اهلين فيكم صبايا ..
بالنسبة للحجاب فالحمد الله تمسكت فيه اكتر . الفرق الوحيد اني كنت بالسعوديه غطي وجهي وهون حجاب مع العبايه وبس
وحتى هلأ لما سافرت عالسعوديه غطيت وجهي لأنه بحس اامن واريح واستر ..
بس هون بحس بالعكس اامن لي اني ماغطي على وجهي الواحد بيخاف بس الحمد الله على كل حال ..


اما بالنسبة للصلاه انا لما جيت كنت صغيره يعني صف تاسع فكنت اصلي طبعا بس بصراحه ماكاانت الصلاة بتعني لي اشي يعني مجرد شغله مفروض عليي سويها والسلام .. بس الغربه قربتني لله اكتر بكتير وعلمتني انه الصلاه هي الفترة اللي الانسان بياخد فيها - بريك- من هالحياة .. والحمد الله لما دخلت الجامعه حسيت انه ايمياني زاد اكتر بكتييييييييييييييير لأنه تتعرفت على صحبه رائعه اغلبهم من الباكستان والهند وكشمير (للأسف نادرا ما اصاحب العرب في الجامعه) وكلياتنا بنلبس عبايات وحجابات .. فكل واحده بتشجع التانيه يعني دايما بنذكر بعض مشان الصلاه والحلقات والماضرات اللي بتصير حوالينا .. فالحمد الله ..
ولاحظت انه لما كنت بالثانوي ممكن احيانا اني اخر صلاة املغرب او العصر لما اكون في الدرس يمكن كان ايماني اضعف واقول بخاف اطلب اطلع من الحصه .. بس هلأ ولله الحمد عادي بطلع من لمحاضرة وبصلي وبرجع وقت البريك بدل ما اروح اشرب فنجان قهوة :) وكله تعويد والحمد الله
وبيني وبينكم لما رحت اجازة عالسعوديه وسوريا صار معي احباط رسمي حسيت انه كندا هي الدولة المسلمه وبلادنا هي الدول اللي بسميها غربه .. لما رحنا اول شي سألونا ياه (ليش متحجبين هيك؟؟ ) بالذات بسوريا والله شي مؤسف عن اللي شفته .. بس معليش بلى احكي لأنه اللي في قلبي مخبى كتيييييييير وبخاف تقولوا شوبها هي هههههههه
بس بجد على الرغم اني بحب سوريا كمصيف وبلد ازوره لكن اخر زيارة ماحبيتها ابدا وحسيت اني مخنوقه من كتر الفساد اللي شفته الله يهديهم بس . مع انه ماطولنا فيها يادوب تلات اسابيع اول اسبوعين عما نحضر لعرس اختي والباقي كان بس زيارات وعزايم

مزون حبيبتي السعوديه مليااااااااانه نشاطاات تسويها ..
اول اشي بقولك ياه ونصيحه من اخت
(سجلي بمدرسة تحفيظ ) فيه بعضهم العصر وبعضهم الصبح وفي بعضهم بيكون الهم باصات مشان التوصيل وما التوصيل..
انا للأسف ماسجلت في التحفيظ الا اخر سنتين من اقامتي بالسعوديه وقلبت حياتي قلب ..
تخيلي كنت اوصل البيت من المدرسه 1ونص الظهر واطلع عالتحفيظ عال3
ومانرجع للسته
والله انه مع هيك مستواي الدراسي طلع فوووووووق ثقافتي اسلوبي طريقة معاملتي صرت اجتماعيه صرت احكي بعد ماكنت هااااااااديه
واحلى من هيك كله حفظت حوالي اربع اجزاء وقتها .. مع انه الحفظ كان مكثثثف على الاقل صفحه باليوم بس كنا نحفظها ونتشجع لأنه الكل حواليك عما يعمل هيك!! ولو استمريتي فيه ممكن تاخذي اجازة في التجويد والقراءة لو شديتي الهمه وبصراحه وقتها بتقولي انا -استفدت - من غربتي ولله الحمد

بجد نصيحتي الك انه تسألي المادرس حواليك اكيد في تحفيظ .. على فكرة انتي وين في السعوديه؟ لأنه امي هلأ في الرياض مع اخواتي الصغار يمكن تقدر تفيدك شوي .. :)

كمان شغلة تانيه بقولك انك تشاركي فيها هي الندوة العالمية للشباب الاسلامي ..
عندهم نشاطات روعه .. عندهم حفلات العيد شي بيعععععئد كورسات صيفيه ودورات روعه ..
كمان عندهم كورسات لتعليم غير الناطقين بالعربيه ممكن تقدري تساعديهم ..
لو رحتي على مركزهم وقلتي لهم بدي اتبرع بأي اشي اعمله راح يعطوكي ميت الف شغله تساعدي فيها :) احيانا شغل من البيت كمان ...
شو كمان ..
بقولك اندمجي مع السعودين شوي والله في منهم احلى من العسل وراح يساعدوكي كتير
تعرفي انا عندي صاحبات سعوديات والله انه مع الرغم غبت عنهم ست سنين الا انهم لهلأ بيبعتولي بالبريد العادي او الايميل او مسجات .. مع انه انقطعت عنهم حوالي تلات سنين اول ماجيت لكندا بس بحثو تحت الارض لحتى عرفو ويني :) والحمد الله الله يجمعني فيهم وفيكم تحت ظله يوم لاظل الا ظله .. امين

