ياهلا ياهلا ياهلا بالبنات شو هاللمة الحلوة على الصبح


لوليا
فتقتيلي جروحاتي وخصوصا بالنشيد الوطني اتذكرت ايام الدراسة والطابور الصباحي
بس تسلم ايديكي على المواقع رووووووعة وتسلمي على السؤال عني وعن بنتي

مزون
كنت مسجلة نادي بس من لما صارت هالحرب على لبنان وانا ماعم روح قاعدة ومتابعة الاخبار
بس ماسمنت لاني لسة مخففة أكل
الله ييسر لك هالسفرة وان شاء الله بتنبسطي

الساجدة
ولك ان شاء الله مايبلى الفرنسي بس دخلك شو معناتو بالعربي :22:
وصحة وهنا على طبخة الباسماشكات ولاتنسي تعزمينا لما تسويها

اية
حبيبتي وانا انقهرت كتير من هالموضوع اللي انكتب عن حزب الله وترددت كتير لانو أنا عصبية وخفت
اكتب شي ومايعجب الادارة ويروحو يلغولي اشتراكي لهيك مسكت حالي وماكنت شارك
بس الله دخيلوا بيعرف وان شاء الله رح ينتصروا على اليهود
وبالنسبة للسفر بالطيارة انتي سوي متلي طول الطريق من الامارات على سوريا واانا عم فكر كيف بدي شوف أهلي وكيف رح قضي الاجازة والهدايا اللي اخدتلهن ياها مشان مافكر بالطيارة وشو رح يصير بس لما بتقلع الطيارة بكون قرأت قران ودعيت انو الله ييسرلنا هالسفرة
جربي تفكري بأشياء تانية غير خوفك من الطيارة .

نور الدرب
الله يقومك بخير وسلامة وبالنسبة للبنات في اسماء كتير حلوة متل سالي (اسم بنتي ) سارة
دلع (اسم بنتي بالمستقبل) غزلان سراب زلفى نورا نور ورح حاول دور لك على موقع فيه أسماء حلوة

زنزووون
أهلين حبيبتي والله هالشوب عامل عمايلوا فينا كل مانو الطقس عم يصير أسوأ والرطوبة فظيعة
الله يسلمك ويخليكي اي بنتي مبسوطة بالتلفزيون كتير وهداك اليوم كان زوجي عندو رفيقو وقاعدين بالصالون وأنا مابدي اقعد معهم رفيقو دمو تقيل مابتحملوا فرحت عند سوسو وقلتها حطيلي شوي على الفضائية السورية قالتلييي شوووووووووووو هاد تلفزيوني مو انتو اشتريتو لي ياه مشان الكرتون
(قوية هالبنت ماعارفة لمين طالعة ) :22:

ملائكة تائهة
اكيد بيكونوا طالباتك مشتاقين لك لانو المعلمة الكويسة بتترك اثر عند الطلاب وخصوصا البنات
انا لهلأ بتذكر مدرساتي بالابتدائي


شو وين الباقي من زمن ماطلوا
حبيبة زوجها وهيلين وسميحة وجودي ومشرفتنا الغالية شام
ان شاء الله يكونو بخير

سلااام للغوالي

سلام بنات ....شو عاشقة عالخط كيفك؟؟؟؟ انت بتدخلي عالنت من الشغل؟؟؟
و الله قوية بنتك .... شو تقوليلها حطي عالأخبار هاد التلفزيون بس لسبيس تون ....:)

مزون مشان اليبرق... و لا رمة حطيته بالفريزر ... بس هالمرة عم فكر اطبخه قبل ما سافر بيوم... و اتركه بالبراد بياكله على يومين .....بس انا ماما كانت تبعتلي ياه ملفوف و مفرز و انا بس بطبخه....
بس اكيد زوجي ما بيطبخه بحياته.... لو تركته بالفريزر....
ياي .... اجا على بالي اعمله....
و انا غالبا بترك له شي أكلة بطبخها يوم السفر الصبح او قبل بيوم و بياكلها على كم يوم ... و بعدين بيبدا بأكلات الفريزر....
الله ييسرلك ... أنا مسافرة كمان الجمعة غالبا.... يعني متلك بس انا من مطار دبي.....


آية كيفك....؟؟ و الله اشتهيت لو قريت الموضوع ... فضول .... بس اذا بيهز البدن منيح اللي انحذف....
شو أخبار حملك؟؟؟
و الله معك حق اغلب البنات عندهم فوبيا الطيارة....

مزون تسلمي يارب و انت كمان الك وحشة كبيرة لما تغيبي...

أهلييييييين زنزوووون

لا حبيبتي انا اليوم اجازة يعني اخدة اجازة مني لحالي فقت الصبح وماكان جاي على بالي روح فاتصلت فيهن وقلتلهن ماني جاي
بس لما بكون بالشغل بدخل على النت عادي ماحد الو علاقة (وعم تقولي بنتك لمين طالعة قوية ):hahaha: أصلا انا شغلي كلو على النت

بس انا اليوم ست بيت خلصت طبخ سويت فاصوليا خضرة بزيت الزيتون وبرغل ببندورة وسلطة
لانو ملينا من اللحوم والسمك والاكل برة كل يوم
فقلت خليني سوي اكلات خفيفة صيفية ، وزوجي اجا من شوي وقالي مشوا نتغدى بالمول
قلتلوا لااااااااا وألف لاااااااااا ورح غديهم بالبيت

تعالي عازمتك على الغدا شو رأيك

ما شاء الله عليكم بنات غبت شوي لقيت الموضوع زايد صفحتين اي لا تحرمونا من هالطلة والحمد لله يلي عجبتكم المواقع ساجدة دخيل قلبك انت وهالنكت الحلوة ملاكة باي مدرسة كنتي تدرسي (فضولية) لانو انا كمان درست بمدرسة البوادر لمدة سنة هلا زنزون وين هالغيبة اشتقنالك اية حبيبتي الله ييسر عليكي سفرك بس نصيحة ما في داعي للخوف لانو يلي كاتبو الله بدو يصير فريحي حالك والهي حالك بشي شغلة ويمكن الطيران كلو كم ساعة للشام لكن شو بتعملي بحالك لو قعدت 16 ساعة بالجو مزون الحمد لله يلي عجبك النشيد عاشقة اهلا فيكي وانا وقت سمعت حماة الديار تذكرت ايام المدرسة ومااحلاها من ايام تقبشني سالي خانم اديش عمرها الله يسلمها يارب

حبيبة زوجها وهيلين وسميحة وجودي ومشرفتنا الغالية شام والغالية تامو ان شاء الله ما كون نسيت حدا وينكم

نور الدرب يللا تعي شوفي شو حطينالك اسماء بنات وانقي يلي بيعجبك ولا تنسي تجاوبيني عا سؤالي