على حين غرة .. تذكرت اني ساكنة بحي من احياء الرياض
وعلى حين غرة تذكرت ان جنبي كومة جيران
وعلى حين غرة قلت ياخزياة ماحد تعرف علي لاني انا اخر وحدة اسكن :S_45:
وكل يوم افرش فرشتي بالحوش واجهز قهيوتي وانسدح اشوف اللي يمر ويروح :lick1:
ياااناس طقوا بالغلط سطحوا كورتكم ونعالكم بس حسسوني اني عايشة بالرياض
احس اني بالربع الخالي
![](https://d2s63a22uzwg40.cloudfront.net/PE/2008/07/31/07/sm17-1.gif)
آآآآآآآآآآآخ , هتفت بكل ملل والطفش بلغ بي مابلغ ,
بعد مافرغت مافي جعبتي
نجي للجد والحتسي الراسي
يمكن بعض العضوات ساكنات بنفس الحي والباب بالباب
ومانعرف بعض بعكس هنا نتهاوش نتماعر الشوش وكل وحدة قلبة على الثانية وهي ماشفت خشتة ولاتدري منهي
لاكن القلوب سبحان الله
اخاف نعجز
![](https://d2s63a22uzwg40.cloudfront.net/PE/2008/10/21/04/186-1.gif)
طرت ببالي ابيع جلابيات,وحنا واطقطق على أمة محمد واتعرف على الجيران عن هالطريقة هههههه
فوووكرتي
ان كل عضوة تسدح كروكي بيتهم ولون بابهم وسيارتهم :blink:
يكفي الحي والشارع
كود نصير جنب بعض تخيلي مرة جيراننا اللي بابة ببابنا وتحط زبالاتهم بعتبة بابي تصير عضوة من هنا:angry2:
ويصير يامهنى جاك ماتمنى :biggrin:
و
الاهم تكتب عن حالتهم
يعني
يتقبلون اي كائن بشري
عيالهم شياطين ويحوسون
ولا مؤدبين زي عيالي :biggrin:
يحطون حلى مع القهوة وبالاصح يفلونها ولا بس قهوة ودفلجي هههه
ابوهم حبيب ولا شديد
نقود ولا مفهي وماعندة ماعند جدتي
يحبون يكونون جيرة ولا لا
و
اعرفكم بنفسي .. مع اني غنية عن التعريف عندكم .... أووخس يابو الثقة
متزوجة من دب مملوح ومفرخة بصابيص وش زينهم أدب اخلاق .. والمرية قصة الصاطور ..:icon31:
وحياتنا كأي مواطن سعودي ,, صاكن باب بيتهم
وينتظر باب بيتهم يطق
ساكنة بالرياض
حي الروابي خلف بنك الراجحي
تهقون اتعرف على بنك الراجحي :S_45:احسن
بابنا قوزاز وباب كهرب ولون سطل زبالتنا برتقالي وكاتبين علية
حقرص بقرص من كب زبالتة بسطلنا يقرص
ههههههه
ننتظركم
بس
الفكره فيها مخاطر عظيمة
بذمتكم يا بنات حواء
هلحين ما تقبلون الرد من الرجال
وتوصفون مواقع بيوتكم قدام الله وخلقه؟
الله من وحده بتتطلق من ورى هالموضوع ههههههههههه