السلام عليكم ورحمة الله وبركاته
بصراحة انا يلي خلاني اتشجع واشترك هو انتوا يا سوريات جمعتكم كتير حلوة وخليتوني حن اكتر للشام وخاصة واني بالغربة انا اول مرة بشاركم بتمنى تقبلوني معكم انا مغتربة بامريكا بولاية اسمها جورجيا ما بعرف مين منكن بامريكا ماشاء الله صرتوا عاملين صفحات كتير ما لحقت شوفهم كلهم على كلا انا بيسعدني كون واحدة منكم
على فكرة سميت حالي هيك لانو ماشاء الله ما لقيت ولا اسم كل ما يجي شي ببالي بيكون حدا اخدوا ولانو هي المنطقة كتير كتير بحبها لاني تربيت هنيك وبيت اهلي لهلاء هنيك
يلا سلام

اهلا وسهلا فيكي بيناتنا اختي المزة عا فكرة اختي سكنت بعد زواجها فترة هنيك وبعدين انتقلت عالمهاجرين

بنات كيفكم اليوم الجمعة لاتنسوسورة الكهف وتدعولنا اجمعين الله يثبتنا على ديننا ويهدينا وينزل علينا السكينة والطمانينة

أهلا وسهلا فيكي المزة بيناتنا
وأنا بيت أهلي بالمزة وكنا عم نحكي هالموضوع خلال الصفحات التلاتة الماضية
بدنا نتعرف عليكي أكتر وين بيت أهلك وقديش مواليدك
وبأيا مدرسة كنتي بالاعدادي والثانوي
تحقيق كامل لاتواخذينا آخر شي هيك كنا عم نحكي اختصرتلك أحاديثنا الفترة الماضية

الله يجزيكي الخير يا آية إنشالله ما مننساها

شكرا اخت lolia
على الترحيب كلك ذوق وانتي كمان اخت مزون 84 شكلي انا اكبر وحدة هون انا مواليد 78انا كنت بالمبارك بالثانوي وانا متخرجة من كلية الحقوق وشو كمان بيت اهلي بالفيلات الشرقية وسعيدة جدا بالتواصل معكم
سلام