عاشقه
والله الجو عنا متقلب يعني يوم شوب وبق ودبان ويوم حلو وخرج الطلعه

لولو
الله يعطيك العافيه وسواء الشغل كموظفه او كربة منزل التنين شي بيهلك الله يكون بعونا

تسلمي لي يالولو

أنا مو مسافرة مدرسة بنتي بتبدى 10/09/ مابلحق سافر
ممكن روح اسبوع على قطر لعند أخي عم يشتغل هونيك
وباقي الاجازة رح قضيها متلك هون بالشوب

الله يعين

الله يعينك حبيبتي عاشقة الحب عالشوبات ابقي زوريني بدبي

هلا بنات كيفكن
مشتاقتلكن كتير
تامو طمنينا عنك
عاشقة الله بيعين بس سفرة أسبوع معقولة لعند أخوك مهونة يا رب
لولو الله يقويك انت وشام يا ذا السيف الشغل بيهد الحيل لأن رح يصير برة البيت وجوة البيت اسألوني لما كنت اشتغل صحيح وعاشقة معكن
آية شو أخبارك وينك انت وساجدة؟؟؟؟؟؟؟؟
لوليا مية هلا فيك وصلتني رسالتك
بطة اي شو هالمشوار الحلو والله حتى نحن لما بنطلع شو بناكل طول الوقت أكل هههههه وشوينا ذرة كمان يا عيني شو لذيذة جربيها كمان شي مرة ولا تحكيلي عالبطيخ وحامي كله عليه

على فكرة بنات أنا رح جن طالعلي بالبيت فارة ومو عارفة شو أعمل وأنا بموت من الرعبة بعمري ما شفتها إلا بتوم وجيري لا وحطلها زوجي مصيدة أكلت الجبنة فسميتها جيري لأنها كتير قوية وبدني كله كاشش وطئيت من البكي هاليومين من خوفي وقرفانة صرت كتير من البيت شو أعمل ؟؟؟؟؟؟ اللي عندها خبرة تقلي ،، تخيلو بكندا في هيك قصص لا وأنا ساكنة بالدور الـ 15 كيف وصلت لعندي؟؟؟؟؟؟
ادعولي لأن جانن جناني سلام يا حلوين

الله يعينك يا نور والله شي بيجنن حاكيهم بسرعة للشركات المسؤولة بلا ما تفرخ عندك وديري بالك عا حالك ولاتنسي انك حامل يعني لا تخضي بدنك بطة مية صحة وهنا كيفك لولو شو الاخبار عاشقة ان شاء الله تكون انبسطت سالي خانم