نداااااااء الى هيونه الأموره ..//استخدمي الرسائل الخاصه

اهلين حبيبتي كيفك
حبيبتي كيف اكتشفتي ان عندك تجلط هل قد حملتي واجهضتي اولا
وهل من اول مره استخدمتي فيها الاابر ثبت الحمل ولااجهضتي تكفين افيدني لاني حملت واجهضت مرتين بعدين حللت وطلع معي تجلط بس خايفه من الااجهاض وحبيبتي هل استخدم الاابر كل يوم في ساعه معينه اولا في اليوم في اي وقت معليش طولت عليك بس اول مرره وقد اجهضت بس فيني خوف ومتشفقه على الطفل وخايفه من الااجهاض وهل مع الاابر تمارسين حياتك طبيعي اولا ممنوع المشي واولا نفس اي حامل طبيعي يعني مامنه خوف ان شاءالله


كيفك حبيبتي ماعليش حطيت استفساراتك هنا لاني عارفه قد ايش محتاجه الاجابه نفس حالتي بالضبط اول مااستخدمتها ..

اعذريني لان الرسائل عندي مادري ايش فيها ..

عموما خليني اجاوبك انا جاتني جلطه بعد ولاده طفلي الاول ..
واستخدمت مسيل الدم وارفرين طبعا حبوب لمده سبع شهور وتركتها حسب استشاره الطبيب ..

ثانيا لمن حملت بالثاني على طول كتبتها لي الدكتوره خفت ورحت لثلاث دكتورات بدون ماتكلم اول مااعرض لهم التقرير قالو لي ضروري الابر ..

ثالثا انا رحت تقريبا اربع مرات المستشفا عشان يعلموني كيف احقن لان صعب تروحين يوميا المستوصف عشان تحقنين ترا هي مرره سهله بس ركزي مع الممرضه عشان ماتحقنيها غلط وتزرق المنطقه انا عن نفسي مااحقن الا في الفخذين اسهل علي .. نصيحه تعلمي عليها واحقنيها بالبيت ترا مايبيلها بس شبلي الخوف وماراح يعدي اسبوعبن الا وانتي تحقنيها بكل سهوله .. انا لمن كنت اروح كنت اشوف حريم يحقنوها وبطنها قدامها وتعباانه ولمن اسألها ليه طيب ماتحقني لنفسك يكون الجواب ماجربت او مافكرت .. تخيلي نفسك تسع شهور تروحي تحقني يوميا وبعض الاحيان يكون توصيه الطبيب مرتين مو مره .. صراحه ملل وتعب وغير كذا ماتضمني يجيك ظرف تظطري ماتروحين..

رابعا .. كل اللي سألتهم اثناء روحاتي للمستشفا سواء مراجعات او غيرها كنت اسألهم يقولون بإذن الله تحمي بنسبه كبييييييره من الاجهاض لانها توصل الدم للجنين بشكل ممتاز ..

خامسا .. عادي تقدرين تمارسين جمييييع نشاطاتك اليوميه بكل بساطه لان مالها علاقه نهاااائي انا السؤال هاذا سألته الدكتوره قالت مالها علاقه وسألتها اذا تتعارض مع ادويه او اطعمه قالت لااااا نهاااااائي ..
اما عن المشي ارجعي لدكتورتك لان ما اقدر افيدك والله عموما الابر مالها علاقه بالمشي بس ممكن تطلب منك راحه لأسباب ثانيه حسب حالتك .. للأمانه ما اقدر افتيك الا باللي اعرفه ومتأكده منه ..

سادسا .. انا كانت جرعتي مره وحده فقالت لي الدكتوره احقنيها بالوقت اللي يناسبك واليوم اللي بعده بنفس الوقت تقديم ساعه او تاخير ساعه ان شاء الله مايأثر لان نفعول الابره اربع وعشرين سااعه فقطططط ...

عاد حسب جرعتك اسألي الدكتوره ..

اتمنا اني مانسيت شي ولو عندك اي استفسار انا بالخدمه ..

ادعي لي بتيسير ولادتي لاني بالتاسع ..

واي سؤال ابدااااااا لاتترددين لان حاسه فيك كنت ما انام من كثر التفكير الين تطمنت ..
الله يطمن قلبك مثل ماتطمن قلبي وتقر عينك بشوفه طفلك سليم معافى يارب ..