السلام عليكم يا صبايا
فعلا يا رغد الصحبة الصالحة والمؤمنة بتخفف الغربة كتير الله يجمعني ببنات حلال متدينات متل اللي جمعك فيهن
والله أنا هون عم صادف بنات كتير ظراف بس أنا حذرة كتير من هالسمعات اللي عم منسمعها وهالشوفات اللي عم نشوفها ما بتأمني لمين ماكان خصوصا إنك بغربة اللهم إلا إذا حدسي وإحساسي أقنعني إنو هي فعلا إنسانة منيحة والحمد لله حدسي ما بيخيب والله يوفقنا ويجمعنا ببنات الحلال
تعليقا على كلامك شو صاير بسوريا فعلا أنا بعد سنة وشوي فرقت معي البلد كتير وفرقت معي الجامعة والناس وعقلياتهن وطبيعة تفكيرهن يعني صاير توجه كتير قوي للغرب وعينك تشوف لمانزلت عالجامعة في مناظر ما كنت تشوفيها من سنتين مكياج وعطر وعدسات لاصقة و ما بعرف شو حتى دارج لبس ضيق وبناطلين وكنزات قصيرة لبعض البنات المتحجبات (طبعا قصدي اللي بيحطوا على راسهن ما يسمى بالحجاب ) حجاب الشعر بس يا ربي تستر على بنات المسلمين وين الأهل عن بناتهن
صديقتي سورية وولادها كبروا بفرنسا وهيي ماشاء الله عنها صاحبة دين ومربية بناتها هون بفرنسا على السترة وعدم تقليد الغرب
فلما نزلوا بناتها على الشام بإجازة لاحظوا إنو عنا بالبلد في كتير انبهار وتقليد للغرب فقالوا لها لإمهن كيف ماما بتقولي لنا نحن عرب ومسلمين وما منعمل هيك شوفي بنات خالتو وبنات عمتو و........الخ
والأم ما عرفت شو بدها تجاوب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وطبعا والحمد لله كتران الاتجاه نحو الدين بنفس الوقت وهادا الشي اللي بيجبر الخاطر ما شاءالله على دروس الدين والمحاضرات بالجوامع وتحفيظ القرآن ما شاء الله ابن أختي رح يختم القرآن وهو صف عاشر وكله من درس واحد بالأسبوع تحفيظ قرآن بالمسجد اللي جنب بيتهن الله يقوي الدين ويحفظ أهله
الله يردنا لبلدنا بخير وسلامة

بقيان سؤال واحد ما جاوبت عليه وهو ما تأثيرك بالآخرين
طبعا وبشكل عام بعطي صورة كتيييييير حلوة عن ديني أولا وعن بلدي ثانيا وهذا ما لمسه العديد من العرب والأجانب خلال تعاملي معهم وخلال عدة مواقف
وبإذن الله عندما تقوى لغتي لن أبخل بوقت ولا جهد في سبيل الدعوة لديني
أهم خطوة أعتقد أنني قمت بها هي أنني شجعت أخت عربية على وضع الحجاب وهي كانت قد وضعته ولكنها لم تلتزم به يعني بتحطو يوم بتشيلو عشرة فاشتريت لها عدة حجابات جميلة من اللي عنا بالشام وشجعتها على أن تلتزم به ولا تتهاون في الحفاظ عليه ولا يهمها أحد والحمد لله لحد هلأ البنت ملتزمة فيه ورجعت على بلدها (زيارة طبعا) وهي حاططته وكانت الصاعقة للكل شلون إنتي فرنسية وعايشة بفرنسا وبتحطي الحجاب بهيك ظروف (الحمد لله الذي هدانا وما كنا لنهتدي لولا أن هدانا الله)
الله يهدي الجميع ويثبت قلوبنا
حاجتي لعي لهلأ
أنا متابعة معكن صبايا
سلام

ارق السلام على اروع ناس >>>حسستنوني اني بين اهلي
يسلمو للموضوع الحلو والله يسعدكم دايم انا هون بامريكا الحمد لله فعلا تغيرت صلاتي لأني صرت التزم بوقتها وما بتهاون فيه ولله الحمد والاحلى من هيك اني صرت احفظ نص صفحه على الاقل بعد كل صلاه
وفي وحده الله يسعدها صارت تاخدني معها كل اسبوع على الجامع احضر معها دروس الله يجزها كل الخير وقبل ما نام بصلي ركتعين وبراجع اللي حفظتو وانشالله برجع لبلادي وانا حافظه شيء من كتاب الله
وبالنسبه للحجاب الحمد على الستر دايم وين ما كنا


سلاااااااااااااااامي للجميع ياأحبائي

هلين حبيبات قلبي شربتو القهوة ولا لسة ساجدة اكيد هنن الغلط ما بدها تفكير...........وبالنسبة ليلي بيتنكرو لبلدهم انا مر عليي كتير ناس هيك لما اخدو جنسية بلد تانية رمو البسبور السوري اتخيلي وجار عليهن الزمان وهربو هريبة من هالبلد التانية .............بالنهاية الواحد ما الو غير بلدو صح ..........في فرق بين بلدنا وبلا الاغتراب ............من حيث النظام .................الترتيب الحضارة.............بس بتضلي انت ببلدك ملكة بمملكتك اما هون فانت درجة تانية..........والواحد ما الو غير بلدو والوفاء لالها من الشغلات يلي حثنا عليها الرسول الكريم لانو وقت هاجر من مكة رغم كل العذاب يلي شافو فيها كان عم يبكي حزنا على فراقها