نور
معناها مالك زمان تاركتيها ايه والله الحق معك تحبيها لأنه أنا صارلي 10 سنين وبحبها كيف انتي قضيتي طفولتك فيها! الحمدلله انك اتأقلمتي على الوضع بكندا والواحد بيتونس لما بكون فيه مسلمين وعرب...أنا رحت على ألمانيا كذا مرة محاولة للحمل وكنت بس مجرد شوف وحدة محجبة لو تركية كان يطير عقلي بس بيني وبينك (أما شو بيني وبينك ما في حدا معنا منوب :hahaha: ) كتير اتضايقت يعني قعدت شهر واحد أول مرة والله طقيت وحسيت حالي بس بدي أرجع مع أني أصلا رايحة شهر بس وراجعة وخاصة انو بألمانيا ما بيحكوا غير ألماني يا الله ماأبشع هالشغلة عندن والله صرت أتعلم الألماني بس مشان هالكم يوم يلي عم نروحن.....سبحان الله الله عارفني وناتفني مشان هيك الله مايسرلي الهجرة على كندا...الله يختارلك ويختارلنا جميعا الخير وين ماكان يارب


tamo
يا اهلين وسهلين بتامو وانشالله الله يرزقك بولد أو بنت يسلوكي بهالغربة عاجلا غير اجل يارب
وبالنسبة لأوروبا انا كمان لاحظت متل ما قلتي بألمانيا ومرة سألنا الدكتور عن سوق تركي قام قلنا لا هذا مبهدل مو مرتب وكان مكشر لأنه كله مسلمين عرب وأتراك شي بزعل والله:(


lolia
أهلا وسهلا فيكي وانا تشرفت بمعرفتك...:26: هي صاروا 2 بكندا معناتا....الله يخليلك بنوتاتك وتفرحي فيهن انشالله يارب




roro
زعلتيني كتير مشان عرس أختك الله يصبرك حبيبتي ويرجعك لبلدك بالسلامة عسى أن تكرهوا شيئا وهو خير لكم والله يتمملها على خير أهم شي ويسعدها مع زوجها...

رح جاوبك على سؤالك اذا بتسمحيلي, تعلمت من الغربة اني كون مسؤولة عن قراراتي لأني انا اخر العنقود عند أهلي وكنت حس انه شخصيتي وقراراتي دايبة بشخصية أخواتي الكبار ما أعرف غير أني قلد أخواتي يلي أكبر مني وحتى اذا سألوني عن رأيي دائما أتعلم من أختي يلي أكبر مني....:42: أما هلأ العكس تمام صرت بعرف قدر تمام شو بناسبني وبقرر بناء عليه وما بتأثر برأيي أو قرار أي حدا طالما كنت مقتنعة....تعلمت كمان أني أرضي ماما وبابا كتير لأني حسيت بقيمتهن وتعلمت طبعا أعتمد على نفسي نوعا ما لأني للأسف طبيعتي شوي اتكالية لنفس السبب لأني كنت مدللة كتير عند اهلي....وبضيف شغلة أني لقيت انه الغربة حلوة بالنسبة للزوجين بتقربهن من بعض ولاسيما اذا كانوا بعيدين عن الأهل كتير أريح مع انه والله أهل زوجي مناح كتير وبيقربوني بس مع ذلك هيك أريح...



zanzoon
ولا يهمك حبيبتي انشالله الهي بتبشرينا بخبر حملك عاجلا غير اجل اميييييييييين يارب انتي وأنا وتامو وكل مشتهي...وتروحي وترجعي بالسلامة....


عاشقة
أنا اول ما تزوجت ضليت سنة على أكل المطاعم هههه بس بعدين طق قلبي واشتقت لأكل الطبخ كتير بس الحمدلله ما فشل معي الطبخ غير الملوخية مرة واحدة لما ساويتها صار بجوزي متل ما صار بسمير غانم بمسرحية المتزوجون :hahaha: صار وجهه أحمر وأخضر وانا مالي عرفانة شو القصة طلعت الأكلة ماااااااااااااااالحة بشكل بس الله ستر كانت المرة الوحيدة بعدين مشي الحال...




اية 2006
الله يقومك بالسلامة يارب ديري بالك على حالك وتغذي منيح لا تردي على قابليتك ياريتك تاخدي شوية قابلية من عندي حاكم أنا زايدة عن حدها الطبيعي الهيئة....




HELEN
لك تسلميلي انشالله منور بوجودك انتي والأمورات يلي هون....كمان قريبة بالسعودية لحشة حجر متل مابقولوا الله يخليلك ولادك يارب وتفرحي فيهن (بس ياترى قديش عمر الكبير الفضول دبحني :42: ) لا تصدقي عم بمزح والله :hahaha:



مزون84
تروحي وترجعي بالسلامة انشالله والله شجعتوني أنزل انتي و زنزون أهلي كل يوم بيبعتولي لك يالله نزلي يا جبانة مافي عنا شي شكلي رح أحجز وأنزل ولا قلكن أحسن شي رح صلي استخارة وشوف شو الله بيسرلي...


سلامي للجميع.....:26:

:09: مزون 84اه الله يعينا هيك و مو مخلصين وشلون وقت نركض وراهن الله بعين وعلى فكرةانا اكبر منك بسنة بس :27:


باقى البنات وينكم ياحلوين وعم استنى ردكم على سؤالي:26:

سلامات للحلوين
رورو الله يخلي لك ابنك ..يا حبيب قلبي شو حبيتو قال بدو إغا يسلم لي قلبو شو مهضوم
حلا الشام هيلين آية زنزون وعاشقة الحب ......نورتو
مزون الله ييسر لك نزلتك يا رب ...رديت عليكي وعندي إحساس إنك نفس البنت اللي بعرفها وأنا وأعوذ بالله من كلمة احساسي ما بيخيب ....منشوف

سؤال المذاكرة:ماذا تعلمت من الغربة
الجواب
تعلمت من الغربة أن أكون صبوووووووووووووووووووورة أحل مشاكلي بنفسي وأكتم ولا أشكو إلا لخالقي
تعملت الاعتماد على النفس والاقتصاد...
عرفت قيمة الوقت والوظيفة والعلم ......وقدرته وبدأت باستغلاله
تقربت من زوجي أكثر
وأهم شيء ازداد الالتزام الديني عندي والحمد لله

ساجدة وملائكة تائهة وشام وحبيبة زوجها وسميحة وجودي......وكل الصبايا سلام إلكن من تامو من باريس (مربط خيلنا)