حيا الله الملقوفات الي ذبحتهم السوالف:11:
طبعا الي تدري والي ماتدرين بعطيكم موجز عن اخر الاخبار وبعدها نشره الاخبار المفصله
>>بسرعه الي تبي تجيب لها حب او نفيش وبيبسي ترا اترياكم:21:
طبعا تعرفون من موضوعي السابق ان يوم ميلاد زوجي كان الخميس الي طاف
ومااااااااااااسوا ام الافكار يايبه لكم اخر الاخبار المفصله عن اشصااار
>>كل وحده وهمتها يلا اشتغلوا على رياييلكم
بسم الله الرحمن الرحيم
نبتدي في العقره ..خخخخ >>يعني على ريلي
يوم الخميس الصبح طلعت من البيت بعد ماجهزت عده بدلات لزوجي وشلت الهدايا معاي
الساعه 8.00 دزيت له مسج يصحيه وكتبت له:
صباح الورد والياسمين والعنبر على اغلى البشر..
حبي ابيك تقوم الحين بسرعه وتجهز حالك وانا مخليتلك جم بدله جوف الي تعجبك والبسها
والساعه 9.00 بالضبط ابيك عند الباب بتجيك سياره
المهم الساعه 9 اهو طلع وجااااااااااااات له سياره ليموزين وخذته من البيت واهو راز الوجه وقاعد ورا السايق جنه شيخ لاالله الا الله عليه ريلي جنه البخت>>:eek:
وخذاه ووداه للفندق الي كنت حاجزه عندهم حق الspa
طبعا حق يسوون له فيشل ومسااااااااااج ويخلونه يلق
في هذي الاثناء انا الشيخه ماسووا الي اهي انا دخلت البيت وتسبحت وتعطرت وسويت شعري وتمكيجت ولبست وشلت شلايلي ورحت الفندق الثاني الي انا حاجزه فيه غرفه ..
طبعا الفندق الي اخترته كان يطل على البحر وحيييييييييييييييييييل هادئ والصراحه وايد عجبني
دخلت الغرفه وحطيت اغراضي ولبست توب سهره وطلعت مفاتني >>انتي عندج مفاتن:29:
اما التنوره فكانت عاديه بس تناسب التوب خبركم لاني حامل والدبه ماتنخش في شي ثاني
المهم حطيت هديه على السرير وهديه على الطاوله والباقي خشيتهم
وقعدت انتظر المعرس ااااااااا قصدي ريلي
وطلبت من السكيوريتي >>الي اهو رجل الامن بس الصراحه ماكان رجل كان امراه خخخ
انها تدفع فلوس الليموزين اما ماتجي وتدل زوجي على الغرفه..
نسيت اقول لكم اني دفعت مقدم للمساج والفيشل عشان زوجي مايدفع شي
قبل لايوصل زوجي طلبت الغدا وحطيت طاوله وكرسييين في البلكونه اللي تطل على البحر
شوي ولا الباب : طق طق
:arb: << المعرس وصل
:27: <<العروس تفتح الباب
:32:<<هذا ويهي وويه زوجي
السبب انا شفته يلق جنه زجاج من النظافه>>شنو يعني اهو على طول معفن:p
واهو جاف القمر في عز النهار>>يبيلها رفسه هالمراه
توه بيصير التحام ولاااااااااا
طق طق افففففففففففففففففففف هالاوادم كلش ماعندها ذوق
ولا الغدا واصل حطيناه في البلكونه وقعدنا.. وقعد يسولف لي عن الي صار معاه
بعد ماخلصنا غدا قلنا نبي نتقيلل شوي خبركم قاعدين من صباح العباد
نمنا تقريبا ساعتين
وقمت على صوت..الا الاخ قاعد يفتح الهدايا يقول اشلون انام وانا افتحهم
اول هديه كان فيها جاكيت وعجبته وايد وقالي الحين بلبسها
والهديه الثانيه فيها طقم للحمام شور جل وهالسوالف
رحنا قعدنا على البحر شوي وكان الجو روعه
طلعنا بعد صلاه المغرب ورحنا السينما وبعدها رحنا مطعم نتعشى فيه
رجعنا الساعه11.30 الفندق وعلى الساعه 12.00 نمنا
يوم ثاني من الصبح قمنا 6.00 خبركم الاخ شسمه شيسمونه خخخ :30:
وبعدين رحنا نتفطر في مطعم الفندق يمي يمي الاكل كان لذيذ بووووووووووووووفيه اشطوله
وريلي من التخرع ماخلا صحن الا وحطه على الطاوله ..
