لسلام عليكم يا بنات ..
جاتني فكره اليوم علشان نحط تجاربنا مع الامراض الروحية المس والحسد والعين والسحر ، ونبي هلتجمع خاص فينا وفي رحلة معاناتنا ونقول علاجنا ..
بالنسبه لي اعتقد ان فيني مس من فتره طويلة لان دايما احلم بكوابيس مزعجة وافاعي تطاردني وصراصير وعقارب واحلم بأشخاص غريبين واشكالهم تخوف وازعاجات كثيره احسها وانا نايمه واقوم مفزوعه من كثرة الاصوات الي اسمعها واحيانا اسمع ضحكات وهمسات وخطوات ولما اقوم ما اشوف احد معاي في الغرفه .. وما وقف الموضوع لهنا وبس كل ما تقدم لي شخص ما نتوفق وفي اشياء وايد ما توفقت فيها في حياتي وكل هذا والسبب العارض الي فيني ، مع اني محافظة على صلواتي والاذكار وقراءة القران ولكن معاناتي الى الان مستمره وعدم التوفيق في الحياه سبب لي هم كبير علشان جذي قررت اني ابتدي برنامج علاجي لنفسي وبما ان ما عندي خبره كفايه في موضوع العلاج حبيت نستفيد ونفيد بعضنا
وشكرا لكم وبأنتظار مشاركاتكم وتجاربكم وخطة علاجكم