نداء للموظفات هل تعانو مثلي من كيد الحريم في الدوام ؟

السلام عليكم و رحمه الله و بركاته
الموضوع واضح من العنوان :icon36::icon36: انا اعاني في الدوام من حقد بعض الموظفات علي
اول شي انا بنت علـي نياتي و الحمدلله نيتي دائما سليمه و يمكن هذا الشي اللي يحمني منهم
وظيفتي في مستوصف(مش طبيبه)مع هذا انا احب اساعد المرضى و اسمع دعائهم لي .... وانا الصراحه محتاجه الوظيفه بشددده
المهم تعرفون كيف النظام في مجتمعاتنا للاسف في استهتار كبييير بالوظيفه و في ناس ماخذينها بس تسليه و للسوالف و لا يحللو راتبهم
ماعلي منهم بس انا من النوع اللي احاول انصح بطريقه غير مباشره
في مجموعه بعد التوقيع الصباحي يروحو يفطرو في مطعم و يرجعو !!! و الشغل يزيد علينا لانهم رمو الاشغال علينا
طبعا المسوله نايمه و اخر همها ومن غير في تصرفات اخرى تؤثر على صحه المرضى

احس بالوحده الشديده .... بنات بلدي مستهترات و بنات الجنسات الثانيه يحبو يجلسو معبعض
و مو بس الوحده .... دائما اخاف يكيدو لي :icon36::icon36::icon36::icon36: اخاف افقد وظيفتي بسببهم .... لانهم يلاحظو اني ما احب اعمل حركاتهم و اذا عملو شي خطأ ممكن يضر المريض بروح اكلمهم باسلوب حلووو ... ما ابين انهم غلطانيين فقد استفسر بيني و بينها


المهم كل هذا الكلام الزبده انا خايفه يكيدو لي لان في مجموعه ابدااا ما تحبني و هالمجموعه المقربه للمسوله

و من غير اصلا انا عندي مشكله مع الاداره و رحت اشتكي من فتره لموضوع فيه ظلم شديد للمرضى (اي شيئ يمس المرضى ما اقدر امسك نفسي فيه اخاف عليهم)


كيف الله يحفظني من شرهم اعطوني ادعيه رح اكتبها و ارددها يوميا قبل الدوام و اثناء الدوام :icon36::icon36::icon36: كيف اقوي شخصيتي و اصير ما اخاف
دائما اذا شفتهم في مكتب المسوله اخاف اقول اكيد يكيدو لي بشئ

من كثر ما انا مضغوطه و خايفه احيانا افكر اترك لكن اخاف على المرضى لو رحت مافي احد بيسعى لمصلحتهم


سمعت بكثيير موظفات مثلي كانو ما يقدرو يستحملو الغلط و راحو و اشتكو ووصلو للمسؤليين الكبار و بدون فائده ... و تركو الوظيفه و جلسو فالبيت ...


ما اقدر اتوظف في مكان اخر لان الوظايق صعبه في مدينتي و في كثر جالسين فالبيت مو ملاقين