هلا بك اختي ..

طريقة العريكة .

طحين بر وشوي ملح تعجنينهم بالموية لحد ما تصير اثقل من الكيك بس مو متماسكة .

وتصبينها في طاوه فيها شوي زيت لحد ما تستوي وتقلبينها على الوجه الثاني .

وبعدين حطيها بكيس والبسي قفازات عشان ما تحرقك واعجنيها لين تصير كورة :)

وحطيها بالحافظة واحفري حفرة صغيره بالوسط وصبي فيها الزبدة او السمن . والعسل على رغبتك او تمر .

هذي صورتها .




اما الخبزة ما اعرف الا هذي . طبعا بالفرن مو تنور .




وان شاء الله بكرة اسويها واذا حابه راح اصور لك الخطوات .


دعواتك .

الله يجزاكم خير
اايه الله يرضى عليك ابغى الخطوات ماعليك امر..

اكتبي في قوقل طريقه عريكتي بالخطوات وتطلع لك انا نفسك كنت حيل مشتهيتها لين ماشفت الصور وعرفت اضبطها بس حلو مره ودسممممممممممممممه اخذت طريقه ام الذرابه الله يجزاها خير حيل سهلتها

اختي هذي الخبزه




المقادير :

طحين أي نوع ( أبيض / بر / دبي ) / شوية سكر / ملح / خميرة فورية /

ماء دافي للعجن / شوية زيت



طبعاً هنا الطحين المستخدم بر وحطيت عليه شوية أبيض تعجن المقادير وذلك


بخلط النواشف معاً ثم نضيف الماء على دفعات قليلة جداً وتعجن لفترة طويلة

حتى تبدأ تخمر وآخر شي نملك العجينة على قول أمي بالزيت وكل ماطولت

بالعجن احلوت الخبزة تغطى وتترك جانباً حتى تخمر وتتضاعف العجينة



هنا بعد مااختمرت العجينة وتكون مطاطية بهذا الشكل



وبعدين نحضر صينية ونحطها على النار وندهنها بالزيت ونخليه يحمى جيداً

ثم نصب العجينة ونساويها في الصينة ( الخطوة هذي والصينية مولع عليها فوق الفرن ) وندهن الوجه بصفار بيضة



ثم ندخلها الفرن ونكون مشغلينه من قبل وعلى درجة عالية وتترك حتى يتضاعف حجمها

ثم نخفف النار وتترك حتى تستوي وتحمر من تحت وفوق والجوانب ( تاخذ من ساعتين الى ثلاث )







تخرج من الفرن تقطع وتقدم بجانب اللبن والعسل والسمن وممكن تؤكل مع الايدامات والنواشف






وترى طعمها لذيييذ وتهبل وتقرمش قرمششششة





بالعــــــــــافيــــــة ..

وهذي العريكه الذيذه

بسم الله الرحمن الرحيم


انقل لكم طريقة عمل العريكه بالتمر
هذه الطريقه سهله جداً ومضمونة النتائج...
وما عليكِ إلا اتباع الخطوات التاليه...


المقادير..


1 كأس دقيق بر


1 كأس دقيق ابيض


2 كأس ماء


ذرة ملح


1 كأس تمر.. منزوع النوى


نصف كأس سمن... او زبده..تترك على النار..حتى يطلع منها مثل الجفل الابيض..


الطريقة...


تخلط كمية الدقيق مع ذرة الملح والماء في سحله...
حتى يصبح الخليط متجانساً .. وكثافته مثل خليط الكيك ...



ثم يُصب الخليط في صينيه ويوضع في فرن حار لمدة ربع الى ثلث ساعه تقريباً..






تأكدي من استواء العجين بغرس سكين في وسط الصينيه..واذا خرجت السكين نظيفه من العجين ..اذن قد استوت العجينه..


اقلبي قرص العجينه في الصحن وضعي عليه التمر ونصف كمية السمن..






استعملي القفاز ... للعجن..لأن القرص حااار.. ولن تتمكني من عجنه بيدك مباشرة.


ابدأي بعجن التمر مع القرص...


استمري بالعجن .. حتى يتجانس التمر مع القرص..





ضعي العريكه في حافظه..ثم ضغطي من المنتصف لتشكيل حفره جميله املإيها بالسمن والعسل مع دهن العريكه من الاعلى بقليل من السمن...


جهزي دلة قهوة وحطيها جانب العريكه.... وافطروا بالهنا والعافيه





ملاحظه ... هذي الكمية تكفي من ثلاث الى اربع اشخاص


بالعافيه

وهذي صور لانواع ثانيه من العريكه













اتمنى اكون افدتك ...