مرحبا بنات كيفكون

ما مشكلة حبيبتي ملاكة بتصير باحسن العائلات و ان شاء الله بتروحي و بترجعي بالسلامة يا رب و الهي و انتي جاي بترجعي حامل باذن الله , اي متل ما قلتي اناموظفة هون بالامارات , قاعدة بسكن الشغل بس عندي عمامي وولاد وبنات عمي و خالي هون بالامارات ( الي هني اصلا طلعوني لهون)

حبيبتي زنزون انا قصدي انو انا لسا ما تجوزت , و اذا الله كاتبلي اتجوز بكون جوزي هلأ عم يكون حالو مشان هيك لسا ما انخطبت , و اذا الله ما كتبلي اتجوز بركي بشوف جوزي بالجنة اذا الله طعمنا

اما اليوم يا بنات قضيتو كلو نوم بنوم , ليش ما بعرف بس حاسي بخمول و مصدومة , يعني لاني فرحاني ولا زعلانة هيك حالة سرحان بولا شي
مبارح نمت الساعة 3 و اليوم فقت الساعة 3.15 الضهر صليت الضهر و العصر و اكلت و كمان حطيت راسي و نمت الساعة 5 , و فقت الساعة 8 على تليفون رفيقتي ( يعني لو ما دقتلي كنت ما فقت) قمت صليت المغرب و تغديت يا بعدي , و هلأ جاي على بالي حط راسي و نام , و طول مانايمة عم احلم باهلي , يمكن صرت حلماني شي عشرين حلم بهالنوم الي نمتو

يعني تصورو انا بحب قراءة القصص كتير بلشت بقصة الضهر قبل ما نام ما قدرت يا دوب قريت 20 صفحة و حطيت راسي و نمت ( بالعادة اذا بلشت بقصة ما بتركها لخلصها) بس عن جد ما بعرف شبني اليوم, غرفتي لازم نظفها ما عملت شي , غسيل لازم اغسل ما ساويت شي , لك لازم اتحمم ما تحممت , تركوها على الله الحالة و الله تعبانة

وسلام للجميع

شو هاد يا جماعة شو صاير بالدنيا
يعني معقول من مبارح لليوم ولا رد بعد ردي , اي علوا تضرسو كلياتكون كلياتكون
باركولي يا جماعة , اليوم شوي طلعت من حالة الاكتئاب الي صايبتني لانو رفيقتي جرتني جر معها على الجمعية نشتري اغراض , غيرت شوية جو
بس شكلو لسا حالة السطلان مسيطرة عليي , فتت تحممت وعملت مغطس مي سخخخخخخخخخخنة و ما خليت نوع من الكريمات ما معطتو بجسمي , ابدا تحرم عليي ببايا على فانيلا على ليمون كل شي بدكون اياه حطيتو حتى زيت الحية حطيتو على مخي بركي بيهدا شوي
يعني يومين تلاتي بتلاقوني متمكيجة و شايلة هالحجاب و عم اتفتل بالسوق ليش ما بعرف
الله يثبت علينا العقل و الدين , شو اخباركون انتو شو لهلأ نايمين يخزي العين

سلام للجميع

اهلين ريما
طولي بالك واستهدي بالرحمن
وترى الشي اللي عم تمرقي فيه طبيعي وبصير معي احيانا وما بتطلعي من الحاله اللي انت فيها الا بكسر الروتين وقراءة القران الكريم

انا التانيه دايقه خلاقي بعد ما رجعت من سوريا
وخصوصا هلا فترة بعد الظهر الوحده ما بتعرف شو بدها تعمل بهالوقت شوب ووقت سبات وخمول ذهني وعضلي
الله يقوينا ويهدينا
سلام

بنات بسرعة

فوتوا على هالموقع ومتعوا نظركم بالشام وسورية كلها

http://www.wikimapia.org/#y=33530180&x=36315726&z=18&l=10&m=a&tag=apartment

بس انتبهوا بياخد وقتوا بالتحميل اتركوا الصفحة تشتغل على مهلها ولا تسكروا الصفحة دغري أنا وصلت لبيت أهلي ......يا الله


يلى الشاطرة تحزر فينوا ؟؟؟؟؟

هون بيظهر اتوستراد العدوي ساحة القصور والعباسيين وحديقة التجارة

كيفكم بنات

ريما حرام عليك والله ضرسانة من غير شي وهلا مع الحمل عم اكل ثلج بطريقة مو طبيعية وسناني عم توجعني ومع ذلك عم اكل ....شو بدي ساوي البيبي افندي هيك بده

انا والله تعبت كتير اول ما وصلت لهون نفسيا وجسديا وصرت ما اقبل اكل شي وراجع كل شي حتى المي .... بس الحمد لله عدت على خير وهلا حتى ها بلشت استعيد قواي ومشي حالي بس الحمل متعبني كتير ويادوب امشي خطوتين بتلاقيني عم الهث كانو عم اركض من ساعة

اما حالة النوم فحدث ولا حرج طول الوقت نعسانة ووراي شغل الدنيا لسا ما خلصته

الله يكون بالعون ويصبرنا جميعا