reemh :

السلام عليكم يا جماعة شكرا كتير على تعاونكون معي وعلى النصائح و الله كل شي قلتوه بعرفو و حافظتو و عم حاول طبقو بس ماعم اقدر المشكلة يا جماعة اني انا تغيرت كتير كتير كتير بهالغربة يعني شلون بدي اشرحلكون وضعي ما عاد عندي رغبة اعمل ايا شي ابدا , لا عاد عدي نشاط ولا دافع ولا شي ابدا يعني مثلا انا هلأ مسافرة عسوريا بعد شهر ولازم اشتري اغراض بضل قاعدة محلي و ما بتحرك و مخي عم يقول لازم تنزلي تشتري اغراض بس ما بعمل شي مثلا , انا هلأ سمينة ولازم انحف و بضل عم قول لازم انحف لازم انحف و ما بعمل شي ابدا و اذا اتنشطت و بلشت ريجيم بوقف بعد يومين تلاتي على الكتيرة و برجع مرة تاني لحالة الخمول و الاحباط الشديد و من هالامثلة حدث ولا حرج يعني انا مقهورة من حالي بس رغم هالشي ما بتحرك مليت و عن جد صار عندي احباط و الي بدايق اني ما كنت هيك قبل ما ايجي لهون ابدا يعني عن جد حاسة هالغربة قتلت كتير شغلات حلوة فيي , حتى قتلت روحي و حبي للحياة لدرجة ما عاد الي نفس ساوي شي ولا حسن حالي ولا عاد عندي امل بشي و لا عاد فارق معي شي , يعني اخدة دور المتفرجة على شريط حياتي و هوي عم يمشي و ما بعمل شي نهاااااااااااااااااااااااائي , مجرد انفعالات بسيطة , ابتسامة باهتة , دمعة لسا ما نشفت , و كم هائل من الذكريات بعرف كلامي ممل و سخيف و عم تتمسخرو عليي و على حكيي بس المهم حكيت و فشيت الي بقلبي احسن ما طق وسلام للجميع

السلام عليكم يا جماعة شكرا كتير على تعاونكون معي وعلى النصائح و الله كل شي قلتوه بعرفو و...