نداء لاهل الخبره والحكيمات في الحياه الاسريه

بسم الله الرحمن الرحيم
انا بدخل في الموضوع على طول مشكلتي انا متضايقه من تصرفات زوجي هو من داخله انسان طيب بس مشكلتي معاه مايجلس في البيت تونا ماكملنا سنتين وعندي بنت
المشكله يخلص دوامه 2يرجع البيت العصر ينام ويطلع يرجع بعد العشاء ويجلس ساعتين ويطلع مايرجع الا2 وانا اكون نايمه والله تعبت من ذا الحال كأن وجودي في البيت بس لشغل والتنضيف وتربيه بنتي
بعض الاحيان اكون تعبانه ابغا كلمه حلوه وما القاء منه الا التحطيم مشكلته مايعريف يتعامل مع المراءه كزوجه يقول كلام يجرحني فيه على سبيل المزح ماعد ادري هو مزحه ثقيل ولا قاصد يجرحني الكل يمدح في جسمي وفي شعر بعكس زوجي ما قد سمعت منه كلمه حلوه الا اذا كان يبغى شي
ما عمره دخل علي بهديه او عرض علي سفره او طلعه لازم انا اللي اطلبه كاني فارضه نفسي عليه
اذا قلتله اجلس لا تطلع جلس وتربع قالي هاه قولي وش عندك يلاه اسمعك كانه جالس على جمر يجلس يطالع لساعه بنات انا اطفش بين اربع جدران لحالي والله تعبت والله ماعد ادري وش اقول
حتى لو لبست وكشخت وتعطرت بأحسن عطر نفس الوضع 
زوجي مدمن شيشه وقهاوي كل وقته فيها والله العالم وش يشوف من مقاطع وصور في جوالات الشباب لانه كذا مره يقولي ونصحته بس يطنش
مره يتأثر بكلام الشباب
 هو انسان طيب ما ابغا اسبب مشكله جالسه اصبر واقول يابنت تعوذي من الشيطان لا تهدمي بيتك ع شي يمكن غيرك يشوفه تافه
اقول اكتب له رساله الحين واقوله اني متضايقه من ذا الشي بس واش اكتب احترت احس مشاعري بدأت تموت وبسببه مع انه يتهمني بالبرود بالله كيف يبغاني وهو ما يجلس في البيت الا سويعات
كمان فيها ياخذ بنته وينزل لاهله طبعا اسكت من حقه يجلس معاهم الله يهديه ويصلحه ويسخره للي ويبعد عنه اولاد الحرام