ندااااااء الى خبيرات عالم حواااء......ارجو المساااعدة لاعدمناكم

بسم الله الرحمن الرحيم....
بعد التحية...
خواتي انا الان بحاجة الى مساعدتكم وهذا وصف لحاله شعري وارجو منكن ان تجدن حل لها:
شعري قبل كان طويل وخشن ومقصف مع وجود فراغات فية الا انة ثخين
وقامت اختكم وصبغتة بلياج برغندي وقتة إلين اخر رقبتها اول 4 ايام طبع كان مسشور
طالعة القصة والصبغة خيال خيال خيال وكثرت شعري وتخيلو التقصف ماااافية كأنة سحر
ولما غسلت شعري الله لا يوريكم اقسم بالله غضب ( انا كنت قاصتة مدرجات من ورى وشلال من قدام )
وينفش لكم ذيك النفشة اللي صرت فيها سحيلة ام الخلاقين واخواااني ماتو عليا من الضحك
وماقدرت المة كل ما اجمعة تطلع قراعيط وش اسوي يارب واقضبة وارفعة لي قمة راسي واسوية كعكة ( اخوي الله يساامحة يقول مثل كعكة المصريات الله يمسيهم بالخير ) والتموجات ياعيني عليهم
واحط حمام زيت ولاهو نااافع عمك اصمخ وبلشت بحالي يا اما اني اخلية منفوووش مثل المهبولة ويعيبون علي اخوااني يا اما اني المة وهذا الي ماقدر علية . وبسرعة قلت والله مالي غير خواتي في عالم حووواء يلقون لي حل مع هالمشكلة العووويصة ابي منكم:
1- خلطات عشان تطول شعري بسرعة وتلبدة بدال ماهو نافش. واهم شي انها تكون قليل احطا عشان ماينزل لون الصبغة لانها برغندي ومثلكم عارف البرغندي يخرب بسرعة لونة وينزل مع الماي.
2- تساريح اسويها بشعري في الزيارات وفي البيت عشان افتك من لسن اخوواني اللي فشلوني مع ملاحظة ان شعري قصير جدا بليز حلم حياتي اسوي تسريحة ذربة وسريعة وما تحتاج جهد.
3-ماتكون لهذة الخلطات ريحة شينة عشان ما انطرد من البيت الحلبة مسموحة وغيرها لا :22:
<<<< طرار ويتشرط. ماعلية امون عليكن.
علما بأني توني مخلصة ثنوية عامة وابي اغير من لوكي اشوية :)