الله يسرلك امرك يا حلا الشام والله لبكة قبل السفر كتير متعبه وتوصلي بالسلامه يارب
الله يحمي بلادنا من كل سوء ويردنا الها سالمين
اللهم امين

سلام لكل الحلوات

ان شاء الله الف مبروك يا ساجدة , و الله يتمملك حملك على خير و على قولة الماما خلاص وخلقة تامة بين الناس

تصورو لهلأ يا جماعة ما زبط نظامي بعد ما رجعت على الامارات من سوريا , يعني رجعت اليوم من الشغل و ما بدي نام مشان نام بالليل صارت الساعة 7 و ما قدرت و الله لما غمض عيوني حس الدنيا عم تدور فيي , حطيت راسي و نمت و قلت بس عشر دقايق لبين ما يأذن المغرب و اني قدرت قوم بعدها , عبث هيييييييييييك للساعة 9.30 سبيت على حالي و قمت مشان صلي العشي و اقضي المغرب و اقدر اندفس بالليل

لا تذكروني بسوريا و الله حاطة ايدي على قلبي و خيفاني على اخي الصغير اكتر شي لانو قربت عسكريتو , عم فكر جيبو لعندي شو رأيكون انتو ؟و الله كل ما بفكر انو رح تصير بعيد الشر حرب بسوريا و انو يكون هوي بالجيش بحس حالي رح جن و خصوصي هوي اخر العنقود و غالي عليي كتير بعد وفاة البابا الله يرحمو , يعني بحس حالي مسؤولة عنو

الله يحمي بلادنا و يحمي اهالينا يا رب و يهد اليهود و ياخدون على اهون سبب
طولت عليكون معلش

سلام للجميع

مسا الخير

كيفكم يابنات كيف الصحة وما شا الله جمعتكم دايما بتفرح القلب والله

ساجدة ان شا الله الف الف مبروك والله يتمملك على خير وتربيه بعزك ودلالك

عاشقة شكرا على سؤالك عني

والبقية اخ منكم بغيب وبرجع وما بلا قي حد سائل عني مااااااااااااااااااااااااااااااااشي

ياستي انا عم احضر حالي للسفر طبعا للسورية الحبيبة

ولاحضان حلب

نهار التلاتاء الجاية وكل سفرتي صارت صدفة ميشان هيك مشغولة وعم احضر حالي
وكمان مشغولة ببنت حماي الي نازلة عندي زيارة وجاية من سورية وان شا الله رح نرجع سوا
على اساس انزل بعد شهر بعدين قلت لحالي ياللله بروح صحبة مع بنت حماي احسن ما روح لحالي وقررت من كم يوم بس,وقبلها كنت دوبني لحق مشاوير وطلعات مع بنت حماي قال ما بدها تخلي قرنه بموسكو والا بدها تشوفها المهم انا كمان رايحة على سورية ميشان اتعالج عند شي دكتورر لانه هون انقرفت منهم وما تعالجت من مستشفى لمستشفى وكل همهم يسحبوا مصاري وبدوووووووووووووووووووووووووووون جدوى( هاي بالفصحة).

المهم انكم تدعولي كتير امانه امانه لا تنسوني من صالح دعاءكم.

ريما ان شا الله الف الحمد لله عالسلامة وان شا الله تكوني شبعانة نوم ميشان تحكيلنا عن سورية وعن الشام صحيح وكمان عن الريجيم الي ساويتة قريبتك مدري بنت عمتك ونزلت .....كيلو خلال شهر
ضروري كتير تدلينا . صحيح جوزك كان معك ولا لحالك كنت بسورية وكمان شو جبتيله هدية لانه انا من هلق حاملة هم شو بدي اجبله معي من سورية بس ارجع باذن الله.

طولت عليكم بس لا تنسوني ولا تنسوا تدعولي امانه ها

وقبلاتي الحارة جدا على خد كل وحدة منكم وسلامي للكل ويمكن اغيب شهراو شهر ونص بس رح اضل معكم ليوم سفري باااااااااااااااااي

سلام يا بنات يا حلوات
مزون رح أعطيكي فترة لتفكري مين انا وتسألي بما إنك بين أهلك؟؟مارح أعطيكي الجواب النهائي هلأ ..موقلتلك إحساسي ما بيخيب بفضل الله
ريما حبيبتي الحمد لله على سلامتك..بالنسبة للوضع والله مو طالع بإيدنا غير ندعيلهن الله يعينهن وينصرهن
عاشقة الحب.....كيفك شو أخبارك إن شاء الله صحتك تمام ...كيف التعزيل معك خلصتي .الله يقويكي يارب ؟؟؟؟؟؟؟؟
أنا مافيي على شوفة المناظر والدم والعنف..لا بمسلسلات ولا بأفلام ولا بحقيقة الله وكيلك عم شوف الأخبار وشفت منظر الأطفال غط على قلبي وغوطنت بمكاني جوزي يا حرام جن جنانو وحلف يمين عظيم مابشوف أخبار بعد هلأ
المزة دايما منورة......الله يبعت لك الصحبة الصالحة
زنزون كيفك شو أخبارك ...لأ هون ما بشتغل بس انا موظفة بالشام وآخدة إجازة ...مشان هيك عرفت قيمة الوظيفة هون
الساجدة ألف ألففففففففف مبروك حملك يارب يرزقك بذرية صالحة معافاة وبطفل يكون قرة عينك ويكون من الصالحين .....شكرا لدعائك إلي وديري بالك عصحتك منيح
آية .....الله يسلمها بنتك وبيعين الله عشغل البيت والتعزيل ..يعطيكي العافية...بالنسبة لكلامك فعلا فيه مواضيع بتهز البدن بس المشرفات ما بيقصروا مباشرة بيحذفوا الموضوع وبيوقفوا العضوات عند حدهن ؟؟بعدين فيه عضوات الله يهديهن عهالتفكير وهالأسلوب بالكلام ...بس شو بدنا نعمل هيك الدنيا فيها
هيلين ...نورتينا يعطيكي ألف عافية لا تطولي الغيبات علينا
لوليا....كمان نورتينا
شام حبيبة قلبي دايما منورة

إيه صحيح لوليا يارب يتحقق اللي ببالك ...بس شوفي يوم الأربعا
ملايكة تايهة...الله ييسر لك سفرك .....
حلا الشام..نورتينا....وعقبالك بالحمل يااااااااااارب
سما إيجيبت تسلم لي عينك شو مسايرة وشو حكياتك حلوين
زنزون إنت مسافرة؟؟؟الله ييسرلك
بطة نورتي وين هالغيبة ؟؟؟؟؟؟
يا بنات سلام إلكن وعذروني عالتأخير ولاتنسوني من دعواتكن
تامو من باريس...(مربط خيلنا)