره
حاولي كمان تتقربوا من المسؤلين...يعني لو شفتي مثلا مديره مدرسه او الوكيله شخصيه محبوبه فتقربي منها و ابقي على اتصال معها من فتره للثانيه
هذا كل مالدي يعني ردي ملخبط كم طريقه ممكن تساعدكم وكم طريقه لزياده حماسك :)
موفقه:27:

أهلا عزيزتي دموع الندم ...

-أنا معاكي بأن كنا متحمسين وانا كنت أكثر وحدة متحمسة ، وحتى العدد كان كبير...

-اممممممم اما المدة اللي استمرت فيها الجمعية سنة ونص ، وانا عارفة ان المدة قصيرة لكن بدينا بداية ممتازة لكن بعدين انقلبت الامور..

- وسبب الاحباط هو ان ما كان في شي ممكن نقدمه ، يعني حتى لو رحنا دار المسنين او المدارس او الدار الايوائية ما نقدر ان نقعد مع هالاشخاص و نحل مشاكلهم لان مو من حقنا احنا مو موظفات ... الا اذا رحنا في ميداني هذا شي ثاني...

-وهدفنا ما كان ان نوسع في الجمعية ( الا بعد التخرج بسنين ) وما كان هدفنا الشهرة ، كان هدفنا نساعد اللي محتاج للمساعدة مهما كان حجم المساعدة حتى لو صغيرة ، لكن ما كنا نلقى اللي يشجعنا ويفتح لنا المجال ...

- معاكي حق كان المفروض ان ما يقتصر على طالبات من نفس التخصص كان المفروض ان يكون فيه اشخاص غيرهم ..

- و صحيح انني أقدر اشتغل بنفسي و اسوي هذا كله بنفسي لكن احب احد يشاركني الاجر :)

- يمكن استعجلت في تنفيذ هالحلم ... ومثل ما قالوا الفكرة سابقة لأوانها ..

مشكوووورة عزيزتي على الافكار ، وضحتي لي الاخطاء الموجودة من الاساس ان شاء الله في المستقبل اتفاداها :)

ماشاء الله عليكم وجزااااااااكم الله خيرا

بصراحة مااااااعندى اى فكره ولكن اعجبت بما كتبتيه وبحرصك على مساعدة الاخرين

الله يوفقك انشاءالله .............واذا كان فى دعم مادى للمشروع انشاءالله مايكون عندنا مانع وبالتوفيييييييق:24:

بالعكس يا اختي الغاليه مرآة نفسي

الفكرة غير سابقه لأوانها.....

لكن عندي سؤال.....في مدينتك مافيه جهة خيريه او جمعية

ترعى النشاطات الانسانيه والاجتماعيه؟؟؟؟؟؟


اذا كان فيه ليش ماتنضمين لهم.....بكذا تكون في جهة لها خبرة

ولها علاقاته وصلاحياتها في القيام بالانشطة. تدعمك معنويا وماديا

...تكتسبين منهم الخبرة ومن ثم....وممكن اذا انضميتوا كلكم

للجهة هذي تقترحون عليهم.....اقتراحاتكم واحلامكم اللي تطمحون لها.

واعرضوا عليهم السيرة الذاتيه لجمعيتكم والنشاطات اللي اقمتوها.

صراحه اشجعكم على الخطوة هذي والانسان اذا ما ابتدى

وهو على مقاعد الدراسه وش ينتظر...بالعكس توقيتكم

مناسب وعسى الله يوفقكم يارب ويسدد خطاكم.

أهلا عزيزتي أم خالد ...

الحمد لله اختي الدعم المادي موجود ... كل اللي احتاج له الدعم المعنوي ..

أشكرك اختي العزيزة على تقديم المساعدة و دعائك :)