نداء لمشرفات القسم .. والمسؤولين

ردو حبايبي وينكم ....

up

السلام عليكم اختي ...

الغالية الموضوع انحذف لانه من قوانين القسم يمنع وضع اي موضوع يتعلق بلبس المطربات والممثلات ..

والغالية اذا بنطرش اسعار لكل عضوة بأن الموضوع انحذف او تغير مكانه للقسم الي المفروض بنكتب فيه .. عييل ما بنخلص ابدا .. خاصة انه في القسم يوميا مواضيع كثيرة تنكتب ..

السموحة منج واذا عندج اي استفسارات ثانية اتمنى اتطرشينها لي او لاي مشرفة ثانية للقسم .. او تكتبينه للادارة في الخط الساخن (الخيار الي في اعلى الصفحة) والسموحة

زين انا ماحطيت الموضوع عن المطربة نفسها ... انا بس طلب من الاعضاء فستان معين حقها اباه ولا ابا افتح عنها موضوع او شي ... شو المشكلة يعني ... اسمحيلي اقولج انه قانون ماله معنى

اولا .. القانون هذا له معني ومعني ونص بعد .. الحينه يوم انتي او غيرج يطلب موديل المطربة فلانة او فلانة ويكون الموديل مب ساتر ابدا .. اذا وحده عجبها الموضوع قامت واقتبست نفسه 100% .. منو بياخذ اثمها .. خاصة اذا مالبسته جدام زوجها .. يعني في حفلة او او او .. وثاني شيء .. حراااااام انه نتشبه بالفاسقات من الممثلات والمطربات وغيره في لباسهم ..

واذا عندج اي اعتراض للقانون راسلي الادارة