نداء للأمهات والمعلمات اللي تعرف بمدارس شرق الرياض الإبتدائية للبنات تنصحني

السلام عليكم ورحمة الله وبركاته
أنا بحي القدس وبسجل البنت بأولى وأخاف يفوت التسجيل بالحكوميات أبغى ابتدائية يفضل حكومية أو أهلية وأقساطها معقولة تكون بحي القدس أو قريب منه يعني اللي عندها خبره بمدارس وأحياء شرق الرياض أبغى القدس ثم الأبعد فالأبعد -المواصفات الثانية أنه مايكون عدد الطالبات بالفصل كثير -تطلع البنت تقرأ وتكتب وتحسب لأن مع التقييم فيه مدارس حكومية وأهلية تسلك 111 وتنقل للصف التالي وتنهي سنين المرحله وهي تدربي راسها ياعمري عليها-يكونون ينتبهون للطالبات وقت الخروج وداخل وقت الدوام يعني يقدرون ينتبهون للبنات موب تجي البنت منكسر سنها والا مقطع شعرها والا وحده الله يصلها تختوخه باركه عليها وكاتمه أنفاسها -ومايضربون الطالبات-ومعلمات وإدارة مظبوطه -عارفه أن الزين مايكمل بس أنصحوني بالأفضل عن تجربه من أم أو معلمه تعرف سمعة المدارس تنصحني بالأفضل مع ذكراسم المدرسة أو المدارس أن وجد أكثر من وحده العنوان بالتفصيل أن وجد ورقم المدرسة .
سامحوني طولت عليكم فرجولي الله يفرج عليكم.