ندماااااانه اشد الندم اني رضيت اتزوج مطلق ولديه اطفال

بموت ان مافضفضت
انا تزوجت وعمري 25 خفت من العنوسه او اني اظل م اتزوج وكل مجتمعي كانو 18 يتزوجون وكنت انخطب من رجال لسى ماتزوجو واهلي يرفضون لكذا سبب لين طق بابنا مطلق سابق عنده بنت عمرها سنه ووحده ثانيه كانت في بطن امها لسى بالشهر الخامس وسبب الطلاق اكتشف خيانتها له برسايل الجوال وطلقها بعد زواج دام 3سنوات
المهم بعد اقناعات من اهلي وافقت وتزوجته ومعي منه ولد والحين حامل لنا 5سنين متزوجين
وبناته عند امهم
يجوني بالشهر مره ومصروفهم 1000 ريال
بسسسس خلال الخمس سنين اللي راحت كل مشاكلنا بسبة زوجته لانها سببت له عقده نفسييه صار يشك فيني بكل شي بالجوال بالطلعات بالكلام كل حياتي معه شك بشك وانا صابره اقول كله منها حسبي الله عليها سببت عقده للرجال ومتحمله وكل شي
لين مرت السنين وبتدخل بنته المدرسه السنه ذي وبدت الاتصالات تكثر بينه وبين خال البنت والمشكله بكل مكالمه الخال يجلس يجيب طاري حرمته السابقه مره تعبانه ماتقدر توديها تسجلها ومره البنت تعبت مانقدر نسجلها ويجلس يقوله انها ندمانه وانها على سجادتها كل فجر ومن ذا الكلام وانا يرتفع ضغطي واسكت واصبر
الين جا اليوم الصباح ودق عليه خال بناته قال تعال خذ بنتك طعمها امها تعبانه وخذ مفتاح البيت لاني بنام لاجيت من التطعيم افتح لبنتك الباب ودخلها
انا هينا قفلت اخلاقي خصوصا انه محلق امس ومتضبط يعطيه المفتاح خييييييييير ويتكلم عنها عنده وزوجي ماشاء الله حاط العذر تسجيل بنته
ويوم علمني وانا اتهاوش معه قلت لي سنين متحمله ضيمك وشكك عشان يصير الوضع الحين فيه مفاتيح ومكالمات ويوصف لك حالتها وتودي البنت تطعمها قلت ماباقي الابكره اجهز لك عبايه على قدك وتروح تسجل بنتك
رفع ضغطي يابناااااااات ابكي اقول انا ليش تزوجت مطلق وعنده اطفال ليييييييش لييييييش مقهوره وربي مقهوره كل هالسنين متحمله الغثى بسبة اللي سوته بزوجي من خيانه والحين راسي بينفجرررررررررررررررر.
ااااه بسسسسسسس