نور عيني جنان الله يحفظلك يارب ينتك وتشوفيها عروس يا رب طمنتيني يالنسبة عزيزتي شو بدك تجيب معك من الشام يعني انا من تجريتي صرلي 5 سننين هون كل ما بنزل يجيب عدي يلا قهوة طبعا بالمرتية الاولي ويجيب فريكة لانو اطيب من تبع الشام مافي وكمان الشغلات يلا ذكرتيهون الحلو وطقم الصلاة ويجيب حجابات وبجيب تمر ما بعرف انا كتير بحبه منشان هيك بطلع معي بس بالنسبة للملابس اكيد ملاس الحجاب احلى وانسب لالنا كتير بالشام بس بالنسبة للاولاد ويصراحة هون احلى والنوعية احسن ما بعرف يعني انا بنزل لابني معي من هون منشان ما اشتري من هنيك لانه ما بعرف يعني هاد رايي بس طبعا منشاني ما بشتري الا من هنيك وسلام

صباح الخير بنات انا اليوم فايقة مع الديك , كيفكم شو اخباركم, نور عيني جنان تحياتي الك وبخصوص الشغلات الي بجيبها معي فأنا بالاضافة الى الاشياء الي ذكرتوها كمان بجيب معي ثمن بلدي , بس بالزور بخلصه من الجمرك لانه ما بيخلو , وكما بجيب تشكيلة مكسرات وشوية دبس من كم نوع حاتم الي هون ماله طعمة متل الي عنا بسورية وبرغل .يعني بالنسبة الي هاي هي الاشياء الاهم لانه البقية في عنا هون بموسكو .المهم الله يرجعك بالسلامة وتحياتي لك الصبايا .

أهلييييييييييين ياعييييني على النشاط من الصبح

أول شي بدي صبح على الحلوات

أية ومزون وزنزون وبطة والساجدة ولوليا ونايس سميل وملائكة تائهة والمزة
وشرفتنا الغالية شام وهيلين والخيل والليل ونور عيني جنان

واخواتنا اللي مابقى طلوا علينا
وسميحة وجودي وتامو ونور الدرب ورغد الحياة ان شاء الله يكونوا بخير
وان شاء الله ماكون نسيت جد


أختي نور عيني

أنا مابجيب معي شي من سوريا لانو هون بالامارات ماشاء الله كللللل شيييي موجود
وفي محمصة لبنانية كللللل شييي فيها وبيجيبوه من سوريا ولبنان
برغل وعدس وفاصوليا
بس الشي اللي مابقدر اشتريه من هون هو هو هو
















المكدوس :42: انا كتير بحب المكدوس وبحترموا والو عندي مكانة :hahaha:
ومابقدر اشتريه من المحمصة لانو صراحة مابيعجبني غير مكدوس الماما
من كل النواحي وأهمها النظافة والشكل
بس طبعا مستحيييييل جيب معي بالطيارة مكدوس
وبضل بشتهي المكدوس لحتى الله يفرجها عليي ويكون حد من رفقات زوجي أو أخي جاي بالبر من سوريا على الامارات وبيجيب لي معو مرطبان :22:

شهيتونا المكدوس عندي شوي بس تاركتهم لشهر رمضان الكريييييم


اي صحي تذكرت بجيب حلو من عند سميراميس هدايا وحتى لألنا وبالنسبة للتياب
صراحة مابجيب من سوريا لبس كتير اللهم اذا شي بلوزة عجبتني بس اللبس اللي بالامارات
كتيييير حلو بالنسبة الي ولبنتي ولزوجي

الله يخليلك بنتك وتشوفيها عروس وتفرحي فيها

صباح الخير
شو هالجمعة الحلوة بتعرفو صاير فيني متل نايس سمايل فايقة من الصبح وساكنة بالحمام أنا وابني
قعدنا 3أرباع ساعة على غنا وتهريج بركي بيعمل شي أبدا لاتتعبو يلي بتعرف طريقة ناجحة مشان ينضف تعلمني ابني عمرو سنة و7 أشهر

أما بالنسبة للمزة فعادي أنا ابني كمان مابيقول غير بابا وماما وأهم كلمة تعلمها لأ صدقي تعلمها قبل بابا وماما جيل فظيع أنا متفائلة أنو بس أنزل حيتعلم الحكي من أخواتي والولاد ويلقط كومة كلمات

