السلام عليكم
ام سلطان سؤؤؤال
اقدر استخدم الوصفة بدون اللبن
يعني الاعشاب + نخالة مع رجيم
ولا لابد من اللبن

لمسةحنان

سلام الله عليكن يا اخوات

اولا الوصفة ليست لي ... فلا افتي فيها .. هي للدكتور عادل .. وانا نقلتها فحسب .. ولقد ذكرت هذا في ردي الاول ... لكن الاخت استنجدت بي فاحببت ان انصحها ..

اما قضية الرجيم والرشاقة .. فانتظروا ردي قريبا .. فانا ما زلت في طور كتابته لانه موضوع طوووووووووووووووويل جدا

هلا خواااااااتي

اختي ام سلطان هل الوصفة هذي اتسير البطن (((( يعني تجيب اسهال )))) تكرمين


انا عن نفسي اقولها لكم لله وفي الله ما ادري ليش وصفات د.عادل ما تدخل مزاجي

لانه موب كل جسم يتقبل


انا بصراحة سرت عند د.عادل علشان اضعف وانا موب دبه وايد بس كنت ابي انقص

7 كيلو عطاني مجموعة اعشاب تسير البطن

والله حسيت امعائي بتتقطع من الالم ،،،، يعني غصب عن البطن رضى والا ما رضى اسهال اسهال

اتخيلوا من الفجر لين الساعة 11 الضحى الم في البطن وبطني ما فيه شي بيتقطع من كثر الاسهال

وعقب ما تحملت ودووووني اهلي المستشفى وعطوني ابرة مقوية

والوالدة عصبت علي وحلفت اني ما اسير عنده

ومن يومها انا هديته

خواتي هذي تجربتي

بس انصحكم اي شي يسير البطن باستمرار ،،، يعني اكثر من يومين او ثلاثة ايام

اتركووووووه

احس انه يضر المعدة والجسم لانه المعدة ما تلحق تهضم الاكل الا والبطن انخرط

يعني المعدة تظل بدون وظيفة

ام سلطان احترامي لج فوق ما تتصورين واسفة على الازعاج ،،،،

وانت ما تقصدين تضرين احد بس انا انقل لكم تجربتي

ويمكن وصفاته ما ناسبتني وتناسب غيري ومن جسم لجسم يختلف


وسامحونا يا حبيباتي


وكل عام وانتم بخير ،،،،، وتقبل الله طاعتكم

باااااااااي

خواتي.. مثل ماقالت زمردة عن هالوصفة انها تسهل.. هي صح تسهل البطن.. وتسوي مغص شدييييد ويكون الواحد تعبان وهذي عن تجربة اللي أعرفهم… وكل اللي يبقي يضعف يعطية منها وبعد فيه أشكال ثانية شي بالماي وشي مثل الجلي.. وفي الاخير كلهم مايستساغون.. أستغفر الله.. حتى أخويه وريل اختي ماقدروا يتحملون وودروووووه..

أشوف وصفة أم سلطان زينة بس صح أنا أول مرة بعد ماعيبتني بس انشالله بحاول..

وكل عام وانتوا بخير

اخواتي ..والله اني انحني لكن لاسلوبكن الرائع ولتنبيهاتكن الرائعة ..وانا ذكرت انني لم اجرب هذه الخلطة ..غير اني كتبتها للفائدة ..وبنيت رأيي على حسن الظن بالدكتور ..واذا كان الكلام كما قلتن فأنا اسحب كلامي عن الوصفة ..لاني انا ايضا ضد الاسهال المستمر ..لانه مضر للجسم كثيرا ..اما الاسهال المؤقت فهذا امر لا بد منه لتخلصي جسمك من السموم التي تتراكم بصورة يومية

وانا بصراحة ..في صدد تحضير موضوع خطير يجعلك تأكلين كل شي ..دون ان يزيد وزنك كيلو جرام واحد

بدون خلطة ..ولا ريجيم ..ولا رياضة ...لكن بصراحة الموضوع يحتاج الى دراسة طويلة ..وانا لا احب كتابة اي امر قبل التأكد منه تماما

وصدقونييييييييييييييييي اني اعمل في هذا الموضوع منذ اكثر من شهرين ولا زلت اعمل واقرأ حتى لا اكتب شي احاسب عليه يوم القيامة

ولكن مني يا اخواتي بنات الامارات الحبيبة ..كل تقدير واجلال