نداء للسعوديات المغتربات

حياك الله يا أخت حورية معنا في بلاد الغربة .. أرجومن الله العلي القدير أن يطوي علينا أيامها ونعود إلى أهلنا سالمين غانمين معصومين من الفتن ... آمين
أولاً : عزيزتي بالنسبة للعباءة
لآحد أحد يستطيع أن يجبرك على شيء لا تريدينه أو يمنعك من شيء تريدين فهم يسمون بلدهم "Free Country " .. إذاً بإمكانك لبس العباءة كما تريدين .. ومن الطبيعي أن تري منهم نظرات استغراب .. ولكنها نظرات مؤدبة في العادة .. لأنهم لم يألف مثل هذا هذا الشكل وهم يستنكرون حتى مجرد لبس الحجاب فما بالك بلبس العبارة كاملة على الرأس .. وأنا أعرف لك وحدة من الاخوات - الله يثبتها - تلبس العباءة السوداء على الراس وتلبس الشرابات السوداء والقفازات السوداء !!! وتغطي وجهها بالكامل ولا تتنقب!!! ماشاء الله عليها .... الشاهد من الموضوع :- لاتهتمي من نظراتهم واعتزي بحجابك فإنك حقاً ستشعرين بانك تتعبدين الله بهذا الحجاب وتحسين بلذة العبادة

ثانياً: بالنسبة للمواد الغذائية سجلي عندك :
الجريش والقرصان " كانك من أهلها " قشطة - كريمة كراميل _ أجبان ( إذا كنت تحبين جبن الكاسات أو الكرافت أو الابيض المالح .. لأنها غير موجودة ) فانيليا " أحياناً ما نلقي فانيليا خالية من الكحول "
جيلي - تمر- بن -هيل - شاهي ورق " هنا مافيه إلا لبتون "-بهارات مطحونة - بهارات عدلة - حنا للشعر -

وبالنسبة لمواد النظافة كمعجون الاسنان و صابون اليدين والشامبو يندر أن تخلو من الجيلاتين المستخرج من الخنزير

هذا اللي في بالي الحين .. عموماً أغلب هالاشياء ممكن تلاقينها في البقالة العربية إذا كنت في مدينة كبيرة وفيها بقالة عربية .. لكن أسعارها غالية


بالنسبة للأواني : أهم شيء المعاميل " عدة الشاهي والقهوة " دلال - برقان - بيلات - فناجيل - طوفريات - زمزميات
حوافظ للكل في العزايم أو الرحلات - قدور - الصحون الكبيرة للفطور - أبلام " سراويس " - ..

وبالنسبة للأجهزة الكهربائية ما أعتقد بتحتاجين شيء

السلام عليكم
اهلا بحوريه الغاليه
الله يعيننا واياك
شوفي حبيبتي بما اني مجربه راح اقولك الاشياء الضروريه
اولا بالنسبه للحجاب تمسكي فيه تراه دعوه بذاته للاسلام وراح تسمعين من البعض الله يهديهم تراه صعب وراح يؤذونك وانك تخوفين وووو..لكن ما عليك من احد انت لابسته طاعه لله انشاء الله والله معك
وما ننسى قول الله تعالى (ولن ترضى عنك اليهود ولا النصارى حتى تتبع ملتهم)
تصدقين مجتمعهم ضال وما راح يرضوا عنك ابدا حتى الاخوات المحجبات الغير منقبات يطالعونهم باستغراب مع انهم كاشفين فسبحان الله والله ان وحده كافره الله يهديها تسالني عن حجابي وهي متاففه مني والحمد لله شرحت لها وسبحان الله مع انها مو راضيه ولا مقتنعه الا انها تقول احترم اللي يتمسك بدينه
فالبنسبه للعبايه اللي على الراس ما فيها شيء ولا احد بيقولك شيء بالعكس القانون عندهم انه لكل شخص يمارس دينه بحريه بس اذا انت لاحظت انهم بيؤذونك مع اني انشاء الله استبعد هالشي فتقدرين تخيطين حجاب بلون اخر مطابق لشروط الحجاب الشرعي
ام بالنسبه للاغراض
كتاب الله طبعا وكتب دينيه(تفسير-فقه -عقيده-حديث-وكتيبات واشرطه)
المواعين(قدرين او ثلاثه -اباريق شاهي -الترامس مهمه يعني خذي معاك اربعه احتياط-- بيالات -فناجيل(حطيها مع ملابسك علشان ما تتكسر-صياني - ورق سفره(سمط)وبعض المدن فيها
اذا انتم بتروحون لمدينه كبيره فاكيد يكون فيها بقالات عربيه وراح تلاقي الجريش وجميع انواع الاجبان الا كرافت السائل
قرصان-تمر- قهوه -هيل -قرنفل-زعفران-بهارات-ليمون اسود- دارسين لان حقهم ما يعجبني
جلي وكريمه-حلبه ورشاد ولهوم اذا الله كتب لك حمل وولاده
معجون اسنان -حناء -(جلسوليد ترى ماعندهم)-
معليش طولت عليك والاخوات ما يقصرون واذا عندك اي سؤال تدللي يالحبيبه

السلام عليكم اخت حوريه
ان شاء الله تكونى فى ولايتى ميتشقن العرب مرة كثارين وعادى مرة الحجاب
بس كل ولايه تختلف عن الثانية ...وعلشان تبعدين عنك الناس ونظراتهم
البسي المثلث زى المصرين ان كان عرفتيه والملون اريحلك....هذا الى اشوفه ...الله يسهلك ان شاء الله.


اما المواد الغذائيه: زى ماقالت الاخت كيت كات
وأزيد لك :علك غندور .وبخور.ومبخرة كهرب .
واذا كان معك اطفال {بجايم وهيلا هوب } اذا كانت الولايه بارده.....



هذا كل الى عندى ..ومع السلامه
الله يوفقكى ويسهل دربكى .

تذكرت حاجه ثانيه .اذا كانت الولايه بارده لا غنى عن بطانيه {مورو} .
وكذالك سجاده الصلاه يكون فيها بوصله علشان تكون فى السياره

مشكورين يا أخواتي على مساعدتكم وتفاعلكم معي
كنت محتارة وش ممكن اخذ معي من ممكن يساعدني
قلت مالي الابنات المنتدى أكيد ما يقصرون
وفعلا قمتوا بالواجب واكثر جزاكم الله خير والله يجمعني بكم في هذه البلاد
وان إنشاء الله راح أكون في ولاية انديانا مدينة بلومنقتون