بعد ماخلصنا فطور ..كسر خاطري ولدي >>مخليته عند جدته
رحت خذته وجبته الفندق وخليته يلعب في الالعاب ولما جاف حمام السباحه قعد يصيح يبي يسبح فيه
بس خبركم الجو بارد
خذته الغرفه وترست له البانيو ماء وقعد ولدي مع ابوه في البانيو يتسبحون وانا اصورهم بالكاميرا
الصراحه كان يووووووووووووم مايتنسي حسيت جنه احنا مسافرين
اول ماطلع زوجي من الحمام عطيته الهديه الثالثه هم كانت جاكيت وعجبته وايد
وقبل لانطلع من الفندق بعد عطيته الهديه الرابعه وكانت حافظه نقود
وقالي انها جات في وقتها لان بوكه القديم الله يرحمه ماتم فيه روح خخخ
رحنا مع هلي البر لانهم مخيميين وهناك طلعت له الهديه الخامسه
قالي جذي تخليني اتوقع فيه هدايا لي بكره
فتحها وكانت ساعه وهم عجبته>>هذا الي قاصر على هالتعب ماتعجبه
نسيت اقول لكم عن الملقوف ابوي
اهو عرف عن الاشياء الي بسويها لزوجي ..يوم الخميس الصبح دز لي مسج يقول لي
ها شخبار المعرس ..
طبعا انا مارديت عليه بعد شوي اتصل فيني
جان يقولي ها وينه قلت له للحين يسوون له مساج
قالي والله انكم قاصين على هالرياييل >>انته شكو
العصر الا داز لي مسج ثاني :
حلا على المعاريس
اتصلت فيه وقلت له:
انا شفت ملاقيف لكن مثلك عمري ماشفت خخخخخ
ضحك وقال ها وين بتروحون ...>>هالابو ماينعطى ويه خخخ
في الليل دز مسج: ماخلص شهر العسل
تعبت وانا اهذر عطوني رايكم...:23:
الماسة السوداء @almas_alsodaaa
كبيرة محررات
يلزم عليك تسجيل الدخول أولًا لكتابة تعليق.
][
تسلمسن حبي الله يتمم لج انتي بعد وتفرحين خطيبج بشي احلا واحلا
##
لولي المسمسمة
من ذوقج يالغلا
تسلمين على مرورج
تسلمسن حبي الله يتمم لج انتي بعد وتفرحين خطيبج بشي احلا واحلا
##
لولي المسمسمة
من ذوقج يالغلا
تسلمين على مرورج
الله يوفقك ويهنيكي ..
ويتمم لك على خير..
وتولدي بالسلامه..
ويسوي لك حركات حلوه مثلك..:27:
على فكره أسلوبك عفوي ومره حلو..:23:
ويتمم لك على خير..
وتولدي بالسلامه..
ويسوي لك حركات حلوه مثلك..:27:
على فكره أسلوبك عفوي ومره حلو..:23:
الصفحة الأخيرة
هنياله الي ماخذك ....
اهم شي استانستي ولعبتي وفرحتي مع زوجك وودلدك مانسيتيه..
والله حمستيني متى اتزوج واسوي مثل حركاتك :27:
الله يهنيكم يااااارب :26: