عواطف تركي . :

هذا اكبر غلط تسوينه بحياتك انك تعطين وتبادرين وتركضين وتلهثين لهث وراهم عشان تبينهم يردون لك مقابل هذا هو التشفق اللي اقصده وحالة الشح والندره والقحط اللي حاصره نفسك فيها العطاء حتى بإعتدال لازم ما تنتظرين من وراه مقابل انتي مثل اللي مصر يصب المويه بكاس مثقوب مهما تملينه يسرب ويضيع والمشكله انك لسه ما تبين تتعلمين ولا تفهمين الدرس باقي تعاتبين وتتذمرين من الحال وحتى فلان وعلان اذا قال لك مطفر هذا من ابسط حقوقه وحريته هذا ماله وهو حر فيه انتي مالك دخل باللي في يده واحياناً الشخص اللي عنده مال وكان يعطي ثم قرر يتوقف عن العطاء فهي رساله واضحه وصريحه انك تماديت وانك اتكالي وتعودت انك تاخذ واعتبرت العطاء كأنه واجب انت تستحقه بينما الحقيقه مالك حق فيه هو كان يعطيك من باب مساعده لكن كل شي له نهايه ولا اجل كيف راح يتعلم الشخص الثاني وينضج ويتعلم يعتمد على نفسه ؟ سبحان الله كلامك هنا وبموضوعك السابق لمست فيه عدم النضج الكافي والتشبث بمشاعر مظلوميه وتمسكن واحتياج مستمر للتعاطف والطبطبه بدون بذل أي مجهود للتحسين والتطوير من الذات وتصحيح الافكار وتجديد الحياه وللاسف ترجعين تقولين انا او غيري عندنا ناس وسهل علينا لكن الحقيقه لا ماعندنا ولا سهل علينا نقحم انفسنا في حياة الناس لكن الفرق اننا رضينا بقسمة الله وشفنا لنا مسار وطريق ثاني ننبسط ونستمتع من خلاله بدون الحاجه لملاحقة البشر والنظر للي في اياديهم او انتظار شفقتهم لان بكل بساطه هذا رزقهم وقسمتهم وهذا رزقي وقسمتي والحمدلله كلنا بإختلاف ظروفنا عندنا همومنا واوقاتنا اللي ممكن نحس فيها بإحتياجات معينه لكن نستقبلها برضا وتسليم لله وطول ما الشخص يحيط نفسه بمشاعر المظلوميه والاحزان والانكسارات والبكائيات كل ما تضاعفت وزادت في حياته لان ببساطه هذا خياره وهذا تشبثه ورغبته وقلتها بموضوع سابق وارجع اكررها للتأمل والتفكر واسأل الله ان يفتح على قلبك وينور بصيرتك ( إن الله لا يغير ما بقوم حتى يغيروا ما بأنفسهم )

هذا اكبر غلط تسوينه بحياتك انك تعطين وتبادرين وتركضين وتلهثين لهث وراهم عشان تبينهم يردون لك...

عواطف تركي . :

عفواً بديتي تناقضين كلامك اذا انتي محتاجه هالقد ليش تعطين ناس انتي شايفتهم مكتفين بنظرك ؟ وليش مستمره في العطاء من الاساس وانتي مو شايفه المردود اللي تطمحين له ؟ ليش تضغطين على نفسك ؟ الناس عندهم اشياء ثانيه غير انهم يجلسون معاك ويطبطبون عليك ويسمعون شكاويك من ضيق الحال وترى كلامي هذا مجرد افتراض وتخيل للوضع ترى الناس نفوسها ما تتحمل كمية الطاقه السلبيه والاحتكار اللي توصلينه لمشاعرهم دايماً اذا تعلقتي في شخص تلقائياً راح تلاقينه ينفر ويهرب منك سبحان الله الملاحقه والمطارده والتعلق بأشخاص طاقة منفره طارده لهم وبخصوص المشروع خلينا نتكلم بعقلانيه ومنطقيه بغض النظر عن نوع مشروعك كيف تبينه يمشي وينجح وانتي بذاتك تقولين انك ما تطلعين ولا تشوفين الناس ؟ كيف تبين الناس تعلم الغيب وتجي تطلب من مشروعك ؟ خاصة بأمور الرزق والتجاره مربوطه بالسعي والحركه وانك انتي اللي تروحين للناس مو تجلسين تنتظرينهم هم يجونك انتي كذا احطتي نفسك بطاقة ركود وتعطيل وحطيتي بينك وبين الدنيا والناس حاجز قوي وما ادري وش يمنعك تطلعين حتى لو تجلسين بحديقه عامه او حتى بس تمشين حوالين البيوت يعني مو محتاجه تدفعين شي سهل اننا نجلس ونحمل الاقارب والاصدقاء والجيران والحيطان والجمادات والحجر والصخر سوء احوالنا وعسرها لكن صعب علينا نتحمل مسؤليتها ونقول الغلط منا وترى ما اكتب هذا الكلام عشان ألومك او احسسك انك غلط لكن ابيك تشوفين الحياه بعيداً عن هالة المظلوميه والتمسكن اللي محاوطه نفسك فيها احيانا لما رب العالمين يقفل علينا باب " وطبعا هو باب شر " يكون فاتح لنا ابواب ثانيه افضل بكثير وفيها خير لنا لكن احنا نبقى مصرين وواقفين عند هذا الباب الواحد المقفل ونلطم ونبكي ومعطلين امورنا وحياتنا على الفاضي

عفواً بديتي تناقضين كلامك اذا انتي محتاجه هالقد ليش تعطين ناس انتي شايفتهم مكتفين بنظرك ؟ وليش...