بعد مثل كل اللي قبلي بقولك انا مثلك
بالنهاية انتي انسانه لا تلومين نفسك كثير
وفيه كثير حريم ما عندها الا طفل واحد وقمة الاهمال بنفسها وبيتها
وبعضهم لها سنين متزوجه ولا عندها عيال وبعد ما تهتم بنفسها

بالنسبه لي بعد الطفل الثاني خلاص
ما عاد فيه وقت لنفسي ابد
البيت يبي والعيال يبون والرجال يبي والناس بعد لهم حق
لين اندفت وانا حيه
بالفتره الأخيرة رجعت اهتم بنفسي لأن ولدي الصغير كبر شوي وقلت ساعات اهتمامي فيه

اول شي غيرت اسلوب لبسي
اول كان كل لبسي بناطيل وبجامات
لأنها عملية ومريحه بشغل البيت

نزلت السوق وشريت فساتين بيت وقمصان قصيرة
وتنانير قصيرة مع بلايز كت وتوبات
وهذا بحد ذاته كان تغيير كبيير

راجعت برامجي اللي كنت اسويها وانا بنت للإهتمام ببشرتي
وجمعت معلومات سريعه من النت
وبالنهاية استقريت على تنظيف وجهي بصابون عادي الصباح
وبعده مقشر خفيف وبالأخير مرطب

وبالليل قبل انام احط كريم

هالطريقة اعطت وجهي حياة بعد الذبول اللي كان فيه

مكياج بالبيت شبه مستحيل لأننا نتوضى 5 مرات باليوم
فصرت احط قلوس حتى الكحل ما احطه علشان ما يسوي هالات تحت عيني
والنتيجة مقبوله

من فتره لفتره صرت اسوي بدي كير يدين ورجول
يخلي منظر يدينك ورجلينك مرتب

اصبغ من وقت للثاني واقص من باب التغيير



المشكله الكبيرة شعري
نوعيته ناعمه بس جاف جدا
يعني اذا ما استشورته ينفش

كنت استشوره وتعب وتركت الاستشوار
وجربت السيراميك فتره حلو وما يتعب الشعر بس المنظر كنه اسياخ
يعني ما فيه حيوية
والآن اذا تحممت احط كريم وألمه
ودايم على ذا الحال
مدري وش اسوي فيه



من جد مشكلتي شعري

انا نفس حالتكم وإن كنت اسوء مالحق
على شي
انا ساكنة في دور علوي
وعندي توئم عمرهم 1و8شهور
من اقوم وانا الوي وراهم من 10 إلى 3 تقريبا بعدين ينومون ياصلحة الغدا او نمت على حسب حالتي ينومون ساعة ونص بعدين يبدا الجدول من جديد لين وحدة الليل إذا ناموا غسلت المواعين وغسلت ملابسهم ورتيبت شوي اصلي الفجر وانوم
يعني مافيه وقت اسوي اي شي حدي اتروش بعد واحيانا اجلس يومين ما اقدر اتروش واكد شعري واحط عطر واحيانا جلووس

بس الصراحة افكر الي يحطون مكياج في البيت ماينحاس ومايسيح الكحل انا مره حطيته صرت اروع ساح الكحل وصارت عيوني سوداء

وكل شهرين تقريبا اسوي صيانة اجيب كوفيرة اسوي حلاوة ومناكير وبدكير

وبس الله يعين

انا قبل لا يجيني عيال شياكه ودلع وكل يوم مك اب بس بعد ماجبت المحروسين نسيت كل شي حتى زوجي لازق فينامايطلع من البيت الاوقت الدوام والصلاة وش اسوي والله مالاقي وقت احك شعري من هالبيت والعيال احيانا انسى امشط شعري يقعديومين مامشطته من كثر الشغل

الله يعين بس

انا عندي بنت وحده بس فينت كسل غير طبيعي

والله احيان الوم نفسي ليش كذا انا توني مالي الا 3 سنوات متزوجه بس كني لي اكثر

احاول اغير بس مو قادره ابي احد خبره يعلمني

اكثر شيء مزهقني الوحده والله انها دهورت نفسيتي ومو قدره اغير شيء في حياتي او حتي اجدد في يومي كله روتين ممل وقاتل

الله يكون بالعون بس

وينكم

ما عندكم مقترحات؟؟