انا اسوي شي اعجبني وفك ازمه
اقطع طماطم وبصل وفلفل رومي احمر واحمسهم بالزيت واخليهم يتسبكون بدون اي اضافات
بعدين اخلطهم بالخلاط واذا برد حطيتهم بالكياس صغيره حقت اللحم الشفافه كل كيس حق استخدام يوم




واستخدمه بالشوربا الفطور او الكبسات لسحور
يوفر علي كثير وخصوصا اني مااحب ريحة الكشنه


وكمان حاولي تسوي سمبوسا الجبن وتفرزينيها
انا عن نفسي مااحب اجمد غير السمبوسا والكشنه بسس

الله يبلغنا رمضان لافاقدين ولا مفقودين ويوفقنالصيامه وقيامه ويوفقنا لليلة القدر ويتقبل منايارب

مثل ماقالوا البنات حبيبتي مافيها شئ يوفر عليك الوقت والجهد الا الاستعداد والتنظيم المسبق ..يعني الفرزنه وتجهيز الاشياء اللي تستخدميها بشكل يومي ...والاجهزه اللي تحتاجيها كل يوم تخليها فوق جاهزه ....والاكل البارد والمشروب البارد حطيه ببلاستيك ....وكمان التنظيف العميق للبيت بشعبان
اللهم بلغنا واحبابنا رمضان غير فاقدين ولامفقودين ياااارب العالمين

الله يبلغنا واياكم رمضان ويعينناعلى صيامه وقيامه.. اول شي خذي الصحون الكاسات الزبادي حقت الجلي بلاستيك .. ثاني حاجه السمبوسه سوي كميه وحطيها في الفريزر الشوربه سوي حقت يومين ..المعجنات فيه عجينه سهله وسريعه وطرريه لجميع انواع المعجنات اللي تبغي تسويه سويه بهذي العجينه المقادير .. فنجال قهوه زيت.. نص فنجال قهوه سكر ... فنجال قهوه حليب بودره ... كاس مويا دافيه .. ملعقه كبيره خميره فوريه .. كاسين دقيق .. الطريقه تحطي الحليب والسكر والخميره والزيت مع بعض وتصبي عليها المويا وتحركيها لين يذوب السكر وبعدين حطي عليها الدقيق يمكن تحتاجي دقيق زياده ويمكن لا ع حسب الدقيق اللي عندك واعجنيها لين تصير متماسكه واتركيه تتخمر ربع ساعه وتكون جاهزه والله يجزى صاحبة الوصفه كل خير لانها من جد العجينه روووعه لكل شي ممكن تسوي منها بيتزا ممكن تسوي منها خليه او مناقيش او عش البلبل او سينابون او فطاير .. بالنسبه لتنظيم الوقت اصحي الظهر صلي واجلسي اقري لك كم جزء من القرآن حددي لك وقت ساعتين بعدها قومي للمطبخ سوي الشوربه . جهزي حشوة السمبوسه . جهزي جلي او كريم كرميل... سوي صينية حلى .. يكون اذن للعصر صلي وكملي شغلك يكون قرب المغرب جهزي السفره واجلسي ادعي واذكري الله . بعد المغرب يكون فترت راحه. اذن للعشاء صلي وصلي التراويح اقل شي ساعتين وبعدها توكلي على الله ونظفي بيتك وخلصي غسيلك وجهزي سحورك يكون عندك وقت قبل الفجر اذا اذن صلي ونامي لين الضحى وقومي صلي لك كم ركعه وارجعي نامي لحد اذان الظهر والله يديم علينا الصحه والعافيه ويكتب اجرنا يارب

ماقصرتم والله فعلا الكشنه المفرزنه جربتها مره جاني طماط كثير وحمستها مع بصل وشوي كزبره ريحتني كثير في طبخ الغداء مرق وكبسات هذي فعلا بسويها اقل شي تريحني من تقطيع للبصل والدموع الاربع اربع😂😂