نداء للأخوات السعوديات ......(القهوه)

حبيبتي القهوة اللي شربتيها بويش يعني بزعفران ولا بس هيل ولا شيبة؟؟
حنا نحط 3 ملاعق قهوة تغلي مظبوط بعدين كل ناس لهم كييف مختلف وفي ناس يحطوا من الخلطات الجاهزة وعموما الاساس الحمسة

هلا بج إختي نجوم .. أنا ماخذتنها بدون أي إضافة عشان أتحكم في الهال و الزعفران ..إنت تحطين الاقهوة ويا الماي يغلون و إلا قبل الماي و يوم بغلي تضيفين القهوة تغلي كم غلوة ؟
و بالنسبة للخلطات الجاهزة عندي نوعين خذتهم من السعودية و جربت وحدة رهييبة ..

انا بقولك اشلون انا اصلحها بس الكل يمدح قهوتي واقصد الكل بالي حولي


وجربي ماراح تخصري شيء


احط ملعقتين قهوهـ في ليتر ماي تقريبآ واتركها تغلي زين على نار هاديه


( بصرحه احب اخليها لين البيت كله يقول فلانه هذا هي بتجهز القهوهـ)

اخليها تغلي زين زين تحسين الريحه تضرب بالراس :)

والهيل احب اضيفه بالدله بالاخير

واذا تبي تضيفي المسمار( القرنفول) او الزعفران او الزنجبيل حطيهم معا القهوهـ بس على الفورتين الاخيرهـ بس انا احبها قهوهـ وهيل بس

هذا قهوتي انا الخاصه وبالعافيه ان شاااءااالله واتنمى تعطيني رايك ^__^

وعلى العموي ياخيتو ترى كل جها بالسعوديه لها طريقه بالقهوهـ

الشمال غير الوسطه والجنوب غير الغربيه

بس هي اساسها مثل ماقالت اخوتي نجوم الحمسه


وربي يعطيك الف عافيه


دمت بوود

فيه خلطة برضه تزين القهوة
اسمها خلطة القصيم
تحطين ملعقه منها مع الهيل على القهوة
بعد ماتغلين القهوة والمويه طبعا.

مشكوريييين خواتي على المشاركة و بالفعل خلطة القصيم حلوة ..