نداء لبنات الجنوب بخصوص عادات العيد ولبسهم..

السلام عليكم ورحمة الله وبركاته..
العشر عليكم مباركة..
أخواتي أنا من الرياض وحابة تخدموني بشيء يخصكم..
وهو أن نوينا نسوي حركة في العيد إن شاء الله وهي كل وحدة تلبس لبس شعبي هي وبناتها وتقدم العيديات مثل الأولين.. فأنا اخترت اللبس الشعبي الجنوبي بحكم محبتي لكم.. فأنا أبغى تفيدوني عن عادات العيد عندأمهاتكم وجداتكم.. هل فيه حلويات معينة توزع؟ طبعاً ما أبغى أكلات ووجبات دسمة.. بس أبغى توزيعات خفيفة.. أبغى تعلموني مثل أيش؟
والطلب الثاني لقيت جلابية لبنتي، لكن باقي أنا ما شريت وما لي خلق أنزل الأسواق أشتري.. فياليت إذا كان وحدة منكم في الرياض وساكنة في البديعة أو العريجاء أو السويدي وعندها جلابية ممكن تعيرنياها أو تأجرنياها بسعر مقبول..
الله يسعدكم ويفرج عنكم,, ياليت تردون بأقرب وقت..