up

ماقدرت اتابع الردود كلها

المهم ياحبايب عندي 3 بنات بعدهن ولد ثم جبت بنتين والحين حامل

ماكان فيه فرق حسيته بالولد الاول عن البنات ما كنت بهذيك الايام عرفت النت والنصايح والوصفات وهالكلام كله

الي أعرفه اني كنت أدعي ربي دوم استغفر دووووم واتذكر ان اختي راحت للحج ووصيتها الدعاء بان ربي يرزقني الولد

وغير هالكلام كله كنت كل بنت أجيبها احمد ربي واشكره واستغفره على مشاعر الالم التي كانت تخالجني

اخبركم خبر

كنت امشي مره بالسوق وبنتي الثالثة بالعربانه
اجتني وحده تجري تجري قالت بالله وش معاك بالعربانه بنت ولا ولد (لان كان يمشي معاي بنتين ففضولها خلاها تسأل هالسؤال

فقلت بنت فقالت يااااااا حسرتي على نفسي

اعتقد المسكينه كانت حامل ولمن شافتني قاست روحها علي وقالت اكيد ولد ولمن عرفت انها بنت انفجعت

حبيباتي نحنا الحريم عن جد مساكين ونحتاج نستغفر ربي الف مره
نحب متع الحياة ونحب نكون مكتملين من كل النواحي
ولو الوحده عندها ولد وبنت
حست ان الدنيا ملكها

ولو عندها ولدين او اربع صارت تمشي خيلا وتبكي على البنت ولكن بداخلها خوف من عين ام البنات

اتكلم معكم بصراحة وشفافية

ليش صار فينا هالشي
هل هو الفراغ
هل الدنيا غرتنا
هل هي احتياجات نفسيه
نريد اولاد نسند ظهورنا عليهم
ونريد بنات نشوف ارواحنا فيهم
ولا نريد نجيب الاولاد يشيلون اسم ابوهم ((ونمسكه ما يفكر يتزوج ))) بعذر البحث عن الولد


هالكلام اوجهه لنفسي اولا لاني حامل وطول وقتي ادعي يارب ولد وارجع افكر طيب ولد يمكن مايكون بار لي ولاخواته ولابوه وأخوه فارد ادعي واقول يارب انت اعلم مني بمافيه الخير فقر عيني بجنيني واختار لي الخيرة الصالحة وارزقني بره وهون طلقه وحسن خلقته وخلقه

طولت عليكم مااعليه المجال مفتوح
السموحه

غربه >>>>>ما شاء الله عليج والله لازم هالكلام نقوله ونقنع نفسنا بس مانمنع نفسنا انا نسعي ونبحث بالطرق لان الله قال اسعي ياعبدي وانا اسعي معاك والواحد ما يقول ياربي ارزقني ولد ويعقد وخلاص نتوكل عليه ونبحث بالطرق اولا واخرا هو الرزاق الوهاب يرزق من يشاء ويهب لمن يشاء
ولو الوحده ماتبي تدور وتقعد بس تدعي كان كل بنات الناس لاحملن ولاراجعن للعقم اللي يبي اطفال وذريه فالواحد يبحث ويسعى والله معاه >>>>والله يرزق كل محرومه بالذريه ويرزق كل وحده باللي تمنى >>>>واسفه علي الاطاله وجهة نظر

:arb: :arb: :arb: :) :) :)

وجهة نظر على عيني وراسي ما اختلف معك ابدا ولا مع البنات
بخصوص التداوي والبحث عن علاجات للعقم المؤقت او صعوبات واعاقات الحمل مافي اختلاف في البحث عنها

حتى موضوع تجربة الغسول وايام الجماع والتبويض والاكل ايضا ما اختلف معاكم فيها بالعكس لو كنت اعرفها قبل زمااااااان كان اكيد اتبعت الاسباب وتوكلت على الله

لكن احب اذكر نفسي دوم بان الله جل وعلى أخبر منا بما هو أخير لنا

فقط هذه وجهة نظري نتبع الاسباب مع الالتزام بالرضاء بما يقدره الله لنا ونتنبه من ان نتسخط لو بالافكار والهواجس والوساوس

اعيد ان كلامي هذا اذكر نفسي به
لاني أم ل5 بنات وولد وحامل الأن وهاجس الولد يسيطر على تفكيري ولكني احاول ان اتقي ربي على قد ما اقدر

اشكر ردك واهتمامك وتقديري للجميع