ندااااء الى أمهااااات التوحد .. مالي الا الله ثم انتو ساعدوني

بسم الله الرحمن الرحيم عندي ولدي الوحيد عمره 2و7 شهوور شاكه ان فيه توحد وديته عن دكتور يوم كان عمره سنتين وقال مو متاكد ان فيه توحد وراح أقول لكم الاعراض اللي لاحظته فيه 1_ يرفرف بيده أذا شاف الكرتون اللي يحبه 2- يروح ويجي في السيب ودايم يلحق ظله مدري ليش 3- مايتكلم كلامه خرابيط 4_ لما اناديه مره يسمع ومره لا يعني لازم اكرر اسمه علشان يلتفت 5- الالعاب يصفها صفوووف ويحب يلعب بالمكعبات يفك ويركب 6- مايفهمني لما اقول له جيب الجوال مثلا بس يعرف يسكر الباب ويفتح الثلاجه 7- يحب التلفزيون كثييير بس الحين صرت احط له قناه القران8- مايحب الخضروات بس البطاطس والفواكه مستحييييييل ياكلها وديته معاي الحضانه علشان يتاقلم معاهم بس ولا كانه شايفهم بس يطالع فوق وتحت احس كانه مشتت 9 - يحب يضمني ويغار علي كثير لما اضم غيره يزعل .. مدري والله حيرني ولدي وخايفه عليه مره اذا كان توحد ما اقول الا الحمد لله والشكر واذا لا بعد الحمد لله كلمت دكتوره وقالت بعد الاجازه اشوفكوسويت موعد مه دكتوره تخاطب يوم الثلاثاء ان شاء الله بس ابغى اعرف منكم ما اقدر اقعد كذا اطالع فيه الين يجي وقت الموعد وش اسوي له ماني عارفه بالظبط من وين أبداقلت مالي الا الله ثم انتو ما ابغى يوم يضيع على الفاضي وانتو عارفين العلاج المبكر اهم شي .....تكفون اللي ماعندها رد تدعي لولدي يحفظه لي ....