salaaaaaaaaaaaaaaaam yahlaa soryaat
ana men hamaa w saknh fee london whalyan fee alryiadh sert ibn batotah
iam from hamma and i live in london i moved to riyadh for some work
ma3 alsalaaaamh

عزيزتي ساجدة
أنا ساكنة بليون
يعني بعيدة عنك شي 500 كيلومتر :22: :22:

أخواتي
زهرة حلب
المغتربه

أهلا و مية مرحبا فيكن و ان شاء الله تبسطوا بهالتجمع الحلو:26: :26: :26:

أنا حابة أفتح موضوع ان شاء الله كلنا رح نستفيد منه و نفيد بعض وهو السؤال التالي
كيف بتقضوا أوقات فراغكم بالغربة؟؟؟؟؟؟؟؟؟؟؟؟؟

أنا عني فأحيانا بدرس لانو انا طالبة بالجامعة بسورية طبعا مو بفرنسا
و باقي ما تبقى بين النت و قراءة الكتب لأني أحب القراءة بشكل غريب و الحمدلله قريت شغلات كتير فادتني
و احيانا بجرب طبخات لقيتها عالانترنت:cook: :angry:



يلا عم بستنى تجاربكم

اهلين فيكم صبايا :)

ماشاء الله الموضوع صار هالقد الله يبارك فيكم جميعا..



امممم بصراحه انا وقت فراغي نادر جدا يعني مابعرف بحس اني دايما مشغوله - الله يشغلنا بطاعته ..
يعني دوامي طويل في الجامعه ويادوبك ادخل عالبيت نام لي ساعه بعدين احضر الاكل بعدين يلله على دراستي وهكذا .. وحتى في الصيف اخدت ترم صيفي :( يعني لا اجازة ولا يحزنون ...
وفي الويك اند عندي حلقه مع رفقاتي في الجامعه عن ترجمة القران بالانجليزي وحفظه فكتير بدها تحضير ودراسه فما بصير مجال لوقت فراغ كبير ..
وعنا في ميسساجا الحمد الله كتير نشاطات اسلاميه ومؤتمرات فدايما بنكون مشغولين في الميتنق والترتيبات والتجهيزات للمهرجانات قبل بوقت منيح .. وحاليا في الصيف عنا كتير شغل للمسلم فست اللي بدها تصير في اوقست ففيكم تقولو وقتي فل تايم مشغول :09:

بس بشكل عام
بقضيه على حواء بجاوب على اسئلة البنات اللي بدهم مساعده في امور بكندا وعلى الرسائل الخاصه اللي بتجيني في الخاص وخاصة هالفترة م السنه كتير بنات بدهم مساعده في الجامعات والتسجيل وووو ...

بصراحه هلأ بعد ماسافرت الماما صاير اغلب وقت فراغي عم حاول نظف البيت فيه .. وهي من الشغلات اللي مابتخلص يعني دايما ممكن تكتشفي اماكن بدها تنظيف .. وبيتنا واسع لأنه كان لعيله كامله يعني بده شغل كتييير بالذات لما الواحد بده يعزل بتحتاري شو تنظفي وشو تتركي - عقبال ماننقل لشقه صغيره وتريحني :(


ممكن كمان اني ارسم لأني كتير بحب الرسم وبعدين هيدا جزء من دراستي فبتطور شوي ..
كمان بحاول انمي من قدراتي في التصميم والفيديو في الكمبيوتر وهيدا كمان جزء من دراستي فبتطور شوي ..

بعشق القراااااااااااااءة يعني القراءه عندي ياها مزاااااااج ولما بيكون البيت نظيف ومرتب وهيك مشغله انوار خفيفه بغرفتي مابيكون ناقص غير فنجان قهوة ورواية اقراها :)
بس مشكلتي لو مسكت روايه مابتركها لتخلص يعني كل رواق فيه وراه سهره محترمه
والقراءه عندي مالها نمط معين ممكن تكون اي شي من الديني للثقافي للأدبي للعربي للانجليزي ..اي شي المهم انه القراءه وسيلة لارخاء الاعصاب

شو كمان ..
اذا كان الوقت مناسب بطلع بتمشى ..
وهي من النعم اللي مافي منها ببلادنا اولا لأنه الجو حر وتانيا مافي خضار وتالتا مافي امان انه البنت تمشي لحالها ...
فالحمد الله هون لما بيكون واااااااااااااااااااااااااصله معي وخلص مابقى فيي استحمل من التعب والهموم بحط الام بي ثري على شي محاضرة او على سورة البقرة وبطلع بتمشى ..
شو بده الواحد اكتر ؟ جو حلو وقران رايق وخضار على مد بصرك ..
بضمن لك ترجعي عالبيت انسانه تانيه باذن الله
وانا جنب بيتي في حديقه فيها نهر اذا كان الوقت مناسب بمشي عليها وبقعد عند النهر شي ساعه ساعتين لحتى اروق وارتاح وبعدها برجع عالبيت

نفس الحركه ممكن سويها واروح عشي مقهى او ممكن بس عالمول اتمشى يعني الوحد بيشوف خلق وعالم .. بينسى شو صاير بحياته :)


احيانا بحب انه لو صار عندي وقت اني سوي فنجان قهوة واقعد مع اختي ندردش لأانه نادرا مانشوف بعض مع انه عايشين سوا

هالصيفيه جاي على بالي اني ادهن واعيد ديكور غرفتي 180 درجه بس لسه عم خطط بالضبط شو بدي اعمل... لانه السنه الجايه بدنا نبيع بيتنا ولو كان دهانه او ديكوره بناتي ممكن تعتبر نقطة ضدنا في البيع ..


شو كمان امممم .. ممكن كمان انه العب شي لعبه عالكومبوتر .. ولا استأجر شي فيلم ونسوي هيك سهره انا واختي مع شوية شيبس وبيبسي وهيك شي (مع انه هالشغله نادرة جدا ويمكن الي شي اربع خمس شهور ما صار مجال ههههه)


مابعرف هادا اللي خطر في بالي مع انه في الشهور الاخيره ماطبقت غير شغلة تنظيف البيت لأنه مع الدراسه والدوام الواحد اكيد بيقلل من ممارسة هواياته

وبالنهايه الواحد بيقول الله يشغلنا بطاعته وبشي يفيدنا في دنيانا واخرتنا .. امين يارب

اهلين ساجدة لا ما خلص الحكي بس والله عم انقل لبيت تاني وحالتي حالة يمكن غيب عنكم يومين لحتى تستقر اوضاعي ودعواتكم يا حلوات