لعيومك الله يعينك اكتبي بقوقل احسن يطلع

اكيد اختي الغالية الاستخارة هي الي بقر بعدها بس لو الكشفية على الملابس الداخلية ما يحتاج استخارة ما اقدر اوقف امام رجل وانا فقط بالملابس الداخلية اخاف من العقوبة اما لو طبيبة الي بتكشف او ان طريقة الكشف غير ذلك فيها كلام ثاني
رفع الله قدرك اختي

شوفي يا الغاليه
انا شفت احدى قريباتي عملتها بس هنا بالشرقيه مو بجده
اول شي الكشف عادي زي ما يكون معاك مغص ههههههه
يعني تشيلين ملابسك بالعياده العاديه ويشوف الدكتور بطنك ومدى الترهل وانتي واقفه
بعدين يخليك تنامين على ظهرك ويشوف قوة العضلات بانك ترفعين راسك شوي زي كأنك بتقومين وهو ماسك بطنك
بعدها يشوف نسبة الشحوم وهل تحتاجين شفط او لا

الان المرحله الثانيه تحليل الدم وهو الاهم
لان هذه عمليه نازفه جدا
يعني لازم يكون دمك اقل شي 11 ونص
ولازم يكون بالعمليه متوفر اقل شي 3 وحدات دم بحال احتجتي لا قدر الله
وقريبتي هذه كان دمها 11 واعطوها 3 اكياس كامله لانها نزفت

الان يحدد وقت العمليه
تروحين الصبح توقفين وانتي لابسه لبس العمليه ويرسم بطنك بالقلم
وللعلم الجرح يكون من الورك للورك عرضا
ومن فوق عظم العانه مباشره من الاسفل
ومن فوق السر من الاعلى
يعني مثل شكل الشخص مبتسم وفاتح فمه :)

يعطيك بنج ومدة العمليه تقريبا 4 ساعات
يقص كل المخطط هذا ويقص حول السر
يفصل جلد البطن حتى عظم القفص الصدري ويزيل الشحم الزايد بطريقة الكشط
يشد الجلد اللي كان فوق السر ويلزقه فوق العانه
ويشد جلد العانه الى فوق شوي
يسوي حفره بالجلد ويثبت فيها السر
يركب انابيب ممتده من اسفل القفص الصدري وتنتهي باطراف العانه وفيها علب تعبي دم
انبوبين واحد يمين وواحد يسار
ويسحبهم بعد 5 ايام تقريبا وانتي صاحيه بدون بنج

يحط مشد طبعا ثاني يوم من العمليه
مشد ابو لزاق مؤقت لحد ما يفك الغرز

بعد ما يفك الغرز تلبسين مشد كامل زي لبس السباحه تقريبا ويبقى عليك شهرين ممنوع تشيلينه الا وقت الاستحمام
وله فتحه من الاسفل لقضاء الحاجه - اعزك الله

الان وبعد هذه العمليه بثلاث شهور
هناك عمليه اخرى ضروريه غالبا لتصحيح الشكل
وتكون لاطراف الجرح يمين ويسار وفوق العانه
لازالة الجلد الزائد وما تبقى من شحوم
وتكون ببنج موضعي

بعدها ترجعين للمشد شهر

هي عمليه نتائجها مرضيه ولها سلبيات

اول شي معاناة الالم
وثاني شي جرح العمليه يبقى خط واضح نوعا ما
وثالث شي الخصر يختفي قليلا ما يعود محفور مثل اول
لانه يشد جلد المعده على كل البطن وطريقة توزيع الدهون تختلف حينها

وايجابياتها
انك تتخلصين من الترهل ويصير اللبس حلو
تتخلصين من 2 كيلو على الاقل

وما تصيرين تسمنين من اقل وجبه لان جزء كبير من الخلايا الدهنيه راحت من جسمك

اما السر فيصبح منظره مو تمام
يبقى غامق شوي مو زي الطبيعي
ما ينلام مسكين مدفوووون بين طبقات الشحوم سنوات كثر خيره اللي ما انضمر او تفحم هع

السلام عليكم
الله يجزاك خير اختي على الشرح كفيتي ووفيتي ربي يرزقك من خيري الدنيا والاخرةويعطيك حتى يرضيك ويصلح لك النية والذرية

الله يكتبلك اللي فيه الخير يارب