بصراحة بنات ، أنا حاسة إنو موضوع القبيسيات صار فيه سوء تفاهم كبير.
أنا بظن إنو الإخت اللي روت القصة واقعة بين إيدين جماعة مندسة على القبيسيات حتى يشوهوا سمعتهم و الله أعلم .
لإنو متل ما نحنا عارفين سيرتهم بسوريا متل المسك و الصحوة الدينية الكبيرة بسوريا مؤخراً إلهم فضل كبير فيها .
بس الغريب إنو هالجماعة بالإمارات منتشرة إنتشار كبير حسب ما قالت الإخت ، وهي ما ذكرت بأي مراكز أو جمعيات موجودين حتى واحد يتحرى عنهم مظبوط.

و بالنسبة للردود على الموضوع ، أنا حاسة إنو في ظاهرة كبيرة سببها الاحتقان الكبير عند الناس بالإيام هي ، و كل واحد شايف نفسو صح و شايف العالم الثانية غلط.

إمبارح مثلاً قرأت بالعربية مقال عن أن الموظفين بالإمارات يطالبون بتخصيص 20 دقيقة من فترة الاستراحة للنوم بسبب ضغوط العمل . و الموضوع عادي و مافيه شي بس يناقش موضوع ضغط العمل في الامارات و الزحام المروري و عدم قدرة الفرد على الابداع في بيئة مماثل ، يعني كلام عام جداَ.
و الصدمة أنه التعليقات اللي تحت الموضوع دغري انقلبت عنصرية و مواطنين ووافدين عم يردحوا لبعض .
بصراحة الحالة هي منتشرة كتير و متل ما قلت بالأول سببها الاحتقان و عدم القدرة على التعبير عند الانسان العادي.

حبيبتي عاشقة ، أنا اسمي ميس و ناديلي أي اسم بتحبيه
شكراً لولو ، و الله بعين الملل بكل محل ، بس الواحد لازم يطلع كل فترة ، أنا اليوم موحابة اتغدى بالبيت ، رح اتصل بزوجي بعد شوي و إقنعوا نتغدى برة ، حاكم الأخ ما بيحب أكل المطاعم ، بقلي لونتغدى بيض مقلي بالبيت أحسن من أحسن أكلة بمطعم.

حبيبتي ميسو (شام يا ذا السيف) ان شاء الله صحتين وهنا وان شاء الله يقبل جوزك والله لازم فعلا الواحد يغير روتينو شوي

مراحب بنات
الله يعينك ياميس والله مهمه لا تحسدي عليها
اضحكي بعبك يا عاشقه عندكم مولين نحنا مافي ولا نص مول :22:
انتبه يا نور لاتقوم الفاره تخلف دزينه لحقوا حالكم قتلوها ونتفوها تنتيف:024:

انا مبارح كان عيد زواجي الاول :icon28:
عملت كيك وزينته و جيلي و بطاطا ودجاج بالفرن يمكن عم تضحكو عليي شو عامله الاخت بالحفله بس بجد انبسطت كتير ان الاكل طالع طيب وزوجي كان جايه من الشغل جوعان ولقا الاكل عالطاوله قال ياسلام :p
وهي هي اخباري :)
وين باقي البنات عجب بشو مشغولين

بطوطة حبيبتي ، عقبال مية سنة ان شاء الله.
ذكرتيني بعيد زواجي ، من شطارتي رحت قصيت شعري و صبغتو و غيرت اللوك كله ، بس قضيت النهار كله بالصالون و ما فضيت اعمل و لا أكلة ، و خبرت زوجي إنو و هو جاي من الشغل يجيب معه شي نتعشى و حلو حتى نحلي بمناسبة عيد زواجنا .
و الله كل ما بتذكر هالقصة بضحك على حالي...........