نداء لاهل الكويت أختي بتزوركم يوم تقضي للعيد وين تروح؟

حبيبتى اختج اى منطقه تبى تروح فى الكويت عشان اقدر افيدج

والله ماادري ؟؟
بس الي اعرفه انهم اكييييييييييد بيمرون سوق شرق يعني هالمنطقه مااعرف اسمها..

شوفى حبيبتى سوق شرق كله ماركات وحلو وراقى انصحها تروح الفروانيه في مجمع الحمراءمول فيه شاررمل ومحل المنصورى للمكياج كل الماركات الرخيصه فيه وتلاقى مجمع جنبه العربيدبلازاحلو وفيه كشك اسمه اطياب المرشود عنده بخور اسمه ابن الوليد روووووعه وعطر هرده حلو وبالفروانيه محلات هنود يبيعون المكياج الرخيص وفيه سوق العربيد القديم عندهم دراريع حلوه

وياقلبى ماعندنا مكتبات كبيره ومعروفه نفس اللى بالسعوديه هنى نشترى من السوق

الحلويات ماعندى فكره اسالج وارد عليج

البدل النسائى كل مجمع فيه ويمدحون مجمع زهرة بالسالميه الجديده اناكل لبسى تفصال عشان جذى مااعرف اسماء معينه


سوق السالميه القديم حلو ورخيص العطور العربيه والبخور تروح سوق المباركيه القديم كل المحلات موجوده فيه محل ابواب مكه عنده بخور حلو وعطر اجياد يهبل

وفيه محل امل الكويت بالنقره الشمالى عنده بخور يهبل هذا المجمع بحولى

ماراح يكفى يوم عشان تسوق هالشغلات هاذى


اختج حياها فى الكويت اتمنى افدتج واذا تذكرت شى ماكتبته ارد واكتبلج

السلام عليكم

بالنسبه للحلويات و الدرابيل و الرهش

انصحها تروح محل ( أمير الأمراء) في حولي شارع تونس مقابل حولي بارك للألعاب صراحه حلوياتهم روعه و شغلهم نظيف

حبيبتي أنا عمري ما زرت الكويت بس أسمع الكويتيات يمدحون مجمع الأفينوز
والمارينا مول على ماأعتقد وعلى فكره الدراريع عندهم حلوه