جودي الامورة :

مرحبا بنا كيفكن؟؟ معلش سامحوني لاني بفيب عنكن بس والله جوزي غير الكمبيوتر وعاطاه لصاحبوا وكل يوم نق عليه لحتا ينزل على السوق بس ما عم يفضى لانه مسكين اربعة وعشرين ساعة بلشغل واليوم لحتا جابوه وان شاء الله ما يكون راح علي كتير من مواضيعكن ... وشكرا لحبيبتي لوليا على السؤال وما بتقصري وبلنسبة لتنضيف الولاد بدنا نتعب معهن شوي يعني بنتي من وقت الي كان عمرها سنة ونص بلشت فيها وكمان جلطتني بس تقوم تروح تعملها على الارض وبعدين شديت شوي عليها وشجعتها بلالعاب والشوكولاته والحمد للله كانت اسبوعين زمان نضفانة سلامي للكل وراجعتلكن ان شاء الله

مرحبا بنا كيفكن؟؟ معلش سامحوني لاني بفيب عنكن بس والله جوزي غير الكمبيوتر وعاطاه لصاحبوا وكل...

نور الدرب :

كيفكن يا حلوين والله اشتقتلكن كتير وأنا حاسة أنه كتير تقربنا لبعض والله يديم المحبة والأخوة أنا بخير وصرت بالشهر الخامس ولهلأ ما وقفت اللعية<<< على قولة زوجي أكيد كتير لعيت قام قالولك ولعية منشان هيك ما عم تروح منك :( ههههههههههههههه وأنا كنت كاتبة رد من قبل وهلأ قرأت كل الردود ولا تآخذوني إذا في مواضيع عليها غبرة ههههههههههه جودي الأمورة أهلين ويسلمو على النكت_أنا كان بدي فرنسا تفوز عشان أخي بيموت على زيدان ولأن فيها مسلمين كمان_والموضوع كتير حلوة اللي كتبتيه وعن جد أنا هيك اكتشفت لما جيت لكندا أنه فيني شوف كل شي مشرق لو بدي_صحي أنت وين بالكويت يمكن نطلع رفقات وما بنعرف هههههههههههه اية 2006 أهلين بأحلى دكتورة سنان_وألف مبرووووووووووووووك الحمل وأنا متلك عندي بنت (لين) وعمرها 4 سنين والله يرزقنا بصبي صالح في الخَلق والخُلق والدين أنا هيك دائما بدعي_ومنشان الوحام لا تشكيلي ببكيلك دخلت بالشهر الخامس ولسة تعبانة وقرفانة والله يصبرنا_وعلى فكرة أنا سمعت أنه شغلة إنفلونزا الطيور كلها تأليف بتأليف ومتل ما قالت شام ما عم يقولولنا شي عن المايونيز الساجدة لله وحده تسلمي لقلبي شو مهدووووومي<< باللبناني<< شو دماتك خفاف يييي على قطاطك_وشو هالنكت فرطت من الضحك عليهن_وحرام عليك على البروستد في ناس عم تتوحم على قولة آية كنت بدي أسألك وين هذا الزين لأن أهلي بالشام منشان عرس أختي قلت حتى هنن ياكلو عني :)_كنت بدي أسألك كمان بس لاتتضحكي علي أنا صح شامية بس ما عشت فيها ما عرفت شو هي الجزماتية بلا صغرة؟؟؟_ وصحي عن جد هيك طلعت قصة زيدان والله زعلت كتير عليه وقلت لحالي ليش تصرف بغباء؟؟؟؟ عاشقة الحب هلا فيك يا حلوة ويا ريت تعطينا معلومات عن ريجيم فصيلة الدم حتى أنا سمعت عنه_ وأنا متلك زعلت على فرنسا_وعلى المكدوس حرام عليكن من أول حملي وأنا عم أتوحم عليه وتندمت إني ما جبت من عند أمي لما كنت بالكويت لأن هون ما بيتاكل بكندا بس خفت يكبوه إذا اكتشفوه HELEN تسلمي يا حلوة على السؤال_ ويا ريت عن جد بتمر شهورالحمل بسرعة متل ما قلت ييييييييييي وين ووين tamo يسلمو على القهوة مع أني مو من اللي بيشربوها_ وينك ما عدت طليت علينا؟؟؟ ملائكة تائهة مية أهلا وسهلا فيك معنا_وهي موسكو بروسيا صح<< معلش مأثر علي الحمل << هههههههه_ وعلى قصة الدراسة إذا من البداية طبعا من الأفضل أنه ما يكون في طفل لأن حرام وين بدك تتركيه وتكملي أو بدك تأجلي القصة كتير ويمكن تروح عليك ومتل ما قالت لوليا الاستخارة أحسن حل وطبعا كله حسب دراستك إذا طويلة أو صعبة والله يخترلك الخير يا رب_ وأنا كمان متلك اشتهيت الخيار بلبن samaa_egypt هلا فيك يا حلوة شو أخبارك_والله يوفقك بدراستك يا رب بس ما قلتيلنا شو تخصصك؟؟؟ المزة تسلمي عزيزتي على السؤال_وبالنسبة لحكي الأطفال بيختلف بكتير شغلات وحتى الفرق بين الولد والبنت عادة الولد بيتأخر مو متل البنت جرارة هههههه أنا بنتي حكت كتير بكير يعني سنة ونص كانت تحكي جمل مفيدة طبعا لأن كانت عايشة عند أهلي وأخواتي يلعبوها وأنا سمعت كمان أنه إلها صلة بالوراثة يعني ماما قالتلي أنا كنت أول طفل بالبيت ومع هيك حكيت على بكير أنه خصوصا الولد الأول بيتأخر لأن ما في أله أخوات وعلى حسب ونصيحتي إلك حاولي ييتفرج على أفلام كرتون بالعربي بعرف أنه انتو بأمريكا حتى تقوى لغته العربية لأن بكرى بيصير طليق بالانجليزي وبالعربي عم يدفش هيك حال الولاد هون بهالغربة_ واعذريني طولت عليك zanzoon تسلمي يا أمورة شو أخبارك؟؟ طمنينا انت نزلت ولا لسة؟؟؟ lolia تسلمي يا غالية على سؤالك_ والله يخليلك بنوتاتك_ وبالنسبة لخوف بنتك لازم تعرفي ليش عندها هالخوف أول حتى تحلي المشكلة_ ومتل ما قالت هيلين حاولي تعكسي الشغلة بالمحبة وتذكريليها محاسن الشغلة حتى لو ما فهمت نص الحكي عليك_وأنا متلك بمواضيع البشرة ما بفهم الطيخ من البطيخ ولازم نقول الحمد لله أنه مالنا مضطرين لهيك شغلة والله مريحنا منشان هيك ما بنفهم فيها ههههههههه_ وبدنا طريقة المايونيز تبع زوجك كمان إذا ما فيها سئلة nicesmell أهلين فيك وكتير فرحتلك بهالنزلة والله يجمعنا دائما بأهالينا آمين_ ورح أحكيلك عن تنظيف بنتي بالمختصر المفيد_هي كان عمرها سنتين ونظفتها لحالي كانت أمي بالشام وأنا بالكويت والصراحة لازم تحبسي حالك بالبيت حتى تتعلم يعني مو يديئ خلقك تطلعي وتلبسيها العفو الحفوضة هيك بتطول كتير معك أنا لما علمتها من أول يوم ما عدت لبستها ياها أبدا وكل شوي آخدها على الحمام وماما قالتلي ما بتتعلم إلا لما العفو تنزل على رجيلها هيك بتفهم أنه صار شي مو طبيعي وحتى لما تنام كنت حطلها مشمع تحت منها وما لبسها بامبرز حتى تتعلم على كل شي مرة وحدة والحمد لله ما طولت أبدا ما شاء الله يعني بعد 3 أيام بلشت تقلي وبعد أسبوع فهمت وما عادت عملتها أبدا وأنا حكيت هون على الملأ حتى الكل يستفيد ههههههههههههه لا تآخزيني وموفقة بإذن الله نور عيني جنان أهلين وسهلين وما في أحلى من شغلات الشام شوفي يا ستي إذا كنت من النوع اللي بيحب الأعشاب متلي ما متل زهورات الشام والنعنع والمليسة وحتى البهارات متل العصفر والفليفلة الحمرا والقلي تبع تسقية الزيت أنا بحس بهاراتهن غير شكل وفي رفقاتي كانو يجيبو البن من الشام وعلى فكرة في إلي رفيقة شو ما اشتهت بتجيب حتى لو صفيحة كل شي بتفرزه وبتاخده معها وهي بأمريكا وماشاء الله بيوصل بأمان حتى سمن بلدي وجبنة ومكدوس تخيلي بقى لا تترددي مرات بتمرء_ كمان ورح قلك شغلات يمكن ما تكون ناقصتك بس بتفيد متل دولة القهوة وصح بنتك صغيرة بس فيك تجيبيلها أشرطة أناشيد أطفال وألعاب اللي فيها تعليم الحكي بتكون بالعربي مفيدة كمان والله يخليلك ياها_ ويطعمك الحجة والناس رايحة مو راجعة ويطعمني العودة يا رب آمين طولكرم68 تسلمي يا حلوة على سؤالك وينك ما عدت طليت على جيرانك؟؟؟؟ أسماء هلا وغلا فيك نورت معنا وشكرا على الهدية كلك ذووووووووووووق مزون84 تسلمي يا حلوة _ شو فرحت أنك رح تقضي رمضان مع أهلك والله يهنيك وييسرلك يا رب ولا تحطي ببالك شغلة أنه رح تمرء بسرعة العطلة بالعكس تمتعي بكل لحظة فيها_معلش بدي أسألك عن المشروح شو هو؟؟؟؟_وأنا متلك على كابتن ماجد عن جد ضحكتيني أنا قلتله لزوجي كابتن ماجد أحلى من هدول المباريات ههههههههه أول مرة بحضر مباراة كأس العالم الخيل والليل مية أهلا وسهلا فيك معنا ويا ريت تعرفينا عليك وعلى مكان غربتك أكتر بطه151 أهلييييييييييييييييييييييييين كيف نواعير حماه وكيف سفرتك خليك مبسوطة ولا تقطعي زيارتك ولا اشتقت لعريس الهنا كشفناك :) سلميلي كتير على حماه وعلى خالتي كمان reemh أهلييييييييييييييييييييييييييييييييييييين كييييييييييييييييييييييييييييييفك وشو روءت لما قرأت ردك ويا رب تنبسطي وتتهني أكتر _ ويسلملي جو حمص شو أنه روعة أنا بنت حماي عايشة بالوعر وكمان روعة لا تنسي تسلملي على مطعم كريش وسبورت كافيه شام أهلين بطلتك البهية_بالنسبة للغة<<صرت كاتبة الرد للمرة الثالثة منشان هيك التعى قلبي<< أنا ما بحكي مع بنتي إلا عربي طبعا وتحديدا شامي وزوجي كتير بيدقق علي لأن لساني مايل للحموي أكتر بحكم أنه ماما حموية_ وبالنسبة للفصحى تخيلي طول الوقت زوجي بيحكي مع لين بالفصحى ومرات أنا بجن لأن بيضل قالب لسانه معي وبيقلي إلى أين تودين الذهاب ؟؟؟ وماذا تفعلين ؟؟ يييييييييييييييييييي وطبعا البنت ما عم تفهم كل شي فبتقلي ماما بابا عم يحكي معي انجليزي ههههههههههههههه وطبعا هي بتصير تخبص بالحكي معو شو بتضحك_ وبالنسبة للقرآن من وقت حملي وأنا كنت هاملتها من هالناحية بس هلأ من أسبوعين رجعت عم راجعلها وعم حفظها وصارت حافظة من سورة التكاثر للناس من جزء عم - قصار السور- مع الفاتحة وآية الكرسي وماشاء الله عليها عم تلقط والحمد لله_ حتى أناشيد عربي حافظة لأن كتير بتحب الأناشيد متل يا طيبة وغيرهن تبع الأطفال ويسلمو إيديك على المايوينز بس مو على حد علمي هدا ( صوص الثوم )...؟؟؟؟؟؟ وعلى فكرة من كتر ما بحبه دورت مرة على طريقته ولقيت وصفة بتشبه وصفتك بس ما فيها خل وفيها بطاطا مسلوقة من دليل الطبخ العربي ونجحت معي كتير بس جربتها مرة بدون بطاطا ما نجحت ورح جرب طريقتك بإذن الله لأن كتير بحبها جنب الشيش طاووق وشاورما الجاج ولا تآخزينا طولت عليك roro هلا عزيزتي بس قوليلنا نازلة زيارة ولا شو؟؟؟؟؟؟ وما فهمت لشو الفيزا؟؟؟؟؟ بظن ما بدها اعذروني يا بنات كتير طولت عليكن بس حبيت رد على كل وحدة منكن وبدي أطلب منكن طلب بحكم الحمل عم أنسى كتير << عم أتحجج << كل وحدة وين عايشة يا ريت تكتبو بمكان االبلد تبعكن وين حتى دائما نعرف كل وحدة منا وين مقيمة ؟؟ والله يوفقكن وادعولنا

كيفكن يا حلوين والله اشتقتلكن كتير وأنا حاسة أنه كتير تقربنا لبعض والله يديم المحبة والأخوة أنا...