يوووووه اجل انا شقول عندي واحد استغفرالله روح قلبه التجميع. فيه حاجات من قبل لا يتزوجني تخيلي محتفظ بفاتوره. الفديو اللي هو شاريه وياويلك. لويطلع شي من البيت. عذا مذابحه. انا واياه

حاولي في امك لازم تتخلصين من اللي ماتحتاجونه اول باول سواء ملابس او اثاث او مواعين او كتب اي شي زايد على طول طلعي
اكثري من الذكر والاستغفار وقول لااله الا الله وحده لاشريك له له الملك وله الحمد وهو على كل شي قدير مية مرة الصبح ومية مرة المساء والله يافي الذكر بركة
واسألي الله البركة في الوقت والصحة والبيت والمال وكل شي
وحاولي تجمعي فلوس للغسالة الله يرزقك ويرزقني اياها الكل يمدحها شوفي بيكو سعرها معقول وعليها مدح كثير
واخيرا اسأل الله العظيم ان يبارك فيك وفي اختك ويرزقكم اضعاف اضعاف ماتتمنون ويفتح عليكم الرزق فتحا عظيما نعم البنات والله حبيتك من قلبي

البيت اذا قديم ومهتريئ مستحيل ينظف الحمدلله حنا نرمم بيتنا وباذن الله يطلع شكله افضل من السابق

البيت مايبان فيه النظافه لان مافيه نظام والله اعلم
يعني لازم تحديد وقت للوجبات الثلاث ووقت للقهوه عشان المطبخ ينتظم
بتقولين كل واحد يقوم من النوم في وقت مختلف بسيطة الحل حطي سفرة (سماط) في مكان جلستكم وحطي الفطور ايا كان في اطباق او حافظات بغطاء وحطي الشاي والحليب في ترامس ومعه الاكواب وخلاص كل من يقوم يفطر في نفس المكان اذا خلصو لمي السفرة والمواعين تغسل على طول وانصحك بغسالة المواعين رووووعه وبتريحكم
الغدا نفس الشي والعشاء بعد
وانتي واقفه في المطبخ سوي كذا شغله في نفس الوقت كيف؟
يعني واقفه تسوين الغدا خلي معك فوطه مبلله بمطهر وامسحي الدولاب والرخام
رجعي الاواني لمكانها
اكنسي الارضيه
نظفي رف من الثلاجه ......وهكذا
مكان جلوسكم واكلكم واحد لاتتوزعون في البيت وكلن يحوس
لاااااااازم تطلعي الكراكيب بأي طريقه 😤
الارضيات اول شي نلم اي شي طايح ونرجعه مكانه وبعدين الارضيات تكنس ثم تمسح
نفس الشي غرف النوم نطلع الكرااككيييييب 😤
عشان نرتب الدولاب ومايجي حوسه
حطي سله كبيره في كل غرفة نوم تجمع فيها الملابس اللي تحتاج غسل
الغرف تنظف مرة في الاسبوع بشرط كل شي يرجع مكانه او يوضع في السله بالطريقه هاذي بتحافظين على نظافة ونظام
ونفس الشي سوي انتي واختك اكثر من عمل مع بعض
مثلا شغلي الغساله وروحي غسلي دورة مياه او مسحي المرايا والاثاث او لمي الحوسه اللي في الارضيات وهكذا
الله يعطيك الصحه والعافيه ويبارك في عملك واوصيك يابنتي بالهدوء النفسي ولاتكلفين نفسك مالاتطيقين وعادي يجي عندنا حوسه ويمر علينا ايام مانلقى ثمرة لمجهودنا مش انتي بس اللي كذا بس لاحظي الاخطاء ودوري لها حلول وبتنجحين بإذن الله في ادارة وتنظيم البيت
موفقه 🌷🌷🌷

الله يعينكم ياقلبي بس والله اهم شي المنظمات يهني ادراج زياده سلات زيادة وزعي كل شي سلات غسيل سلات مكياج
شمعات بيتي والله مكن احديمشي فيه وللعلم عندي ثلاث اولاد وانواع الشقاوة والتخريب والتوسيخ لكن مخلي شي يطيح بالارض
كل شي خصص له مكان وكل يوم شغله مو شرط تهلكو انفسكم يوم نكت المطبخ انتي واختك ويوم البيت والله يعنكم قولو التسبيحت قبل النوم
خير من خادم