بسم الله الرحمن الرحيم
الحمدلله والشكر لله عدت ليكم مع قصه ولادتي
بحمد الله وكرمه ولدت يوم الجمعه 10/2/2006
الساعه 11:39 الظهر
وجبت احلي بنوته

يا بنات قبل الولاده باسبوع كان يجيني الم ويروح وعلي حسب كلامكم ان ده الطلق الكاذب

المهم انا الموعد اللي اعطوني في المستشفي كان 12/2 وهو يوم احد بس انا دعيت ربي اولد يوم الجمعه
لاني خلاص تعبت وزوجي كان مريض انفلونزا وسخونه وانا اللي جنبه بحالي قايمه علي تمريضه
يوم الجمعه الصبح حوالي الساعه 5.30 صحيت علي احساس اني عايزه اروح الحمام المهم قمت وانا في الحمام وبمسح نفسي الاقي دم وفجأه ميه سخنه ولونها اخضر بتنزل مني
يالله عرفت انها ولاده مع اني بكريه يا بنات
ودي اول مره بس ما خفت الحمدلله و فرحانه (اصل ما كان في الم لسه)
جريت علي جوزي صحيته قوم انا بولد
اتفجع يا عيني وراح صحي امه وهما الاتنين ملهيين فيني وانا كل اللي هامنني اني لحد هذه اللحظه ماجهزت شنطه النونو ولا اي ملابس
ولا حتي جهزت نفسي (زي مانتو فاهمين يا بنات)
المهم اخذت عدتي من كريمات وماكينات حلاقه وجري علي الحمام وجوزي يصرخ فيني بتعملي ايه يلا علي المستشفي وانا لالالالالالالالالالالا لازم استحم الاول
وانا تحت الدش جاني وجع فظيع ورا بعض قلت بس ده الطلق بقيت معرف احط رجلي علي الارض صرخت علي جوزي
هيلب مي (اصل جوزي ثقافته انجليزي)ههااهاه
ولبست وجري انا وحماتي علي المستشفي وجوزي هايحصلنا
من اللبخه اللي فيها حماتي قفلت العربيه والمفاتيح جواها واضطرت تدخل من شنطه العربيه منظر يفطس من الضحك بس خلالالالالالالالاص مافيش ضحك الالم عمال يزيد دخلت حطوني علي السرير وجهاز التخطيط شافو الطلق منتطم وسبب خضار الميه اني بنتي تبرزت في
جت السستر فحصتني وكانت المفاجأه الرحم مفتوح 7سنتي ونص
بقو مزهولين من 5.30 الفجر لحد 8.30
تلات ساعات بس ومفتوحه كل ده
طلبت مخدر لحسن الالم فظيع اعطوني الاكسجين اوف يا بنات يدوخ بقيت اقول لحماتي انا حاسه اني سكرانه ده وحش ماتعطيني تاني وارميه في وشها بس اول ماتيجي الطلقه اشده من ايديها وهي تضحك من ورايا
الساعه 11 خلالاص عايزه اروح الحمام اقولهم ودوني الحمام يقولي دي الراس اقول لالالالا مش الراس انا عايزه اروح الحمام
بس فعلا كانت الراس يا الله احساس غريب غصب عنك بتدفعي وانا مش مرتاحه علي السرير واقترحو عليا اجرب الكرسي قلت ماشي بس خلصوني بليززززززز
كل اللي طالع عليا بليز
المهم انا قاعده علي الكرسي وبسلامتها الممرضه ماسكه مرايه علشان تفرجنا هاهاه
قعدت ادفع واول ماشافت الراس طلبت اني اخد نفس من غير ما ادفع خلي الراس تنزلق لوحدها والحمدلله واحد اتنين تلاته هب جت رينال بنتي السا عه 11.39 ماشاء الله ادعولها بالصلاح والهدايه يا بنات
عايزه اقول من خلال تجربتي
للبنات اللي علي وش ولاده من رحمه ربنا ان بين الطلقه والتانيه في راحه ومع الوقت وشده الالم جسمك خلاص بيتخدر والمنطقه كمان ومش بتحسي غير انك مرهقه بس
و الولاده ممتعه والله الم ولهفه علشان تشوفي مولودك وفرحه في النهايه الحمدلله اللهم لك الحمد كما ينبغي لجلال وجهك
وعظيم سلطانك
عليكي بالدعاء ثم الدعاء ثم اكل التمر ثم المشي ثم الجماع
وان شاء الله ربنا يزقكم بولاد سهله زي ولادتي
6 ساعات بس

يا يا بنات ربنا كريم ودعا الوالدين كمان الحمدلله
وسلامتكم

وانا اؤيد كلام اختي هلي دموعك يا عيوني
فعلا اهالينا زمان ما كنش فيه شي اسمه توسيع وخياطه
بارك الله فيكي اختي

بارك الله فيكم

ما حسيت فر ق كبير لان اللي يتوسع طبيعي (بدون شق او قص) ير جع لحاله

كمان للرفع والفائده