عزيزتي الغالية
خطوة طيبة انك فكرتي في بيت ملك والتوفيق من الله عز جل..
بالنسبة للطريقة: في هذا الوقت صعب جدا التجميع مع ظروف الحياة اليومية ومتطلباتها يعني افضل شي تاخذون قرض:(
وانا اشوف البناء افضل بالرغم انه متعب ومكلف لكنه على تصميمك ومزاجك إلا اذا لقيتي بيت جاهز تصميمه يعجبك وهذا ياخذ وقت وجهد وبحث متواصل وهذا صعب مع تغير الاسعار وتقلب سوق العقار ومثل ماقالوا ..
"العقار يمرض ولا يموت" يعني لا تعتمدين على اسعار اليوم بكره تتغير..
المعذرة طولت عليكم لكن هذا الموضوع اشغلنا جميعا ومازال فهو ((بيت العمر))
المهم زوجي:arb: طلع قرض واشترى ارض مايقارب 150 الف وانا طلعت قرض بما اني موظفة حوالي 130 الفا وبدأنا في الدور الاول وصممته على مزاجيوانا فرحانه جدا فيه:icon28:
بعدها طلع زوجي قرض ثاني وبدأنا الدور الثاني وصممناه شقتين كاستثمار لنا ونستفيد من الايجار طبعا بدأنا قبل 3شهور وقربنا نخلصها عظم وبعدها بنوقف لأن الفلووووووووووووس بحححححححح :44:
ومانفكر نكمل الا بعد سنتين من الأن لأن الظروف صعبه وشكرا وعذرا على الاطاله

ملاحظة اسعار الاراضي تختلف من منطقه الى اخرى يعني اسعار الرياض تختلف عن جده عن الشرقيه وغيرها .. بالنسبه لي انا في الجنوب
اتمنى اكون افدتك..:)

لا تشكين لي ابكي لك..

نظام الاسكان عندنا من افشل النظم العالمية..مع اننا من الدول اللي يشكل عندها سكن الملك اهمية اكثر من اي دولة ثانية (طبقا لعاداتنا ومجتمعنا)

لا الدولة تجبر جهات العمل على توفير السكن..(واتكلم بشكل عام مو اللي ساكنين بالواسطات من سنين وماسكين فيها وبيوتهم ماجرينها)

ولا الدولة تمول السكن مثل ارامكوا بحيث يشترون البيت ويقطعون من الراتب نفس القيمة بدون فوائد..

ولا هي اللي حركت نظام التمويل من البنك العقاري..الا بالعكس دمرته الواسطات والعلاقات..تعرف احد يطلع رقمك ..ماتعرف اجلس 20 سنة..

واذا اتجه الواحد للتمويل من البنوك قصوا ظهرك..

طبعا الربا حرام..واذا بتاخذ تمويل مادي عن طريق الاسهم مثلا فالفوائد عالية وثابتة يعني تدفعين نسبة في السنة الاخيرة من التسديد مثل اول سنة على كاااامل المبلغ...يعني تدفعين ستمية الف مليون تقريبا واكثر..
غير ان التمويل في اغلب البنوك وان قالوا بشرعيتها فهي بطرق ملتوية ومحرمة..(الا البلاد والانماء والراجحي والجزيرة فقط)وهذي النقطة سالت عنها الشيخ المنيع وقال انهم يستغلون توقيع العلماء على الصيغ ولكن ما يحرصون على تطبيقها والمفروض اللي يطلب التمويل يتحقق من توفر الشروط الشرعية..


وفوق هذا ياليت يعطونك مبلغ يرد العين..مافي بنك يعطي تمويل اكثر من ثلث الراتب على مدى خمس سنين علشان الازمة العالمية....وش تسوي بالله!! تقريبا تجي 15 ضعف الراتب..

ولو استسلمتي لجشع البنوك واخذتي تمويل عقاري كبيت مثلا..فانتي كالمستجير من البنوك بغقطاعيين العقار..

غش في البناء..ذوق غبي..تضخم مب طبيعي في الاسعار..واسكني يد وراء ويد قدام..لان ماتقدرين تأثثين راتبك رايح تقسيط..



مالك الا التقسيط..قسطي ارض..اليييييييييييييييييييييين تكرهينها من كثر ماتروحين تشوفينها كل خميس...

وبعدين جمعي 5 سنوات..وخذي فوقها تمويل مادي ولاتناظرين صور الديكور في النت كثير علشان تصير احلامك قريبة..


واذا جاء القرض العقاري زوجي فيها عيالك....







على فكرة وزير المالية اقر نظام الرهن العقاري و المفروض انه بيساهم في مساعدة الشعب في تملك البيوت وفي نفس الوقت يضمن عدم حدوث مشاكل رهن في البنوك..لكن ما شفناه طلع ذا النظام ..

شوفي قمية التكلفه تعتمد على مسطح البناء وعلى التصميم يعني مثلا الي يبنون دور ارضي وشفتين فوق بيكلف اكثر من الي يعمر دورين فقط

300.000 راح تكفيك تعمرين بيت عظم وانتي نايمه بس اهم شي اعطو المقاول فلوس شغل يده فقط لا تتكلون عليه بجلب المواد لانه بيغشكم وبياخذ كل شي دبل
ولو زوجك شاطر وحسبها بالمتر بنفسه لكل عامل يشتغل عنده مراح يخسر شي كثير لان اغلب العمال يقول انا بشتغلك المتر بكذا طبعا اغلب الي يعمرون ما عندهم خلفيه عن حساب امتار الغرفه فيترك العامل يحددله الامتار وهو يظربها بالسعر وبكذا العامل هو الرابح

يعني من 300.000 واقل بعد بتعمرلكم دورين عضم بمساحة ارض 450 متر

^^^^^

المشكلة مهب العظم..المشكلة اللحم>>>>>هذه العضوة استخفت يوم جاء طاري العمار,,


والله المشكلة التشطيب واغلب المهندسين يقولون العظم ثلث تكلفة البناء..طبعا تشطيب معقول مب عادي ولا سوبر ديلوكس..


يعني ثلاثمية الف تدبر..تتمول..بس الباقي..التشطيب والمطبخ والتكييف..ولا الاثاث بكيفه..هذي من وين تدبر..



نسيت اضيف بردي فوق عن برنامج استصناع الراجحي اللي يبني البيت كامل او يكمل البناء ويقسطه عليك لكن شروطهم ونسبتهم عالية..


ولازم المقاول والمشرف من عندهم..ولا تغير شي من اختياراتك في العقد اببببببببدددداااا..وهذا الشي لا يمكن طبعا ضبطه في العمار..

اللي تعرفه ياليت تعطينا تجربتها معهم..لاني مالقيت احد جربه..

الله يسهل لك ويعينك

شكلك ماشفتي حلقة طاش ماطاش ابوزنيفر

500ألف<<قيمة ارض

سمعت ان العقار بينهار يمكن هذي فرصتنا لنحصل على بيت ملك