لوليا كيفك مشان المكياج والماسكات أنا ما بحط ماسكات بس بحب المكياج وحاليا ماعم لاقي وقت أتمكيج
الله وكيلك ابني بيفتح علبة المكياج تبعي وبيمعط حالو قمت خبيتها ورفعتها وبالتالي نسيتها وماعدت تمكيجت بس أجيتي ألي لو فاضية بحب المكياج وخصوصي مكياج العيون

الساجدة تسلميلي كلك ذوق أما بالنسبة للهجوم عالسوريات فأنا قريت هيك شي وبتصور أنو منبع هالشي غيرة مو أكتر لأنو دائما الخليجية روح قلبون يتجوزو سوريات ولذلك بيصيرو نسوانهون عندون فكرة سيئة عن السوريات
على كل حال طنشي ومتل مافي بسوريا بنات مناح وبنات ما بينفعو كمان بالخليج في هيك وفي هيك
وبحكم مهنة جوزي كتير بيجيه بنات مافيهون شي بس عم يدعو المرض مشان يتحركشو بالدكتور
أو بيتصلو تلفون مشان يسألو سؤال بايخ بس هيك إزعاج
يعني الخلاصة الشي راجع للبنت نفسها مو للمكان يلي قاعدة فيه

شام تسلم إيديكي والله يسامحك بتعرفي ليش؟؟؟؟؟؟؟؟؟؟؟؟؟؟؟؟؟؟؟؟؟؟؟
مبارح ساويت المايونيز وطلع بياااااااااااااااااخد العقل فقليت بطاطا وساويت سندويشات بطاطاومخلل ومايونيز وقعدت تذكرت أيام البكالوريا وكشك الرواد وسندويشات البطاطا
وفرط الريجيم وحالة
أنا بساوي المايونيز بنفس طريقتك بس كنت ماحطلو لا ليمون ولا فلفل أبيض وفعلا وقت حطيتون ظبطت طعمتو تمام
الله يجزيكي الخير بس حاليا بدي حل مشان الريجيم يلي فرط

نور عيني جنان
أنا باخد معي من الشام ملوخية مفرزة وفريكة وبن وبتعرفي شو باخد كمان مدلوقة بفرزها وباخدها لأنو كتير بتجي عبالي هون
وباخ دبس رمان وبهارات وزعتر وأوريكانو وقلي مشان التسقية بزيت هادا يلي تذكرتو إذا تذكرت شي كمان بقلك
أي أي وورق غار مشان سلق اللحمة وبس

نور الدرب عم نستنى ردك

صباح الخير ياعسل شو هالصباح الحلو
أختي نور العين بالسعودية كل شي موجود بس الوالدة الله يطول عمرها مابترضى الا تساويلي مونة وانا أقول لها ماما مولازمني شي وكل شي عنا بتقلي بس عنا أطيب مشان هيك بتلاقي مونتي مرتبة يعني خدي عندك زيتون ,ملوخية, مربى مشمش لاني كتير بحبه ,جبنة,قهوة ,فريكة,كعك هاد بعزو كتير
وبجيب حلو من عند سميراميس ألنا وهدايا
مزون ونايس سمايل شو اخباركن أنا كنت متلكن بصحا الصبح وعم حاول نضف بنتي عمرها سنة وأربع شهور بعدين قررنا ننزل عالشام أجلت الموضوع لوقت ماارجع بس انا بربط الساعة يعني كل ساعة باخدها عالحمام وبعدين بيصير كل ساعتين وهكذا حتى تستوعب الموضوع
أما بالنسة للحكي بتقول بنتي بابا ماما أنا بدي مبو بس هالجيل مابينخاف عليه كلو قوي وبكرة بنقولهن الله يرضى عليكم اسكتوا
ساجدة وينك ياقمر مو مبينة بالنسبة للهجوم عالسوريات الحق معهن لان مرة واحدة قالت لي انو اخوها بدو واحدة سورية لانو وحسب قول أخوها خود واحدة سورية وعيش عيشة هنية بقى مو من قليل بنسمع حكي ظريف
ملاكة تائهة شلونك حبيبة قلبي صحيح بيقولوا أنو موسكو من أحلى مدن العالم وخاصة الساحة الحمراء
عاشقة شو أخبارك ياقمر والله أنا بحب المكدوس ومابيعجبني الا شغل امي الله يديمهن فوق راسنا هالامهات يلي بياخدوا العقل
لوليا ,المزة ونور عيني جنان ,والغالية شام شو اخباركن يا حلوين