نداااااء للجميع وبالأخص ..................بنت النيل

السلام عليكم جميعا.........وكل عام وانتم على أحسن حال

انا بغيت أفضفض لكم عن شي بسيط من اللي في نفسي ، لعلي أجد ما يزيح عني بعض الهم .......وهذ ما هو متوقع منكم .
انا لي ثلاث سنوات ونص ما حملت ، وكل شي عندي سليم ، ولكن ضعف بسيط في التبويض .
أخذت الكلوميد ولا كان هناك استجابة كبيرة ، وثم توقفت عن العلاج ، وذهبت لتجربة الطب الشعبي ، ولكن للأسف لم يفلح معي ، بعدها قررت تجربة الأبر بعد تردد كبير .
توكلت على الله واستخرت وأخذت الأبر وكان عددها ( ثمانية ) ابر.
ولما ذهبت لعمل أشعة كانت المفاجأة .....أن خرج معي ععد كبير من البويضات لدرجة أن الدكتورة حقتي خافت تعطيني أبرة تفجير ، وكانت متفاجئة من استجابتي الكبيرة للأبر ، وقالت لي انا أشوف إنك ما تحملين هذا الشهر عشان ما تتعبين . وإذا جا الشهر القادم أعطيك خمس أبر ونشوف ، لأني أبغى يطلع بويضتين أوثلاث ، مو عدد كبير مثل كذا. وطلعت من عندها وانا ما أدري أفرح والا أحزن ؛ لأني كنت مأملة كثير على هذا الشهر ، بعدين أقنعت نفسي بأن هذا فيه خير كثير لي . والحمدلله على ما جا من الله .
ونزلت الدورة وأخذت خمس أبر ، ولكن البويضات لم تكبر ، وزادت لي ثنتين ، ولكن لم تكبر ، والدكتورة مررررررة مستغربة من الفرق في الاستجابة بين الشهر هذا والشهر الماضي ، وقالت بأعطيك زيادة ثنتين ونشوف ، وأخذتها ولكنها تكبر بشكل بطييييييييء جدا ، وقالت نوقف الأبر( بعد ما صارت تسعةابر ) وتعالي بعد يومين إن شالله تكبر من نفسها ، ولكن لم يحدث تغير كبير في حجمها ، وقالت صراحة ما ضبطت معاك هذا الشهر ، تعالي لي إذا جتك الدورة ونشوف ، وما تدرين يمكن تكبر بشكل مفاجىء وسريع ، وخليك على الجماع يوم بعد يوم .
ومر هذاك اليوم كله وأنا أبكي وما قدرت أوقف بكا ، وأفكار تروح وتجي ، والإحساس بالوحدة ذبحني ، وقمت أصلي وأدعي ، بعدها ارتحت شوي ونمت .
وبعد هذه القصة اللي طولت عليكم فيها ، أبغى اسأل بنت النيل وجميع الأخوات عن السبب في التناقض بين الشهرين ( من رايكم ) ، والله إني خايفة مرة وقلقة ، وإذا فيه وحدة مرت بنفس التجربة وحملت تقولي وتطمني ، عسى ربي يطمن قلوبكم ......وفي أمان الله