لا اله الا الله

بناااااااااااااااااات تكفوووووووووووووون جااااووووبووووني

انا طبعت الكشف الطبي ورحت اليوم وسويت التحاليل و الفحوصات و الاشعه

وختمو لي الورقه

بس في بنت قالت ماظنتي يقبلونها منك

!!!!!!

انا هنا انبلهت وجاني خووووووف .. قلت بعد الزحمه ذي ما يقبلونها

........................................

سؤالي ليه منزلين الكشف الطبي في تكامل دامهم ماراح يقبلونه ؟؟؟!!!!!!

دودي بالنسبه للمهد طبعت الورقه وما أخذوها.
سلمتني من عندهم  

الحمد لله انتهيت من المقابله

راح اكتب بعض الاسئله اللي جات لي وللبنات

طبعا كله بالانجليزي

-تحدثي عن نفسك

-هل عملتي من قبل في مجال التعليم؟؟

- ماذا عملتي بعد تخرجك؟؟

-اذكري استراتيجيات التعليم

-كتابة عن شي معين هي تختاره

-كيف تتعاملي مع الطالبه المشاغبه -الكسوله؟؟

-ماهي نقاط ضعفك وقوتك؟؟

-مارأيك في المناهج المطورة؟؟

السلام عليكم بنات ..طبعا انا طبعت كل الاوراق بس في مكان المقابلة ملتزمين بتنظيم معين وما يحولوك لخطوة الا وانت موقعة على ورقة عشان تنتقلي للخطوة الي بعدها ..

انا منطقتي المدينة المنورة مقابلتي الساعة السادسة مساء وقبل خمسة وانا عندهم دخلت اول غرفة تنظيم المقابلات وقعوني عند اسمي واعطوني ورقة ورقم ووجهوني للجنة المطابقة ..ولما جا دوري طبعا طلبت كل الاصول وطابقتها بالصور المطلوبةمن كل شي ورتبتها في كل ملف لحال ووسجلت على الورقة الي سلموني هي في الاول انه تمت المطابقة ووقعتني عند اسمي ..بعدها حولتني للدور الثاني عند لجنة المقابلات برضو وقعت عند اسمي ووجهتني للجنة مقابلة الانجلش ..المقابلات كانوا حبوبين وطلبوا مني اتكلم عن نفسي واتكلمت باسهاب بالانجلش ..عن تخرجي ووضعي الاجتماعي واطفالي وسالتني اذا لي خبرات في التدريس قلت لا فقط التدريب وقالت لغتك جدا رائعة رغم انقطاعك عن ممارسة مهنة التدريس ..قلتلها احب الانجلش وأمارسها دايما واطلع على المناهج المطورة للمراحل المختلفة..ابدت اعجابها وسالت الاستاذة الاخرى اذا عندها سؤال توجهه ..قامت سألتني بالعربي عندك فكرة عن وسائل التدريس الحديثة قلتلها البروجكتور والبور بوينت قالت حاولي فقط تطوري من مهاراتك في الحاسب قلتلها انا باطور من نفسي وتعاملي مع الحاسب يوميا اتصفح واطلع عن طريقه..

وقعولي على ورقتي وحولوني للادارة ختمولي عليها وسلموني ورقة الكشف الطبي مختومة من عندهم ..يعني ما ينفع تعملي كشف اذا ماهي مختومة ..لانه وحدة جلست تسال تقول قريبتي في العلا تبغى تاخذ ورقة كشف مختومة واخدها عالعلا تعمل الكشف هناك بعدها تجي عالمقابلة وتكمل امور المطابقة وباقي الاجراءات قامت المديرة قالت ماينفع وجلست تترجاها قامت وافقت بعد محاولات وبعد ما طلبت منها توقع على ورقة وتعهد انها استلمت ورقة الكشف المختومة ..وبعدها ماعرفت ايش صار معاها..لكن واضح انهم ماشيين على تنظيم معين صعب انهم يخالفوه او يغيروه..طبعا بكرة ان شاء الله اروح اعمل الكشف وارجعلهم اسلمه لهم وارتب القطاعات واكمل مسوغات التعيين والله يتمم باقي الامور على خير ..

حبيت افيدكم بالي صار معاي بالتفصيل والله ييسر للجميع ..الاوراق الي طبعتها من الموقع مانفعتني بشي ولا بتهمهم في شي كل خطوة لازم بتوقيع منك ومن كل موظفة مريتي عليها