نداء من بنت الكويت الى بنات الامارات 00 افزعووووووووولي 00

يابنات زايد الفزعه تكفووووووووون 00

ابيكم تردون علي باسرع وقت 0000 لحد يطنشني 0000 :06:

ترى اذا مررررر اليوم مالقيت احد راد علي والله ازعل عليكم وماعطيكم مافي جعبتي <<< ترى عندي سوالف خطيره ماقولها لكم :30:

انا مسافره خلال هالاسبوع الامارات وابي اجيب بضاعه مناك :42:
بصريح العباره ابي تقولون لي المحلات المميزه عندكم واللي عندها اشياء غريبه مانلقاها في الكويت مثلا وبنفس الوقت يكون سعرها مناسب لبضاعه 00 يعني ابي الملافع الملونه الشيفونات والحراير اشوف حريم يجيبونها من دبي بضاعه والناس تنهبل عليها 00 ولاادري منين ياريت تدلوني على مكانها لان بنات الكويت الحين طايحين فيها يلبسونها مع القبعات 00

وبي مكياج بالجمله وتكون ماركاته حلوه وبنفس الوقت آخذها برخص 00

وابي البخور الزين والعود الزين وعطورات الفرش والملابس واسماءها 00 بس مابي اجمل والعربيه والقرشي لان هذي عندنا في الكويت ابي غيرهم 00

ابي الزعفران الزين وين القاه 00

ومحلات تقليد الماركات 00 بس ماركات سنعه وموديلات جديده 00

وابي كريم كريولان وين القاه في دبي وكم سعره 00
وابي تعلموني يابنات الكويت كم سعره في الكويت عشان اذا ارخص بجيب منه 00
وكريم دريماكول اذا موجود في دبي علموني وين مكانه 00
تكفووووووووووووون لاتسفهوني 000:44:


حتى بنات الكويت اللي عندهم خبره في البضايع انصحوني شجيب من الامارات ومن وين 00 فيدوني افادكم الله 000

تكفوووووووون تراني عشمانه فيكم حيل وبدعيلكم من كل قلبي لاتكم بتساهمون في ربحي ان كني ربحت 00 راح يكون لكم الفضل من عقب الله سبحانه وتعالى 00
فلاتردوني خايبه

ترى ماعندي وقت