نداء للجميع ولقشر قهوة والخبيرات كل شي ممنوع بالنفاس!!!طيب وش ناكل ؟؟؟

السلام عليكم ورحمة الله

أخواتي بنات عالم حواء أنا داخلة على الله ثم عليكم ياليت تفيدوني وماتقصرون معي مثل ماعهدتكم دايما

تحبن الفزعة وإفادة الغير وخصوصا إني في غربة ومالي أحد بعد الله غيركم << اخلصي علينا

مالكم بالطويلة حبيباتي

مثل ماهو واضح بالعنوان وسبق وقلت لكم أنا في الشهر التاسع وعلى وجه ولادة وبولد إن شاء الله

في غربة وماعندي أحد يساعدني ولا أحد يقوم فيني ولا بعيالي وعيالي صغار الله يحفظهم

وزوجي مايعرف شي أبدددد أبدددد لا في الطبخ ولا يعرف حتى يساعد الله يخليه لي وشااااايلة هم مايعلم فيه إلا رب العالمين

لأني أول مرة أولد بعيد عن أهلي وأكون لحالي ولا أعر ف شي يخص النفاس رغم ولادتي قبل

المهم حبيباتي قررت أفرزن أكلات لي من الحين تريحني وقت نفاسي ومنها أساعد نفسي شوي

بس المشكلة كل ماجيت أسوي شي أكتشف إن من مكونات هالأكلات ممنوعات مايصير النافس تاكلهم لأي سبب من الأسباب

إما إنه فيه خراب للنافس ويسبب لها مويات و يخرب رحمها أو إنه ينشفها ويخليها تطهر بدري أو إنه يسمن وينفخ وقت النفاس

أو إنه ممكن يسبب لها غازات أو إنه يغير في الحليب للبيبي وقت الرضاعة أو .. أو ..

وإذا سألت أحد ينقسمون الناس قسمين يايقولون كل هذا الكلام خرابيط وكلي اللي تبي بس يكون بفايدة

وناس تقول هذول اللي يقولون كذا خربانين ويبون الناس تكون مثلهم وتراهم مايفهمون شي

وأانا بصراااااحة خلااااااااص مدري مين أصدق بس بصراحة أميل للممنوعات لأني ماأبي أخرب وأخربط

والمسألة سهلة ماجت على أكل الحمدلله والفترة محدودة فترة النفاس فمو مشكلة أصبر وأجي على نفسي

حبيباتي بنات حواء فديتكم أبيكم تفتوني بالقائمة التالية هل هي مناسبة للنافس إنها تاكل منها عادي وإلا لا

الأرز
شوربة العدس
الفول / و الفلافل
الثوم / الخيار / والفلفل الرومي
االفطاير والمعجنات
المقالي مثل السبرنق رول والسمبوسة والبطاطس
الحلويات بجميع أشكالها
قشطة التمر بما إنها من منتجات الألبان ممنوعة وإلا لا ؟
الجبنة بأنواعها (السايلة / الكيري / الفيلادلفيا / البيضاء اللي بالوزن )ممنوعة وإلا لا ؟
العصيرات هل كلها بجميع أنواعها وأشكالها ممنوعة ؟


والأسئلة اللي محيرتني بقوووووووة وأتمنى ألقى لها عندكم إجابة هي :

- السلطة _ وش أحط فيها خضروات إذا كان الطماطم والخيار ممنوع ؟

- شوربة الخضار _ وش الخضار اللي ممكن أستخدمها إذا الكوسا والجزر والباذنجان والقرع والفاصوليا الخضراء ممنوعة ؟

- الكشنة والشوربة والأكل بشكل عام كيف أسويهم من غير طماطم ؟ بإختصار عادي الطماطم في الطبخ وممنوع نيء ؟

- الرشاد نحطه مع التمرة ونستخدمه من أول يوم في النفاس وإلا ناكل تمر من غير رشاد وفي العشرين يوم الأخيرة نضيفه ؟



بنات

تكفوووووووووووووووون لاتطنشوني وتطنشوا الرد على أسئلتي

اكسبوا أجري تراني مالي غيركم بعد رب العالمين حطوا نفسكم مكاني تكفووووون

جعل اللي ترد علي وتساعدني ربي يفتح بوجهها باب رزق ماينقفل ويرزقها بالذرية الصالحة اللي تقر عينها فيهم ويسخر لها زوجها مايشوف غيرها


أنتظر ردودكم على كل استفساراتي ومانستغنى عن رأي الخبيرات بهالأمور قشر قهوة والتاجرة أم عبودي وبقية الأخوات

لاتطولون لأني أبي أبدأ أجهز مافيه وقت

أنا في انتظاركم