نداء من أم على وشك تفقد أعصابها إلى أمهات عالم حواء

السلام عليكم

بنتي عمرها 3 سنوات وهي صعبة مرة وماقد مرق على راسي زيها حتى أخوها الكبير كان مو كده,,تبكي

لأنفه الأسباب أي شي يخليها تبكي لو طاحت أو أحد لمسها بتبكي والله بتخجلني قدام الناس أمس رحنا مع

أصحابنا وكل بناتهم بيلعبو مع بعض من عمرها اوأصغر وفي أكبر بعد وإذا أحد لمسها بتكي وبتجي لعندي

وصوت بكوتها يصدع الكل يطلع عليها وتسببلي إحراج يقولولي ليش كده بنتك أقلهم لأ عادي هي في البيت

مو كده يعني أحيانا بتنسجم مع وحدة من البنات وبتروح تتمشى معها أحيانا ,,بالأكل مغلبتني ما بتحب كل الأكل

تعذبني نحيفة مررة من قلة الأكل وأحيانا بتاكل شي وبتندم وبتفضل فاتحة فمها وهي بتبكي طبعاً إلين أطلعو

من فمها ,,,إذا دخل شعر بين أصابيع رجولها تجيني وهي تبكي وتقول واوا,أمي تقولي هذا دلع وغيرة طيب إذا كان

كده كيف أتعامل معاها ,,أحيانا أفقد أعصابي وأضربها عشان تفهم بس البكاء بيزيد ,,إيش الحل ,,بنتي ذكية

مافيها شي وبتفهم وبتتفاعل معي وعندها هوس في اللبس تحب تغير ملابسها كل فترة لوحدها بس طبعها

مغلبني مررررة ومخليني أكره أروح أي مكان بسببها ,,,ما تحب الناس أحسها ,,إيش الحل معها مين عندها

خبرة وتقدر تساعدني ,أرجوكم بنات ,هل هالشي طبيعي ,,,على فكرة أنا عندي بنت أصغر منها عمرها 4

أشهر وبتقلدها بحركاتها يعني لو حطت اصبعها بفمها تقلدها وأحيانا تلبس ملابسها الصغيرة ,تخيلو شكلها

بنتي على هذا الطبع من قبل ما جيب بنتي الثانية يعني لو غيرة كنت لاحظت هالشي

أرجو من الأمهات تساعدني أبغى أسيطر على الوضع من ده حين قبل ما يتطور أرجوووكم ,,,