نداء لصاحبات البشرة الجـــافة وش الميك اب اللي معتمدته !!!!

أ.كويتية :

بجاوبج مع انه بشرتي دهنيه جدا لكني برد عليج من واقع دراستي بهالمجال عزيزتي العناية بالبشره تبدأ من داخل الجسم ومابي اتفلسف عليج وااايد لاني اكيده انج عارفه هالشيء وثانيا تقلبات الجو حاليا بتزيد من شحوب وجفاف البشره فنصيحتي لج انج تستعملين لها مرطبات تعمل على تغذيتها عندج فيتامين C اما انج تاخذينه على شكل اقراص من الصيدليات او امبولات تلاقينها عند اطباء الجلديه وبعض الماركات توفره مثل انبولات الاليزابيث اردن للبشره الجافه عنيه بالدهون والترطيب+ فيتامين C وايضا عند بدي شوب كريم غني بفيتامين سي جيد للاستعمال اليومي خاصه بهالفتره البارده وجيرلان عنده من هالانبولات للبشره الجافه وبعد استي لودر عندهم مستحضر رااائع عباره عن خليط من الشاي الاخضر والفيتامينات المخلوطة بالمياه المعدنيه بصراحه هالمنتج رهيب مااتسغني عنه واتوقع انه يفيد كل انواع البشرات لانه جديا يحسسج انج فررررش الحين بقولج عن انواع المرطبات الغنيه والدسمه نوعا ما ومفيده للبشره الجافه عندج لما قبل المكياج الستروب كريم من ماك دسم ومرطب ممتاز ويعطي اضاءه راائعه والحلو فيه انج ممكن تستخدمينه برووحه يعطييج نضاره وفيه مستحضر عند كلينك يسمونه السموثي كريم ايضا ممتاز والحلو فيه انه عنده خاصيه علاجيه وبعد جفنشي عنده مرطب لكنه مو بحلاوه ماك وكلينك واذا تحبين خيارات طبيعيه وماتحتاج تفسفس فلووس روحي للثلاجه بيتكم طلعي علبه القيمر(القشطه) واخذي منها باطراف الاصابع وسوي لنفسج فيها مساج بحركات دااائريه وايضا الهرده(الطحينيه) راااائعه ومفعوولها سحري سوي لنفسج فيها مساجات واتركيها على البشره لمده 10 دقائق واغسليه بالماي بس بدون الصابون وبعد زيت اللوز الحلو+ فازلين ممتااز جداا اخلطيهم مع بعض واستعمليهم كمرطب بس تراهو مرطب قوي جداااا ومركز انتبهي بخصوص شغله واااايد ناس يمدحون كريم المينيرفا لانه ترطيبه عااااالي جداا ومفييييد لصاحبات البشره الجاااافه لكنه مضر للبشره لاحتوائه على نسبه عاليه من الزئبق وايضا من اكثر انواع المرطبات تميزا وفائده خاصه لما قبل المكياج وبسعر جدااا مميز تدرين شنووو...؟؟:22: :42:الفازلييين حطييه على ويهج واتركيه مده 5 دقااائق وبعدها حطي عليه منديل (كلينكس) وفرديه على ويهج وبالطبطبه علشان يمتص الزاايد بس عقبها مدي كريم اساسج عاادي وايضا زيت اللوز يعطي نتائج جميله وخاصه مع خلطه بالفازلين او تقدرين تستخدمينه بروحه الحين بقولج عن الفاونديشن اختاري لج فاونديشن خاص للبشره الجافه يكون غني بالزيوت المحتاجه لها بشرتج احلى نوع هو كريولان<<للسهرات بعده ديور<<<ممكن للاستعمال العادي زيارات وماشابهها ميك اب فور ايفر<<هذا فيه خاصيه علاجيه تغطيته حلوة وايضا جيرلان عنده فاونديشن تغطيته زينه لصاحبات البشره الجافه لكن الانواع الثلاثه الاولى هي الافضل واهم شي بمكيااج صاحبات البشره الجافه هو الترطيب الغني بالزيوت وعمل مساجات دائريه لتحفيز البشره لافراز دهونها باستعمال الاصابع والفرشه المدوره من بدي شوب اما الصابون ابتعدي عن كل انواع الصابون العاادي لانه بيزيد من جفاف بشرتج استعملي الي يكونون مثل الفوم وفيه نسبه ترطيب عاليه والله في ببالي نوع من الصابون لصاحبات البشره الجافه بس نسيت اسمه لانه فرنسي جداااا ممتاز اذا تذكرته ارجع اقولج عليه باذن الله اتمنى اني اكون افدتج انتي وغيرج تقبلي مروري وخالص مودتي

بجاوبج مع انه بشرتي دهنيه جدا لكني برد عليج من واقع دراستي بهالمجال عزيزتي العناية...

الهوليّــــه :

أ.كويتية عجبتني سالفة الهردة .. ان شاءالله أجربها و انا صارلي فترة متحمسة لمنتجات استي لودر ومن بعد ردج تحمست اكثر ان شاءالله استشير دكتورتي واجربها جزاج الله خير عالإفادة :)

أ.كويتية عجبتني سالفة الهردة .. ان شاءالله أجربها و انا صارلي فترة متحمسة لمنتجات استي لودر...